2 Ŋikor. 10
10
Toik Paulo etic keŋ
1Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”. 2Ekelipit iyes nyikitiŋakis ayoŋ aryenyaaniar apaki ŋina adolunio inaa! Ayeni ayoŋ kire atemar apedori aryenyaanikin ŋituŋa ŋulu ikisitanakinete isua ebasi ebe ikitiyae alopite a ŋolo ka akwap a na. 3Kire, ikiboi isua anakwap a na, nai nyikiji alopite a ŋolo ka akwap a na. 4Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon. 5Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo. 6Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.
7Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes. 8Anerae nyekerumito ayoŋ ŋileec, tari keturokina ayoŋ nooi aŋuna ka apolou a ŋina ikiinak Ekapolon isua adukunio iyes, nai meere akielielaar iyes. 9Nyacamit ayoŋ otakan esibit acamit akitubul iyes a ŋabaruwae kaŋ. 10Anerae, ebasi ŋice ebe, “Eryenyaaka ka etyoko ŋabaruwae a Paulo, nai ani ikirukit iŋes ka iwon, erae ŋolo epalag ka erae ŋakiro keŋ ŋacaryo!” 11Itemokino ŋituŋa ŋul toyenete atemar ŋakiro ŋuna ikirworo isua a ŋabaruwae ikilwaka, ikwaan ka ŋuna ikirworo isua tari ikirukit ka iyes.
12Kire, nyikiyakar isua atitinyu akimarakin ka akikwaanikin ka ŋituŋa ŋulu igiranakinosi make ŋabaruwae ŋuna eyenunere ikes. Ebaŋaaka ikes nooi! Elemunito ikes akipimet kec a ŋilopeyek ka ipimasi ka akipimet a ŋin. 13Nai nyedepari akituro kosi akipimet ŋina erae etic ŋolo abu Akuj ikiinak isua ka ikimarakinitae iyes nakipimet ŋin. 14Ikimarakinitae iyes nakipimet ŋina abu Akuj ikigerok isua. Aŋun nyitedepakina isua neni sek ikigerokinitoe anaponare kosi akitodol Korinto akisera Ŋakiro ŋuna Ajokak ŋuna a Kristo. 15Aŋun, nyikituro isua aŋuna ke etic a ŋolo adaut ŋuluce akitiya, a ŋolo nyimarakinitae nakipimet ŋina sek ikigerokinit Akuj isua. Nai akilo, ikigeno isua atemar topolou anupit kus ka opedosi akitiya etic ŋolo apolon nooi alokidiŋ kus.
16Ani kitiyakinosi ŋun, ikipedori isua alosit nakwapin ŋunace ŋuna alokiŋa Korinto, ido olimonokisi Ŋakiro ŋuna Ajokak. Nyikiponi isua akiturokinor etic ŋolo adau ituŋanan ice akitiya aneni egerokinit Akuj iŋes. 17Nai ikwapei ebaakatar Ŋakigireta ebe,
“Iŋes ŋini ituro,
kiturokin aŋuna etiya Ekapolon.”
18Nyecamunit Ekapolon ituŋanan ŋini iteyenuna bon, nai ecamunit Ekapolon ŋini iteyenunit iŋes elope.
Currently Selected:
2 Ŋikor. 10: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
2 Ŋikor. 10
10
Toik Paulo etic keŋ
1Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”. 2Ekelipit iyes nyikitiŋakis ayoŋ aryenyaaniar apaki ŋina adolunio inaa! Ayeni ayoŋ kire atemar apedori aryenyaanikin ŋituŋa ŋulu ikisitanakinete isua ebasi ebe ikitiyae alopite a ŋolo ka akwap a na. 3Kire, ikiboi isua anakwap a na, nai nyikiji alopite a ŋolo ka akwap a na. 4Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon. 5Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo. 6Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.
7Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes. 8Anerae nyekerumito ayoŋ ŋileec, tari keturokina ayoŋ nooi aŋuna ka apolou a ŋina ikiinak Ekapolon isua adukunio iyes, nai meere akielielaar iyes. 9Nyacamit ayoŋ otakan esibit acamit akitubul iyes a ŋabaruwae kaŋ. 10Anerae, ebasi ŋice ebe, “Eryenyaaka ka etyoko ŋabaruwae a Paulo, nai ani ikirukit iŋes ka iwon, erae ŋolo epalag ka erae ŋakiro keŋ ŋacaryo!” 11Itemokino ŋituŋa ŋul toyenete atemar ŋakiro ŋuna ikirworo isua a ŋabaruwae ikilwaka, ikwaan ka ŋuna ikirworo isua tari ikirukit ka iyes.
12Kire, nyikiyakar isua atitinyu akimarakin ka akikwaanikin ka ŋituŋa ŋulu igiranakinosi make ŋabaruwae ŋuna eyenunere ikes. Ebaŋaaka ikes nooi! Elemunito ikes akipimet kec a ŋilopeyek ka ipimasi ka akipimet a ŋin. 13Nai nyedepari akituro kosi akipimet ŋina erae etic ŋolo abu Akuj ikiinak isua ka ikimarakinitae iyes nakipimet ŋin. 14Ikimarakinitae iyes nakipimet ŋina abu Akuj ikigerok isua. Aŋun nyitedepakina isua neni sek ikigerokinitoe anaponare kosi akitodol Korinto akisera Ŋakiro ŋuna Ajokak ŋuna a Kristo. 15Aŋun, nyikituro isua aŋuna ke etic a ŋolo adaut ŋuluce akitiya, a ŋolo nyimarakinitae nakipimet ŋina sek ikigerokinit Akuj isua. Nai akilo, ikigeno isua atemar topolou anupit kus ka opedosi akitiya etic ŋolo apolon nooi alokidiŋ kus.
16Ani kitiyakinosi ŋun, ikipedori isua alosit nakwapin ŋunace ŋuna alokiŋa Korinto, ido olimonokisi Ŋakiro ŋuna Ajokak. Nyikiponi isua akiturokinor etic ŋolo adau ituŋanan ice akitiya aneni egerokinit Akuj iŋes. 17Nai ikwapei ebaakatar Ŋakigireta ebe,
“Iŋes ŋini ituro,
kiturokin aŋuna etiya Ekapolon.”
18Nyecamunit Ekapolon ituŋanan ŋini iteyenuna bon, nai ecamunit Ekapolon ŋini iteyenunit iŋes elope.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.