Ndandililo 21
21
Kupagwa ku che Isaka
1Ambuje ŵampele upile che Sala, ni ŵantendele mpela iŵatite pakulanga. 2Che Ibulahimu ali achekulwipe, che Sala ŵakwete chiilu, ŵaaŵelechele che Ibulahimu mwanache jwannume pa moŵa galagala gaŵasalile Akunnungu kuti chapagwe. 3Che Ibulahimu ŵampele mwanache juŵaŵelekwe ni che Sala liina lyakwe Isaka. 4A Isaka paŵaliji ni moŵa nane, che Ibulahimu ŵammumbesye mpela Akunnungu iŵatite pakwalajisya. 5Che Ibulahimu ŵaliji ni yaka mia moja katema paŵapagwile che Isaka. 6Nombe che Sala ŵatite, “Akunnungu ambele chiseko, kila mundu juchapilikane jele ngani chaseche pamo ni une.” 7Ŵajonjechesye kuŵecheta, “Ŵaani ŵakakombwele kwasalila che Ibulahimu kuti, uneji che Sala chinjijonjesya ŵanache? Sooni naaŵelechele mwanache jwannume mu uchekulu wao.”
8Mwanache jwakusile, ni pa lyuŵa liŵannekasisye konga che Ibulahimu ŵampanganyichisye chindimba chekulungwa.
Che Hajili ni che Ishumaeli akuŵinjikwa
9Pa lyuŵa limo che Sala ŵammweni che Ishumaeli, mwanache ju che Ibulahimu juŵaŵelekwe ni che Hajili jwa ku Misili, ali nkwatendela yachanache che Isaka. 10Nipele, che Sala ŵaasalile che Ibulahimu, “Mumminje kapolo ju ni mwanagwe, pakuŵa ngaikukomboleka mwana jwa kapolo ju aiche kulisi pamo ni mwanangu che Isaka.” 11Gele maloŵe go gaatesile che Ibulahimu asupuche nnope pakuŵa che Ishumaeli nombe ŵaliji mwanagwe. 12Nambo Akunnungu ŵaasalile che Ibulahimu, “Nkasupuka kwaligongo lya mwanache jo pane kapolo jwenu che Hajili. Chilichose chakunsalila che Sala mpanganye pakuŵa mmwe chinkole iŵelesi inannanjile kutyochela ni che Isaka. 13Ni yankati mwanache jwa kapolo jwenu, iyoyo chinantende atati jwa chilambo chachikulungwa pakuŵa jwelejo nombe ali mwanagwenu.”
14Nipele, malaŵi jakwe kundaŵipe, che Ibulahimu ŵajigele chakulya ni meesi munsaku waukolochekwe ni lipende ni kwapa che Hajili. Che Ibulahimu ŵajigele indu yo, ŵaŵisile mmakoyo ga che Hajili, ŵamminjile pamo ni mwanagwe. Che Hajili ŵatyosile ni ŵaliji nkusyungulasyungula mu lipululu lya Beli Sheba.
15Meesi gala gamasile munsaku mula, che Hajili ŵangoneche mwanagwe pambwilili kuusi chitela. 16Che Hajili ŵasejele pambali utaliche wa mpela mita mia moja ni kuliŵechetela muntima mwake, “Ngangukombola kunnola mwanangu achiwaga.” Ni paŵaliji nkutama pele, ŵatandite kulila.
17Akunnungu ŵampilikene mwanache achililaga ni katumetume jwa kwinani jwa Ambuje ŵammilasile che Hajili ni kummusya, “Che Hajili ana chindu chi chikunsupusya? Nkajogopa pakuŵa Akunnungu akupilikene kulila kwa mwanagwenu kwele kwaali. 18Njime nkankamule mwanagwenu nkono, pakuŵa chinantende aŵe atati jwa chilambo chachikulungwa.” 19Akunnungu ŵammunukwile meeso che Hajili, nombejo ŵachiweni chisima cha meesi. Ŵajawile ni kugumbasya meesi nsaku wa lipende lila, nipele ŵampele mwanagwe ang'we.
20Akunnungu ŵaliji pamo ni nchanda jula, nombejo ŵapundile kukula. Ŵatemi mu lipululu ni ŵaliji jwakuuta nkunje jwambone. 21Ŵaliji nkutama mu lipululu lya Palani, ni achikulu ŵao ŵanjigalile jwankongwe jwa kulombela kutyochela ku Misili.
Che Ibulahimu ni che Abimeleki akuŵichilana lilangano
22Kele katema ko, che Abimeleki pamo ni che Fikoli, jwankulu jwa mpingo wa ŵandu ŵakwe ŵa ngondo, ŵajawile ku che Ibulahimu ni kwasalila, “Akunnungu ali pamo ni mmwe mu indu yose yankuipanganya. 23Kwayele nnumbile kwa liina lya Akunnungu kuti ngamulambusya une, pane ŵanache ŵangu, pane isukulu yangu. Mpela indite kuntendela yambone mmwe, iyoyopeyo nomwe mundendele yambone une pamo ni ŵandu ŵangu mu chilambo chinkutama chi.” 24Che Ibulahimu ŵatite, “Ngulumbila.”
25Nipele, che Ibulahimu ŵadandaulile che Abimeleki yankati chisima chati ŵakutumichila ŵa che Abimeleki ŵachisumwile. 26Che Abimeleki ŵatite, “Une ngangummanyilila mundu jwatesile yeleyi. Mmweji nganimuusalila ngani ji kupilikana kusyene ni kweleku pankuusalila.” 27Nipele, che Ibulahimu ŵajigele ngondolo ni ng'ombe ni kwapa che Abimeleki nombe ŵaŵiliwo ŵapangenye lilangano. 28Che Ibulahimu ŵasapwile ngondolo saba syankolo kutyochela mu nkutule wakwe. 29Che Abimeleki ŵambusisye che Ibulahimu, “Ana ngondolo saba sinsapwile si malumbo gakwe ichichi?” 30Che Ibulahimu ŵajanjile, “Mpochele ngondolo saba syankolo singumpa kwa nkono wangu uŵe umboni kuti uneji ni junachisokwele chisima chi.” 31Kwayele peuto pala paŵilanjikwe Beli Sheba, malumbo gakwe gali chisima chakulumbila, pakuŵa peuto po wose ŵaŵili ŵalumbilile. 32Nipele paŵamasile kuŵika lilangano lyao ku Beli Sheba ko, che Abimeleki ni che Fikoli jwankulu jwa ŵandu ŵa ngondo ŵakwe, ŵatyosile ni kuuja ku chilambo cha Ŵafilisti. 33Che Ibulahimu ŵapandile chitela cha ukwesu ku Beli Sheba ko, ni peuto po ŵapopelele Ambuje, Akunnungu ŵa moŵa mose pangali mbesi. 34Che Ibulahimu ŵatemi ku chilambo cha Ŵafilisti kwa moŵa gamajinji.
Currently Selected:
Ndandililo 21: YBV
Highlight
Share
ਕਾਪੀ।
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
Ndandililo 21
21
Kupagwa ku che Isaka
1Ambuje ŵampele upile che Sala, ni ŵantendele mpela iŵatite pakulanga. 2Che Ibulahimu ali achekulwipe, che Sala ŵakwete chiilu, ŵaaŵelechele che Ibulahimu mwanache jwannume pa moŵa galagala gaŵasalile Akunnungu kuti chapagwe. 3Che Ibulahimu ŵampele mwanache juŵaŵelekwe ni che Sala liina lyakwe Isaka. 4A Isaka paŵaliji ni moŵa nane, che Ibulahimu ŵammumbesye mpela Akunnungu iŵatite pakwalajisya. 5Che Ibulahimu ŵaliji ni yaka mia moja katema paŵapagwile che Isaka. 6Nombe che Sala ŵatite, “Akunnungu ambele chiseko, kila mundu juchapilikane jele ngani chaseche pamo ni une.” 7Ŵajonjechesye kuŵecheta, “Ŵaani ŵakakombwele kwasalila che Ibulahimu kuti, uneji che Sala chinjijonjesya ŵanache? Sooni naaŵelechele mwanache jwannume mu uchekulu wao.”
8Mwanache jwakusile, ni pa lyuŵa liŵannekasisye konga che Ibulahimu ŵampanganyichisye chindimba chekulungwa.
Che Hajili ni che Ishumaeli akuŵinjikwa
9Pa lyuŵa limo che Sala ŵammweni che Ishumaeli, mwanache ju che Ibulahimu juŵaŵelekwe ni che Hajili jwa ku Misili, ali nkwatendela yachanache che Isaka. 10Nipele, che Sala ŵaasalile che Ibulahimu, “Mumminje kapolo ju ni mwanagwe, pakuŵa ngaikukomboleka mwana jwa kapolo ju aiche kulisi pamo ni mwanangu che Isaka.” 11Gele maloŵe go gaatesile che Ibulahimu asupuche nnope pakuŵa che Ishumaeli nombe ŵaliji mwanagwe. 12Nambo Akunnungu ŵaasalile che Ibulahimu, “Nkasupuka kwaligongo lya mwanache jo pane kapolo jwenu che Hajili. Chilichose chakunsalila che Sala mpanganye pakuŵa mmwe chinkole iŵelesi inannanjile kutyochela ni che Isaka. 13Ni yankati mwanache jwa kapolo jwenu, iyoyo chinantende atati jwa chilambo chachikulungwa pakuŵa jwelejo nombe ali mwanagwenu.”
14Nipele, malaŵi jakwe kundaŵipe, che Ibulahimu ŵajigele chakulya ni meesi munsaku waukolochekwe ni lipende ni kwapa che Hajili. Che Ibulahimu ŵajigele indu yo, ŵaŵisile mmakoyo ga che Hajili, ŵamminjile pamo ni mwanagwe. Che Hajili ŵatyosile ni ŵaliji nkusyungulasyungula mu lipululu lya Beli Sheba.
15Meesi gala gamasile munsaku mula, che Hajili ŵangoneche mwanagwe pambwilili kuusi chitela. 16Che Hajili ŵasejele pambali utaliche wa mpela mita mia moja ni kuliŵechetela muntima mwake, “Ngangukombola kunnola mwanangu achiwaga.” Ni paŵaliji nkutama pele, ŵatandite kulila.
17Akunnungu ŵampilikene mwanache achililaga ni katumetume jwa kwinani jwa Ambuje ŵammilasile che Hajili ni kummusya, “Che Hajili ana chindu chi chikunsupusya? Nkajogopa pakuŵa Akunnungu akupilikene kulila kwa mwanagwenu kwele kwaali. 18Njime nkankamule mwanagwenu nkono, pakuŵa chinantende aŵe atati jwa chilambo chachikulungwa.” 19Akunnungu ŵammunukwile meeso che Hajili, nombejo ŵachiweni chisima cha meesi. Ŵajawile ni kugumbasya meesi nsaku wa lipende lila, nipele ŵampele mwanagwe ang'we.
20Akunnungu ŵaliji pamo ni nchanda jula, nombejo ŵapundile kukula. Ŵatemi mu lipululu ni ŵaliji jwakuuta nkunje jwambone. 21Ŵaliji nkutama mu lipululu lya Palani, ni achikulu ŵao ŵanjigalile jwankongwe jwa kulombela kutyochela ku Misili.
Che Ibulahimu ni che Abimeleki akuŵichilana lilangano
22Kele katema ko, che Abimeleki pamo ni che Fikoli, jwankulu jwa mpingo wa ŵandu ŵakwe ŵa ngondo, ŵajawile ku che Ibulahimu ni kwasalila, “Akunnungu ali pamo ni mmwe mu indu yose yankuipanganya. 23Kwayele nnumbile kwa liina lya Akunnungu kuti ngamulambusya une, pane ŵanache ŵangu, pane isukulu yangu. Mpela indite kuntendela yambone mmwe, iyoyopeyo nomwe mundendele yambone une pamo ni ŵandu ŵangu mu chilambo chinkutama chi.” 24Che Ibulahimu ŵatite, “Ngulumbila.”
25Nipele, che Ibulahimu ŵadandaulile che Abimeleki yankati chisima chati ŵakutumichila ŵa che Abimeleki ŵachisumwile. 26Che Abimeleki ŵatite, “Une ngangummanyilila mundu jwatesile yeleyi. Mmweji nganimuusalila ngani ji kupilikana kusyene ni kweleku pankuusalila.” 27Nipele, che Ibulahimu ŵajigele ngondolo ni ng'ombe ni kwapa che Abimeleki nombe ŵaŵiliwo ŵapangenye lilangano. 28Che Ibulahimu ŵasapwile ngondolo saba syankolo kutyochela mu nkutule wakwe. 29Che Abimeleki ŵambusisye che Ibulahimu, “Ana ngondolo saba sinsapwile si malumbo gakwe ichichi?” 30Che Ibulahimu ŵajanjile, “Mpochele ngondolo saba syankolo singumpa kwa nkono wangu uŵe umboni kuti uneji ni junachisokwele chisima chi.” 31Kwayele peuto pala paŵilanjikwe Beli Sheba, malumbo gakwe gali chisima chakulumbila, pakuŵa peuto po wose ŵaŵili ŵalumbilile. 32Nipele paŵamasile kuŵika lilangano lyao ku Beli Sheba ko, che Abimeleki ni che Fikoli jwankulu jwa ŵandu ŵa ngondo ŵakwe, ŵatyosile ni kuuja ku chilambo cha Ŵafilisti. 33Che Ibulahimu ŵapandile chitela cha ukwesu ku Beli Sheba ko, ni peuto po ŵapopelele Ambuje, Akunnungu ŵa moŵa mose pangali mbesi. 34Che Ibulahimu ŵatemi ku chilambo cha Ŵafilisti kwa moŵa gamajinji.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.