1 Ŋikor. 13
13
Amina
1Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya. 2Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin. 3Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.
4Etitiny amina ka erimaana; nyerakaana amina kori nyitojoka bon kori nyiturono. 5Nyitiyae amina ŋipitesyo ŋulu aronok ka emam emwane aneni keŋ; nyeŋoyenene amina atipei. Nyidyasi amina ŋakiro ŋuna aronok. 6Nyelakara amina aŋuna a ŋakiro a ŋuna nyiyookino, nai elakara aŋuna a kire. 7Idaŋidaŋi amina ŋakiro daadaŋ, enupit ŋakiro daadaŋ, igeno ka etitinyikinit ŋinibore daadaŋ.
8Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni. 9Anerae ŋainakineta yok ŋuna ka ayenut ka ŋuna ka akidwar ŋakiro ŋuna ka Akuj erae ŋuna eriŋa nyirikakina, 10nai ani ŋina ebunio akiyookino daadaŋ, eŋopiarete ŋuna eriŋa nyirikakina.
11Apaki ŋina ariŋa ayoŋ araakar ikoku, arae erwor kaŋ ŋolo a ikoku, ayeni ŋakiro ikwa ikoku ka atami ikwa ikoku; ani ŋina aruworor ituŋanan ŋini apolon, abu oesik ŋuna a ikoku. 12Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.
13Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.
Currently Selected:
1 Ŋikor. 13: NIB2008
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 13
13
Amina
1Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya. 2Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin. 3Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.
4Etitiny amina ka erimaana; nyerakaana amina kori nyitojoka bon kori nyiturono. 5Nyitiyae amina ŋipitesyo ŋulu aronok ka emam emwane aneni keŋ; nyeŋoyenene amina atipei. Nyidyasi amina ŋakiro ŋuna aronok. 6Nyelakara amina aŋuna a ŋakiro a ŋuna nyiyookino, nai elakara aŋuna a kire. 7Idaŋidaŋi amina ŋakiro daadaŋ, enupit ŋakiro daadaŋ, igeno ka etitinyikinit ŋinibore daadaŋ.
8Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni. 9Anerae ŋainakineta yok ŋuna ka ayenut ka ŋuna ka akidwar ŋakiro ŋuna ka Akuj erae ŋuna eriŋa nyirikakina, 10nai ani ŋina ebunio akiyookino daadaŋ, eŋopiarete ŋuna eriŋa nyirikakina.
11Apaki ŋina ariŋa ayoŋ araakar ikoku, arae erwor kaŋ ŋolo a ikoku, ayeni ŋakiro ikwa ikoku ka atami ikwa ikoku; ani ŋina aruworor ituŋanan ŋini apolon, abu oesik ŋuna a ikoku. 12Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.
13Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.