Matiu 8
8
Jesu Sivwi Ọhonvwoti
(Mak 1.40-45; Luk 5.12-16)
1Ọke ro rhi vwo wo nẹ enu rẹ ugbenu na rhe, ihwo buebu de tue nene. 2Nighe, ọhonvwoti ọvo de bro rhe, ọ da ga, ọ da ta kẹ nẹ, Ọrovwohwo, wọ da rhọvwe, wo se ru vwe fon. 3Ọ da vwẹ obọ te, ọ da ta nẹ, me rhọvwere gba fon. Siẹvuọvo na oti na de ghwe kpo. 4Jesu da ta kẹ nẹ, Wọ ta kẹ ohwo ọvuọvo-o, ẹkẹvuọvo yanran kpo, ra vwẹ oma wẹn nẹ orherẹn, rere wọ gọ iye kirobo ri Mosis ji urhi kẹ wẹ, rere o dia iseri kẹ ayen.
Jesu Sivwi Odibo rẹ Olori rẹ Isodjẹ
(Luk 7.1-10)
5Ọke ro rhi vwo te Kepanọm, onotu rẹ ofovwi ọvo de bro rhe, ọ da rẹ nẹ, 6Ọrovwohwo, odibo mẹ hiro she enwẹnwẹ, oma na herọ miavwọ gangan. 7Ọ da ta kẹ nẹ, me cha rere mi re sivwo. 8Onotu rẹ ofovwi na da ta kẹ, Ọrovwohwo, mi fo ohwo ru wo te uwevwi rọye-e, ẹkẹvuọvo ta ota rẹ unu wẹn, odibo mẹ na ko vrẹn. 9Kidie mẹvwẹ onotu rode, mi ki ji vwo ihwo buebu re me ghwẹ kpo ofovwi; me da ta kẹ ọna nẹ, yanran, ọ me ghene yanran, mọ, ọ me yanrhe: ta kẹ ọviẹ mẹ, ru ọna, o mi ghine ruo. 10Ọke ri Jesu vwo nyo, ọ de gbunu, ọ da ta kẹ ihwo ri tue nene na nẹ, Uyota me ta kẹ ovwan, Me je mrẹ esegbuyota tiọna dẹvo vwẹ Izrẹl na-a. 11Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ. 12Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako. 13Jesu da ta kẹ onotu na nẹ, Yanran kpo obo wọ ra, kirobo ru wo segbuyota na jọ dia ọtiọye kẹ wẹ; oma rẹ odibo na de ghwe kpo nẹ ọke yena yanran.
Jesu Sivwi Ihwo Buebu
(Mak 1.29-34; Luk 4.38-41)
14Ọke ri Jesu rhi vwo te uwevwi ri Pita, oniaye rọye kọ mwa ọga. 15Ọ da vwẹ obọ te, emiavwe na de ghwe kpo; o de vrẹn o de gbe odibo kẹ. 16Ọkẹ rẹ ovwọnvwọn vwo te, e de mu ihwo buebu re mwa ọga bro rhe, ọ de sivwi ayen, ọ da vwẹ ota rẹ unu djẹ erhi rẹ idẹbono buebu phia. 17Rere aroẹmrẹ rẹ Aizaya vwọ mrasan gba, ro ta nẹ, Ọye mu odjadja vẹ emiavwe rẹ avwanre ghwa.
Ihwo ri se nene Jesu-u
(Luk 9.57-62)
18Ọke ri Jesu vwọ mrẹ ihwo buebu na, ọ da ta kẹ idibo rọyẹ, nẹ, e bi kpo ẹbẹre rivẹ. 19Osiọbe ọvo de bro rhe, ọ da ta kẹ nẹ, Oyono, me guọnọre mi nene uwe kpo asan kasan re wọ ra ejobi. 20Jesu da kpahe kẹ nẹ, irhirako vwo mu, ephran vwo ẹho, ẹkẹvuọvo ọmọ rẹ ohwo vwo asan rọ vwẹ uyovwi hwa-a. 21Ohwo ọfa da rhe, ọ da ta kẹ nẹ, Ọrovwohwo, ji vwe re shi ọsẹ mẹ tavwe. 22Ẹkẹvuọvo Jesu da ta kẹ nẹ, nene uvwe; jẹ ihwo ri vwo orivwi re shi orivwi rayen.
Jesu fue Ọgbogho rẹ Abadi
(Mak 4.35-41; Luk 8.22-25)
23Ọke rọ vwọ ro evun rẹ okọ, idibo rọye de nene. 24Nighe ayen da ro evun rẹ okọ, aphopho rode na de rhi dju vwa ayen vwẹ evun rẹ abadi, ame de bru ro okọ na, yẹ ekpuyovwi rọye vwerhẹ. 25Ayen de bro rhe, ayen da rhọvwọ nẹ, Ọrovwohwo, sivwi avwanre me ghwẹ na. 26Ọ da ta kẹ ayen nẹ, die ovwan vwọ djẹ oshọ, ovwan ri vwo esegbuyota tutuno na? Ọ de vrẹn, ọ da van ku odju na kugbe abadi na, asan ejobi da ghwa fọ riei. 27Ọ de gbe ayen unu ta nẹ, ọna didi ohwo rẹ aphopho kugbe abadi nyo ota rọye?
Erhi rẹ Idẹbono ra djẹ nẹ Ihwo oma
(Mak 5.1-20; Luk 8.26-39)
28Ọke ro rhi vwo te ẹbẹre rivẹ rẹ orho ri Gadarin, ihwo ivẹ ri vwo erhi rẹ idẹbono re dia ohri rẹ ishi, i mu osho gangan, fiki rẹ eriyin na ihwo gbi yivwẹ wan idjerhe yena-a. 29Rẹ ayen vwọ mrẹ, ayen de kperi ta nẹ, Die avwanre vẹ owẹ gbi ru, wẹ Ọmọ rẹ Ọghẹnẹ? Wọ rhe vwẹ oja re avwanre bẹsiẹ rẹ ọke rẹ avwanre vwo te? 30Vwẹ akakọ rẹ etiyin na, otu rẹ isi herọ ria emu vwọ. 31Irhi rẹ idẹbono na da rẹ gangan nẹ, Wọ da djẹ avwanre vwonẹ, gbe jẹ avwanre ra ro evun rẹ isi na. 32Ọ da ta kẹ ayen nẹ, Wan yanran, ayen de ghine nẹ evun rẹ ihwo na ra ro evun rẹ isi na; ayen da djẹ nene oghwrọrọ na rọ epha chohri chohri na, ra ro evun rẹ abadi na, ayen de divwi ghwu. 33Ihwo re ghẹrẹ isi na da djẹ kpo obo orere na, rẹ gbe ikun rẹ obo rẹ ayen mrẹre vwẹ oma rẹ ihwo ri vwo irhi rẹ idẹbono na kugbe isi na. 34Orere na ejobi da ghwiẹ rhe rhe vwa Jesu: ọke rẹ ayen vwọ mrẹ ayen da rẹ nẹ o nẹ erhuru rayen.
Currently Selected:
Matiu 8: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 8
8
Jesu Sivwi Ọhonvwoti
(Mak 1.40-45; Luk 5.12-16)
1Ọke ro rhi vwo wo nẹ enu rẹ ugbenu na rhe, ihwo buebu de tue nene. 2Nighe, ọhonvwoti ọvo de bro rhe, ọ da ga, ọ da ta kẹ nẹ, Ọrovwohwo, wọ da rhọvwe, wo se ru vwe fon. 3Ọ da vwẹ obọ te, ọ da ta nẹ, me rhọvwere gba fon. Siẹvuọvo na oti na de ghwe kpo. 4Jesu da ta kẹ nẹ, Wọ ta kẹ ohwo ọvuọvo-o, ẹkẹvuọvo yanran kpo, ra vwẹ oma wẹn nẹ orherẹn, rere wọ gọ iye kirobo ri Mosis ji urhi kẹ wẹ, rere o dia iseri kẹ ayen.
Jesu Sivwi Odibo rẹ Olori rẹ Isodjẹ
(Luk 7.1-10)
5Ọke ro rhi vwo te Kepanọm, onotu rẹ ofovwi ọvo de bro rhe, ọ da rẹ nẹ, 6Ọrovwohwo, odibo mẹ hiro she enwẹnwẹ, oma na herọ miavwọ gangan. 7Ọ da ta kẹ nẹ, me cha rere mi re sivwo. 8Onotu rẹ ofovwi na da ta kẹ, Ọrovwohwo, mi fo ohwo ru wo te uwevwi rọye-e, ẹkẹvuọvo ta ota rẹ unu wẹn, odibo mẹ na ko vrẹn. 9Kidie mẹvwẹ onotu rode, mi ki ji vwo ihwo buebu re me ghwẹ kpo ofovwi; me da ta kẹ ọna nẹ, yanran, ọ me ghene yanran, mọ, ọ me yanrhe: ta kẹ ọviẹ mẹ, ru ọna, o mi ghine ruo. 10Ọke ri Jesu vwo nyo, ọ de gbunu, ọ da ta kẹ ihwo ri tue nene na nẹ, Uyota me ta kẹ ovwan, Me je mrẹ esegbuyota tiọna dẹvo vwẹ Izrẹl na-a. 11Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ. 12Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako. 13Jesu da ta kẹ onotu na nẹ, Yanran kpo obo wọ ra, kirobo ru wo segbuyota na jọ dia ọtiọye kẹ wẹ; oma rẹ odibo na de ghwe kpo nẹ ọke yena yanran.
Jesu Sivwi Ihwo Buebu
(Mak 1.29-34; Luk 4.38-41)
14Ọke ri Jesu rhi vwo te uwevwi ri Pita, oniaye rọye kọ mwa ọga. 15Ọ da vwẹ obọ te, emiavwe na de ghwe kpo; o de vrẹn o de gbe odibo kẹ. 16Ọkẹ rẹ ovwọnvwọn vwo te, e de mu ihwo buebu re mwa ọga bro rhe, ọ de sivwi ayen, ọ da vwẹ ota rẹ unu djẹ erhi rẹ idẹbono buebu phia. 17Rere aroẹmrẹ rẹ Aizaya vwọ mrasan gba, ro ta nẹ, Ọye mu odjadja vẹ emiavwe rẹ avwanre ghwa.
Ihwo ri se nene Jesu-u
(Luk 9.57-62)
18Ọke ri Jesu vwọ mrẹ ihwo buebu na, ọ da ta kẹ idibo rọyẹ, nẹ, e bi kpo ẹbẹre rivẹ. 19Osiọbe ọvo de bro rhe, ọ da ta kẹ nẹ, Oyono, me guọnọre mi nene uwe kpo asan kasan re wọ ra ejobi. 20Jesu da kpahe kẹ nẹ, irhirako vwo mu, ephran vwo ẹho, ẹkẹvuọvo ọmọ rẹ ohwo vwo asan rọ vwẹ uyovwi hwa-a. 21Ohwo ọfa da rhe, ọ da ta kẹ nẹ, Ọrovwohwo, ji vwe re shi ọsẹ mẹ tavwe. 22Ẹkẹvuọvo Jesu da ta kẹ nẹ, nene uvwe; jẹ ihwo ri vwo orivwi re shi orivwi rayen.
Jesu fue Ọgbogho rẹ Abadi
(Mak 4.35-41; Luk 8.22-25)
23Ọke rọ vwọ ro evun rẹ okọ, idibo rọye de nene. 24Nighe ayen da ro evun rẹ okọ, aphopho rode na de rhi dju vwa ayen vwẹ evun rẹ abadi, ame de bru ro okọ na, yẹ ekpuyovwi rọye vwerhẹ. 25Ayen de bro rhe, ayen da rhọvwọ nẹ, Ọrovwohwo, sivwi avwanre me ghwẹ na. 26Ọ da ta kẹ ayen nẹ, die ovwan vwọ djẹ oshọ, ovwan ri vwo esegbuyota tutuno na? Ọ de vrẹn, ọ da van ku odju na kugbe abadi na, asan ejobi da ghwa fọ riei. 27Ọ de gbe ayen unu ta nẹ, ọna didi ohwo rẹ aphopho kugbe abadi nyo ota rọye?
Erhi rẹ Idẹbono ra djẹ nẹ Ihwo oma
(Mak 5.1-20; Luk 8.26-39)
28Ọke ro rhi vwo te ẹbẹre rivẹ rẹ orho ri Gadarin, ihwo ivẹ ri vwo erhi rẹ idẹbono re dia ohri rẹ ishi, i mu osho gangan, fiki rẹ eriyin na ihwo gbi yivwẹ wan idjerhe yena-a. 29Rẹ ayen vwọ mrẹ, ayen de kperi ta nẹ, Die avwanre vẹ owẹ gbi ru, wẹ Ọmọ rẹ Ọghẹnẹ? Wọ rhe vwẹ oja re avwanre bẹsiẹ rẹ ọke rẹ avwanre vwo te? 30Vwẹ akakọ rẹ etiyin na, otu rẹ isi herọ ria emu vwọ. 31Irhi rẹ idẹbono na da rẹ gangan nẹ, Wọ da djẹ avwanre vwonẹ, gbe jẹ avwanre ra ro evun rẹ isi na. 32Ọ da ta kẹ ayen nẹ, Wan yanran, ayen de ghine nẹ evun rẹ ihwo na ra ro evun rẹ isi na; ayen da djẹ nene oghwrọrọ na rọ epha chohri chohri na, ra ro evun rẹ abadi na, ayen de divwi ghwu. 33Ihwo re ghẹrẹ isi na da djẹ kpo obo orere na, rẹ gbe ikun rẹ obo rẹ ayen mrẹre vwẹ oma rẹ ihwo ri vwo irhi rẹ idẹbono na kugbe isi na. 34Orere na ejobi da ghwiẹ rhe rhe vwa Jesu: ọke rẹ ayen vwọ mrẹ ayen da rẹ nẹ o nẹ erhuru rayen.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.