Matiu 6
6
Uyono kpahe Okẹ
1Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.
2Ọke wo de ru ẹse, wo vwo hworo ukpokpo-o, kirobo rẹ otu ri Keferi ruẹ-ẹ, rere ihwo vwọ mrasan jiri ayen. Uyota me ta kẹ ovwan, ayen vwo osa rayen nure. 3Ẹkẹvuọvo ovwan de ru ẹse we jẹ obọrhe rẹ ovwan riẹn obọ rẹ obọhwere rẹ ovwan ruẹ-ẹ. 4Ovwan me bẹbẹ ru ẹse rẹ ovwan; rere ọsẹ rẹ ovwan rọ mrẹ orẹ vwẹ odjahọ vwọ hwa osa kẹ ovwan vwẹ azagba.
Uyono kpahe Ẹrhovwo
(Luk 11.2-4)
5Wa da nẹ ẹrhovwo we ruẹ kerẹ otu ri Farisi na-a, re vwẹ oma nẹ vwẹ ọsuere-e, eyẹ vwẹ evun rẹ ishọshi-i, rere ihwo vwọ mrẹ ayen. Uyota me ta kẹ ovwan, ayen reyọ osa rayen nure. 6Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba. 7Ovwan da nẹ ẹrhovwo, wa ta ota ọvo asiava-a, kirobo rẹ ikeferi ruẹ-ẹ, kidie ayen roro nẹ ọye eme nyo. 8Ovwan ruẹ ọtiọye-e, Kidie ọsẹ rẹ ovwan riẹn obo re da ovwan tavwe wa ke nọ. 9Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn. 10Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu. 11Emu ri kẹdẹ kẹdẹ vwẹ ọ ri nonẹ kẹ avwanre. 12Vwẹ imwemwu rẹ avwanre rhovwo avwanre, Kirobo me vwo rhovwo ọrivẹ rẹ avwanre. 13Wo suẹn avwanre ro ọdavwini-i, ẹkẹvuọvo si avwanre nẹ ukpokpogho. 14Kidie we de vwo rhovwo ọrivẹ rẹ ovwan, Ọsẹ rẹ ovwan rọ hẹ obo odjuvwu ko ji vwo rhovwo ovwan. 15Ẹkẹvuọvo we gbi vwo rhovwo ihwo-o, Ọsẹ rẹ ovwan rọ hẹ obo odjuvwu rhe se vwo rhovwo ovwa-an.
Uyono kpahe Owẹvwe Echiro
16Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure. 17Ẹkẹvuọvo ọke wo de chirẹ owẹvwe, họ, wọ vwẹ udẹ ghworo opharo wẹn; 18Rere ihwo vwo jẹ riẹn nẹ wo chirẹ owẹvwe, jokpa rẹ ọsẹ wẹn rọ mrẹ orẹ vwẹ odjahọ; rere Ọsẹ wẹn rọ mrẹ orẹ vwẹ odjahọ na, sa hwa osa kẹ wẹ vwẹ azagba.
Ẹfe vwẹ Odjuvwu
(Luk 12.33-34)
19We koko efe rẹ ovwan phihọ akpọ na-a; asan rẹ ẹghwọghwọ da ria rẹ ekagba de ji muẹ, asan rẹ oji tọfiẹ o mi cho. 20Ẹkẹvuọvo koko efe wẹn phihọ obo odjuvwu, asan rẹ eghwọghwọ da ria-a, rẹ ekagba de muẹ-ẹ, asan rẹ oji sa tọfiẹ o cho-o. 21Kidie asan rẹ efe wẹn epha etiyin iroro wẹn je dia rhe.
Urhukpẹ rẹ oma na
(Luk 11.34-36)
22Urhukpe rẹ oma na ọye ẹro; ẹro wẹn da dia ọkpokpọ, oma wẹn ejobi ko vọn vẹ orẹmrẹ. 23Ẹkẹvuọvo ẹro wẹn da dia brabra, oma wẹn na ejobi kọ vọn vẹ ebri. Ọrẹmrẹ rọ hẹ oma wẹn de mu ebri, komavọ ebri yena rho te!
Ọghẹnẹ vẹ ẹdjọ
24Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.
Enwan vẹ oshọ
(Luk 12.22-31)
25Eriyin na me ta kẹ wẹ nẹ, wọ rua ẹnwan kẹ oma wẹ-ẹn, obo wọ cha re kugbe obọ wọ cha da-a, eyẹ amwa wo che vwo rhuo-o. Ẹnwẹn wẹ ghare nọ amwa-a? 26Gbe ni emephran re hẹ obenu na, ayen kọ-ọn, ayen vuẹ-ẹ, ayen vwo erhu-u, jẹ Ọsẹ wẹn rọ hẹ obo odjuvwu ghẹrẹ ayen. Ovwan gbe ghare nọ aye-en? 27Kono re sa ro ẹnwan ro de se bru emerha ba ugrogro rọye? 28Kidie ovwan vwọ ro ẹnwan rẹ emwa? Gbe roro idodo rẹ aghwa na, obo rẹ ayen rhua te; ayen wia-an, ayen ruẹ emuọvo-o. 29Me ta kẹ ovwan nẹ, Solomọn vwẹ evun rẹ urinrin rọye, se rhuo emwa iyoyovwi kerẹ idodo nana-a. 30Ọ da dia nẹ Ọghẹnẹ sa vwẹ amwa rhuo idodo rẹ aghwa, re rhua bodo bodo nonẹ, odẹ rọ cha a gbẹn ayen kufia, komavọ o rhuo ovwan te, iri vwo esegbuyota krẹkrẹ na? 31Eriyin na wọ gbe ro ẹnwan ta nẹ, kidie avwanre cha re? eyẹ kidie avwanre cha da? eyẹ kidie avwanre che vwo rhuo? 32Kidie emu nana ejobi otu rẹ egedjọ na guọnọ ayen. Ẹkẹvuọvo Ọsẹ rẹ ovwan rọ hẹ obo odjuvwu riẹre nẹ ovwan guọnọ ayen. 33Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ. 34Eriyin na ovwan gbe ro ẹnwan kpahe odẹ-ẹ, kidie odẹ cha ro ẹnwan rẹ oma roye. Jẹn ukpokpogho rẹ ẹdẹ na te kẹ ẹdẹ na.
Currently Selected:
Matiu 6: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 6
6
Uyono kpahe Okẹ
1Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.
2Ọke wo de ru ẹse, wo vwo hworo ukpokpo-o, kirobo rẹ otu ri Keferi ruẹ-ẹ, rere ihwo vwọ mrasan jiri ayen. Uyota me ta kẹ ovwan, ayen vwo osa rayen nure. 3Ẹkẹvuọvo ovwan de ru ẹse we jẹ obọrhe rẹ ovwan riẹn obọ rẹ obọhwere rẹ ovwan ruẹ-ẹ. 4Ovwan me bẹbẹ ru ẹse rẹ ovwan; rere ọsẹ rẹ ovwan rọ mrẹ orẹ vwẹ odjahọ vwọ hwa osa kẹ ovwan vwẹ azagba.
Uyono kpahe Ẹrhovwo
(Luk 11.2-4)
5Wa da nẹ ẹrhovwo we ruẹ kerẹ otu ri Farisi na-a, re vwẹ oma nẹ vwẹ ọsuere-e, eyẹ vwẹ evun rẹ ishọshi-i, rere ihwo vwọ mrẹ ayen. Uyota me ta kẹ ovwan, ayen reyọ osa rayen nure. 6Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba. 7Ovwan da nẹ ẹrhovwo, wa ta ota ọvo asiava-a, kirobo rẹ ikeferi ruẹ-ẹ, kidie ayen roro nẹ ọye eme nyo. 8Ovwan ruẹ ọtiọye-e, Kidie ọsẹ rẹ ovwan riẹn obo re da ovwan tavwe wa ke nọ. 9Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn. 10Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu. 11Emu ri kẹdẹ kẹdẹ vwẹ ọ ri nonẹ kẹ avwanre. 12Vwẹ imwemwu rẹ avwanre rhovwo avwanre, Kirobo me vwo rhovwo ọrivẹ rẹ avwanre. 13Wo suẹn avwanre ro ọdavwini-i, ẹkẹvuọvo si avwanre nẹ ukpokpogho. 14Kidie we de vwo rhovwo ọrivẹ rẹ ovwan, Ọsẹ rẹ ovwan rọ hẹ obo odjuvwu ko ji vwo rhovwo ovwan. 15Ẹkẹvuọvo we gbi vwo rhovwo ihwo-o, Ọsẹ rẹ ovwan rọ hẹ obo odjuvwu rhe se vwo rhovwo ovwa-an.
Uyono kpahe Owẹvwe Echiro
16Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure. 17Ẹkẹvuọvo ọke wo de chirẹ owẹvwe, họ, wọ vwẹ udẹ ghworo opharo wẹn; 18Rere ihwo vwo jẹ riẹn nẹ wo chirẹ owẹvwe, jokpa rẹ ọsẹ wẹn rọ mrẹ orẹ vwẹ odjahọ; rere Ọsẹ wẹn rọ mrẹ orẹ vwẹ odjahọ na, sa hwa osa kẹ wẹ vwẹ azagba.
Ẹfe vwẹ Odjuvwu
(Luk 12.33-34)
19We koko efe rẹ ovwan phihọ akpọ na-a; asan rẹ ẹghwọghwọ da ria rẹ ekagba de ji muẹ, asan rẹ oji tọfiẹ o mi cho. 20Ẹkẹvuọvo koko efe wẹn phihọ obo odjuvwu, asan rẹ eghwọghwọ da ria-a, rẹ ekagba de muẹ-ẹ, asan rẹ oji sa tọfiẹ o cho-o. 21Kidie asan rẹ efe wẹn epha etiyin iroro wẹn je dia rhe.
Urhukpẹ rẹ oma na
(Luk 11.34-36)
22Urhukpe rẹ oma na ọye ẹro; ẹro wẹn da dia ọkpokpọ, oma wẹn ejobi ko vọn vẹ orẹmrẹ. 23Ẹkẹvuọvo ẹro wẹn da dia brabra, oma wẹn na ejobi kọ vọn vẹ ebri. Ọrẹmrẹ rọ hẹ oma wẹn de mu ebri, komavọ ebri yena rho te!
Ọghẹnẹ vẹ ẹdjọ
24Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.
Enwan vẹ oshọ
(Luk 12.22-31)
25Eriyin na me ta kẹ wẹ nẹ, wọ rua ẹnwan kẹ oma wẹ-ẹn, obo wọ cha re kugbe obọ wọ cha da-a, eyẹ amwa wo che vwo rhuo-o. Ẹnwẹn wẹ ghare nọ amwa-a? 26Gbe ni emephran re hẹ obenu na, ayen kọ-ọn, ayen vuẹ-ẹ, ayen vwo erhu-u, jẹ Ọsẹ wẹn rọ hẹ obo odjuvwu ghẹrẹ ayen. Ovwan gbe ghare nọ aye-en? 27Kono re sa ro ẹnwan ro de se bru emerha ba ugrogro rọye? 28Kidie ovwan vwọ ro ẹnwan rẹ emwa? Gbe roro idodo rẹ aghwa na, obo rẹ ayen rhua te; ayen wia-an, ayen ruẹ emuọvo-o. 29Me ta kẹ ovwan nẹ, Solomọn vwẹ evun rẹ urinrin rọye, se rhuo emwa iyoyovwi kerẹ idodo nana-a. 30Ọ da dia nẹ Ọghẹnẹ sa vwẹ amwa rhuo idodo rẹ aghwa, re rhua bodo bodo nonẹ, odẹ rọ cha a gbẹn ayen kufia, komavọ o rhuo ovwan te, iri vwo esegbuyota krẹkrẹ na? 31Eriyin na wọ gbe ro ẹnwan ta nẹ, kidie avwanre cha re? eyẹ kidie avwanre cha da? eyẹ kidie avwanre che vwo rhuo? 32Kidie emu nana ejobi otu rẹ egedjọ na guọnọ ayen. Ẹkẹvuọvo Ọsẹ rẹ ovwan rọ hẹ obo odjuvwu riẹre nẹ ovwan guọnọ ayen. 33Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ. 34Eriyin na ovwan gbe ro ẹnwan kpahe odẹ-ẹ, kidie odẹ cha ro ẹnwan rẹ oma roye. Jẹn ukpokpogho rẹ ẹdẹ na te kẹ ẹdẹ na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.