1 Ŋikor. 3
3
Ŋiketiyak ŋulu ka Akuj
1Ŋikaitotoi, pa apedorit ayoŋ akisirwor iyes ikwa ŋituŋa ŋulu ipukat Etau ŋolo ka Akuj, nai ikwa ŋituŋa ŋulu ipukato ŋipitesyo ŋulu ka aseconu; ikote iyes ŋidwe ŋulu cicik ananupit kus Kristo. 2Abu ayoŋ eketan iyes a ŋakile, meere ka akimuj a ŋina agogoŋon, anerae ariŋa iyes idisyak. Tari tokona daŋ eriŋa iyes ikote nenipei, 3anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a? 4Anerae kelimu ipei tema, “Arae ayoŋ ŋini a Paulo”, tema ice, “Arae ayoŋ ŋini ka Apolo”, nyikote nai iyes ŋituŋa ŋuluce ŋulu nyipukat Etau ŋolo ka Akuj a?
5Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic. 6Abu ayoŋ odupak ekinyomit, tobukok Apolo ŋakipi; nai Akuj iŋes etopolouni. 7Aŋun nai, emam apolou eyai neni a ŋini adupan kori neni a ŋini abukon ŋakipi, nai eyai neni ka Akuj bon a ŋina itopoloe ŋinibore. 8Ikwaan ituŋanan ŋini edupi ka ŋini ebuki ŋakipi ka eryamuni ŋinituŋanan aneni ka Akuj eropit lotyae ŋolo ke etic keŋ. 9Anerae ikitiyae isua kaapei ka Akuj. Irae iyes emanikor ŋolo ka Akuj.
Iraakasi daŋ Akai ka Akuj. 10Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin. 11Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo. 12Edukete ŋituŋa ŋice nakisyakinet ŋin a egolid, esilipa kori a ŋamoru a ŋuna epol egyelit; ŋice edukete a ŋakito, a ŋanya kori a eoot. 13Akoloŋit ŋina esidyon, isileereunio etic a ŋinituŋanan alotooma akim, anerae ikatakinio ka akim ibore ŋini edukitor iŋes. 14Ani pa kenomiya akim ibore ŋini kedukokinit ituŋanan ŋin nakisyakinet, eryamuni iŋes eropit. 15Ani kenomiya akim ibore ŋini kedukokinit iŋes nakisyakinet, nyeryamuni ituŋanan ŋin eropit, nai eiun iŋes ikwa ituŋanan ŋini abucun anakim.
16Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a? 17Ituŋanan ŋini emunaari Akai ka Akuj, emunaari Akuj iŋes daŋ, anerae erae Akai ka Akuj ŋina keŋ bon ka iyes pei iraakasi Akai keŋ.
18Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire. 19Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec” 20ka ebasi Ŋakigireta aiwace, “Eyeni Ekapolon Akuj atemar erae ŋatameta a ŋikaosok ŋakoŋinae.” 21Aŋun nai, nyitemokino iyes iturokinotor idiotuŋanan. Erae ŋiboro daadaŋ ŋulu kus; 22kerae Paulo, Apolo kori Petero; kerae akwap na, akiyar kori atwanare, kerae ŋuna a tokona kori ŋuna a rwanu. Erae daadaŋ ŋulu kus; 23nai iraakasi iyes ŋulu a Kristo ka erae Kristo ŋolo ka Akuj.
Currently Selected:
1 Ŋikor. 3: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 3
3
Ŋiketiyak ŋulu ka Akuj
1Ŋikaitotoi, pa apedorit ayoŋ akisirwor iyes ikwa ŋituŋa ŋulu ipukat Etau ŋolo ka Akuj, nai ikwa ŋituŋa ŋulu ipukato ŋipitesyo ŋulu ka aseconu; ikote iyes ŋidwe ŋulu cicik ananupit kus Kristo. 2Abu ayoŋ eketan iyes a ŋakile, meere ka akimuj a ŋina agogoŋon, anerae ariŋa iyes idisyak. Tari tokona daŋ eriŋa iyes ikote nenipei, 3anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a? 4Anerae kelimu ipei tema, “Arae ayoŋ ŋini a Paulo”, tema ice, “Arae ayoŋ ŋini ka Apolo”, nyikote nai iyes ŋituŋa ŋuluce ŋulu nyipukat Etau ŋolo ka Akuj a?
5Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic. 6Abu ayoŋ odupak ekinyomit, tobukok Apolo ŋakipi; nai Akuj iŋes etopolouni. 7Aŋun nai, emam apolou eyai neni a ŋini adupan kori neni a ŋini abukon ŋakipi, nai eyai neni ka Akuj bon a ŋina itopoloe ŋinibore. 8Ikwaan ituŋanan ŋini edupi ka ŋini ebuki ŋakipi ka eryamuni ŋinituŋanan aneni ka Akuj eropit lotyae ŋolo ke etic keŋ. 9Anerae ikitiyae isua kaapei ka Akuj. Irae iyes emanikor ŋolo ka Akuj.
Iraakasi daŋ Akai ka Akuj. 10Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin. 11Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo. 12Edukete ŋituŋa ŋice nakisyakinet ŋin a egolid, esilipa kori a ŋamoru a ŋuna epol egyelit; ŋice edukete a ŋakito, a ŋanya kori a eoot. 13Akoloŋit ŋina esidyon, isileereunio etic a ŋinituŋanan alotooma akim, anerae ikatakinio ka akim ibore ŋini edukitor iŋes. 14Ani pa kenomiya akim ibore ŋini kedukokinit ituŋanan ŋin nakisyakinet, eryamuni iŋes eropit. 15Ani kenomiya akim ibore ŋini kedukokinit iŋes nakisyakinet, nyeryamuni ituŋanan ŋin eropit, nai eiun iŋes ikwa ituŋanan ŋini abucun anakim.
16Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a? 17Ituŋanan ŋini emunaari Akai ka Akuj, emunaari Akuj iŋes daŋ, anerae erae Akai ka Akuj ŋina keŋ bon ka iyes pei iraakasi Akai keŋ.
18Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire. 19Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec” 20ka ebasi Ŋakigireta aiwace, “Eyeni Ekapolon Akuj atemar erae ŋatameta a ŋikaosok ŋakoŋinae.” 21Aŋun nai, nyitemokino iyes iturokinotor idiotuŋanan. Erae ŋiboro daadaŋ ŋulu kus; 22kerae Paulo, Apolo kori Petero; kerae akwap na, akiyar kori atwanare, kerae ŋuna a tokona kori ŋuna a rwanu. Erae daadaŋ ŋulu kus; 23nai iraakasi iyes ŋulu a Kristo ka erae Kristo ŋolo ka Akuj.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.