Ŋirom. 14
14
Nyitubok lokaato kon
1Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope. 2Ecamakini anupit a ituŋanan a ice ilope akinyam ibore daadaŋ, nai ituŋanan ŋini epalag ananupit, eŋeri iŋes akinyam akiriŋ. 3Nyitemokino ituŋanan ŋini enyami ibore daadaŋ isoloe ŋini nyenyami daadaŋ; aso ŋini eŋerit akinyam akiriŋ, nyitemokino etubokini ŋini enyami ibore daadaŋ, anerae acamu Akuj iŋes. 4Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.
5Etami ituŋanan ice atemar eyai akoloŋit ŋina epol akilo ŋunace, nai etami ice atemar ikwaan ŋirwa daadaŋ. Itemokino ŋinituŋanan kiwuap ŋuna ebasi ŋatameta keŋ ejokak. 6Ituŋanan ŋini itopoloorit akoloŋit ace, itiyae ŋun anakerit Ekapolon. Iŋes daŋ ŋini enyami ibore daadaŋ, itiyae ŋun anakerit Ekapolon, anerae elakari iŋes neni ka Akuj aŋuna ka akimuj. Ŋini daŋ eŋeri akinyam ŋiboro ŋice, itiyae ŋun anakerit Ekapolon ka elakari iŋes neni ka Akuj. 7Emam iwon ŋini eyari aŋuna keŋ bon, emam iwon ŋini etwani aŋuna keŋ bon. 8Ani kikiyari iwon, ikiyari aŋuna ke Ekapolon, ka ani kikitwaka, ikitwaki aŋuna ke Ekapolon. Tari nai kikiyari kori kikitwaka, ikirae iwon ŋulu ke Ekapolon. 9Anerae abu Kristo totwan ka toyaru aŋuna ka aruwor Ekapolon a ŋulu eyarete ka ŋulu atwak. 10Kaanukiro nai etubonokiniata ŋice kus ŋuluce? Ka kaanukiro isolooto ŋice kus ŋuluce? Ikilosi iwon daadaŋ akiwo alokiŋaren Akuj, ikitubok iŋes iwon. 11Anerae ebasi Ŋakigireta ebe,
“Ebala Ekapolon, ikwaŋina eraakar kire
atemar ayari ayoŋ,
ikoni nenipei atemar eryediki ŋinituŋanan
alokiŋaren kaŋ,
ka elimori ŋinituŋanan atemar ayoŋ arae Akuj.”
12Isisauni nai ŋinituŋanan alotooma yok ŋakiro keŋ a ilope alokiŋaren Akuj.
Nyisibusok lokaato kon ananupit keŋ
13Aŋun nai, ojoŋoto atubonokin make. Nai ŋuna itemokino iwon otyakutu akitiya nu: nyitemokino akitiya idiobore ŋini isigukini lokaato yok ananupit keŋ kori ŋini itolomari iŋes nasecit. 14Ayeni ka eketoodikinit ayoŋ Ekapolon Yesu atemar emam ibore ŋini nyeseg alotooma keŋ bon, nai ani kenup ituŋanan atemar nyeseg icebore, eruwor nai ibore ŋin ŋini nyeseg aneni keŋ. 15Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania! 16Nyimyek ibore ŋini ibala iyoŋ ejok eryamuni ekiro ŋolo aronon. 17Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan. 18Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ. 19Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make. 20Nyinyasut aŋuna ka akimuj ŋuna adau Akuj akitiya. Epedoryo ŋamuja daadaŋ akimuj, nai erono akimuj ibore ŋini itolomari ituŋanan ŋinice nasecit. 21Ŋuna itemokino akitiya ikes ŋuna ka akimyekin akinyam akiriŋ kori akimat ŋagwe kori akitiya ŋinibore daadaŋ ŋini isigukini lokaato kon ananupit keŋ. 22Kiricite nai ŋuna inupit iyoŋ aŋuna a ŋakiro a ŋun, erae ŋuna kon bon ka Akuj. Elakara ituŋanan ŋini nyitusubuna ekasecan itiyae ŋuna ebala ejokak! 23Nai ani keŋayaŋayat ituŋanan aŋuna ka akimuj a ŋina imuji iŋes, etubokini Akuj iŋes apaki ŋina imuja iŋes akimuj ŋin, anerae nyitiyae iŋes ŋuna elimokinit anupit keŋ iŋes; ido ibore daadaŋ ŋini eŋerit ŋuna elimunit anupit, erae asecit.
Currently Selected:
Ŋirom. 14: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋirom. 14
14
Nyitubok lokaato kon
1Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope. 2Ecamakini anupit a ituŋanan a ice ilope akinyam ibore daadaŋ, nai ituŋanan ŋini epalag ananupit, eŋeri iŋes akinyam akiriŋ. 3Nyitemokino ituŋanan ŋini enyami ibore daadaŋ isoloe ŋini nyenyami daadaŋ; aso ŋini eŋerit akinyam akiriŋ, nyitemokino etubokini ŋini enyami ibore daadaŋ, anerae acamu Akuj iŋes. 4Ŋae iyoŋ itubokini eketiyan a ituŋanan a ice? Erae ekapolon keŋ etyakuni erae kibusokina iŋes kori kilounit; elosi iŋes akiloun, anerae Ekapolon iŋes epedori akisiloun iŋes.
5Etami ituŋanan ice atemar eyai akoloŋit ŋina epol akilo ŋunace, nai etami ice atemar ikwaan ŋirwa daadaŋ. Itemokino ŋinituŋanan kiwuap ŋuna ebasi ŋatameta keŋ ejokak. 6Ituŋanan ŋini itopoloorit akoloŋit ace, itiyae ŋun anakerit Ekapolon. Iŋes daŋ ŋini enyami ibore daadaŋ, itiyae ŋun anakerit Ekapolon, anerae elakari iŋes neni ka Akuj aŋuna ka akimuj. Ŋini daŋ eŋeri akinyam ŋiboro ŋice, itiyae ŋun anakerit Ekapolon ka elakari iŋes neni ka Akuj. 7Emam iwon ŋini eyari aŋuna keŋ bon, emam iwon ŋini etwani aŋuna keŋ bon. 8Ani kikiyari iwon, ikiyari aŋuna ke Ekapolon, ka ani kikitwaka, ikitwaki aŋuna ke Ekapolon. Tari nai kikiyari kori kikitwaka, ikirae iwon ŋulu ke Ekapolon. 9Anerae abu Kristo totwan ka toyaru aŋuna ka aruwor Ekapolon a ŋulu eyarete ka ŋulu atwak. 10Kaanukiro nai etubonokiniata ŋice kus ŋuluce? Ka kaanukiro isolooto ŋice kus ŋuluce? Ikilosi iwon daadaŋ akiwo alokiŋaren Akuj, ikitubok iŋes iwon. 11Anerae ebasi Ŋakigireta ebe,
“Ebala Ekapolon, ikwaŋina eraakar kire
atemar ayari ayoŋ,
ikoni nenipei atemar eryediki ŋinituŋanan
alokiŋaren kaŋ,
ka elimori ŋinituŋanan atemar ayoŋ arae Akuj.”
12Isisauni nai ŋinituŋanan alotooma yok ŋakiro keŋ a ilope alokiŋaren Akuj.
Nyisibusok lokaato kon ananupit keŋ
13Aŋun nai, ojoŋoto atubonokin make. Nai ŋuna itemokino iwon otyakutu akitiya nu: nyitemokino akitiya idiobore ŋini isigukini lokaato yok ananupit keŋ kori ŋini itolomari iŋes nasecit. 14Ayeni ka eketoodikinit ayoŋ Ekapolon Yesu atemar emam ibore ŋini nyeseg alotooma keŋ bon, nai ani kenup ituŋanan atemar nyeseg icebore, eruwor nai ibore ŋin ŋini nyeseg aneni keŋ. 15Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania! 16Nyimyek ibore ŋini ibala iyoŋ ejok eryamuni ekiro ŋolo aronon. 17Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan. 18Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ. 19Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make. 20Nyinyasut aŋuna ka akimuj ŋuna adau Akuj akitiya. Epedoryo ŋamuja daadaŋ akimuj, nai erono akimuj ibore ŋini itolomari ituŋanan ŋinice nasecit. 21Ŋuna itemokino akitiya ikes ŋuna ka akimyekin akinyam akiriŋ kori akimat ŋagwe kori akitiya ŋinibore daadaŋ ŋini isigukini lokaato kon ananupit keŋ. 22Kiricite nai ŋuna inupit iyoŋ aŋuna a ŋakiro a ŋun, erae ŋuna kon bon ka Akuj. Elakara ituŋanan ŋini nyitusubuna ekasecan itiyae ŋuna ebala ejokak! 23Nai ani keŋayaŋayat ituŋanan aŋuna ka akimuj a ŋina imuji iŋes, etubokini Akuj iŋes apaki ŋina imuja iŋes akimuj ŋin, anerae nyitiyae iŋes ŋuna elimokinit anupit keŋ iŋes; ido ibore daadaŋ ŋini eŋerit ŋuna elimunit anupit, erae asecit.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.