Matiu 4
4
Ọdavwini ri Jesu
(Mak 1.12-13; Luk 4.1-13)
1Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni. 2Ọke ro rhi vwo chiri owẹvwe ason ujuvẹ kugbe uvo ujuvẹ nu owẹvwe de rhi hwe. 3Idebono da rhe ọ da ta kẹ nẹ, Wọ da ghene dia ọmọ rẹ Ọghẹnẹ, gbe hirhe ibiekpẹn nana phihọ emu rere wọ re. 4Ẹkẹvuọvo Jesu da kpahe kẹ nẹ, e siro phihọ otọ nẹ, ohwo sa vwẹ emu ọvo rhọ-ọ, jokpa rẹ ota ro nẹ unu rẹ Ọghẹnẹ rhe. 5Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga, 6Ọ da ta kẹ, Wọ da ghene dia ọmọ rẹ Ọghẹnẹ, gbe pho rhe otọ; kidie e siro hẹ otọ nẹ,
Ọ vwẹ ogangan kẹ emakashe rọye nẹ,
E rhẹrẹ owẹ.
Rere ayen yonrọn owẹ,
rere awọ wẹn vwo jẹ oragha edje.
7Jesu da ta kẹ nẹ, e siro nẹ, Wọ davwẹ Ọrovwohwo Ọghẹnẹ wẹn nẹ-ẹ. 8Idẹbono da rhoma reyọ vwo kpo enu rẹ ugbenu ọvo ro kpenu gangan, ọ da vwẹ uvie rẹ akpọ na ejobi vwọ nẹ, kugbe urinrin rọye ejobi; 9Ọ da ta kẹ nẹ, enana ejobi ke dia ewẹ, ọ da dianẹ wo diguẹ kẹ vwẹ re wọ da ga vwẹ. 10Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga. 11Idẹbono na da yan jovwo; emakashe de rhi tete.
Jesu mu Odibo Egbe Phihọ vwi Galili
(Mak 1.14-15; Luk 4.14-15)
12Ọke ro vwo nyo nẹ e mu Jọn, Jesu de sioma nu vwi Galili. 13O de vrẹn nẹ Nazarẹt kpo Kepanọm rọ kẹrẹ oma rẹ abadi, vwẹ ughwru ri Zẹbulọn kugbe Naftaili. 14Rere ota na vwọ gba, ọ rẹ Aizaya mraro rọye nẹ,
15Otọ ri Zẹbulọn kugbe Naftaili,
Rọ kẹrẹ abadi vwẹ abo oboyi ri Jọdan,
Kugbe Galili rẹ erhorha na,
16Ihwo ri tidia vwẹ evun rẹ ebri ayen mrẹ urhukpẹ rode,
kugbe ihwo re hẹ uhoho rẹ ughwu,
Arhọ ọkpokpọ de bru ayen rhe.
17Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.
Jesu se Ihwiyeri Ẹne
(Mak 1.16-20; Luk 5.1-11)
18Rọ vwọ yan vwẹ orhoma rẹ abadi ri Galili, ọ da mrẹ iniovo ivẹ, Saimọn re se Pita, kugbe Andru rẹ oniọvo rọye ri phiẹ obriki vwẹ evun rẹ abadi, kidie ayen ihwiyeri. 19Ọ da ta kẹ ayen nẹ, We nene uvwe, ki nu ru ovwan vwọ dia ihwiyeri rẹ ihwo. 20Siẹvuọvo na, ayen da ghwa yan jẹ ibriki rayen vwo, ayen de nene. 21Rọ vwọ yan hẹ obaro emerha, ọ da mrẹ iniọvo ivẹ efa, Jems rẹ ọmọ ri Zẹbidi kugbe Jọn rẹ oniọvo rọye, vwẹ evun rẹ okọ kugbe Zẹbidi rẹ ọsẹ rayen re rhuẹrẹ ibriki rayen, o de se ayen. 22Siẹvuọvo na ayen da yan jẹ ọsẹ rayen vwo vwẹ evun rẹ okọ ayen de nene.
Jesu ru Iruo kẹ Urogho rode
(Luk 6.17-19)
23Jesu da yanrhe yankpo vwi Galili, o de yono ihwo vwi Sinagọg, ọ da ta ota rẹ iyẹnre esiri rẹ uvie na, o de sivwi ihwo buebu re mwa ọga, dohwo doghẹre rẹ emiavwe rọye. 24Usi rọye de kperi ruẹ Siria; ayen de mu ihwo buebu re mwa ọga bro rhe, e re mwa orhuẹ, i ri she enwẹnwẹ, i ri ghwoma; etiyin o de sivwi ayen. 25Ihwo buebu de tue nene nẹ Galili rhe, te Dikapolis, te Jerusalẹm, te Judia kugbe ovrẹn ri Jọdan.
Currently Selected:
Matiu 4: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 4
4
Ọdavwini ri Jesu
(Mak 1.12-13; Luk 4.1-13)
1Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni. 2Ọke ro rhi vwo chiri owẹvwe ason ujuvẹ kugbe uvo ujuvẹ nu owẹvwe de rhi hwe. 3Idebono da rhe ọ da ta kẹ nẹ, Wọ da ghene dia ọmọ rẹ Ọghẹnẹ, gbe hirhe ibiekpẹn nana phihọ emu rere wọ re. 4Ẹkẹvuọvo Jesu da kpahe kẹ nẹ, e siro phihọ otọ nẹ, ohwo sa vwẹ emu ọvo rhọ-ọ, jokpa rẹ ota ro nẹ unu rẹ Ọghẹnẹ rhe. 5Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga, 6Ọ da ta kẹ, Wọ da ghene dia ọmọ rẹ Ọghẹnẹ, gbe pho rhe otọ; kidie e siro hẹ otọ nẹ,
Ọ vwẹ ogangan kẹ emakashe rọye nẹ,
E rhẹrẹ owẹ.
Rere ayen yonrọn owẹ,
rere awọ wẹn vwo jẹ oragha edje.
7Jesu da ta kẹ nẹ, e siro nẹ, Wọ davwẹ Ọrovwohwo Ọghẹnẹ wẹn nẹ-ẹ. 8Idẹbono da rhoma reyọ vwo kpo enu rẹ ugbenu ọvo ro kpenu gangan, ọ da vwẹ uvie rẹ akpọ na ejobi vwọ nẹ, kugbe urinrin rọye ejobi; 9Ọ da ta kẹ nẹ, enana ejobi ke dia ewẹ, ọ da dianẹ wo diguẹ kẹ vwẹ re wọ da ga vwẹ. 10Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga. 11Idẹbono na da yan jovwo; emakashe de rhi tete.
Jesu mu Odibo Egbe Phihọ vwi Galili
(Mak 1.14-15; Luk 4.14-15)
12Ọke ro vwo nyo nẹ e mu Jọn, Jesu de sioma nu vwi Galili. 13O de vrẹn nẹ Nazarẹt kpo Kepanọm rọ kẹrẹ oma rẹ abadi, vwẹ ughwru ri Zẹbulọn kugbe Naftaili. 14Rere ota na vwọ gba, ọ rẹ Aizaya mraro rọye nẹ,
15Otọ ri Zẹbulọn kugbe Naftaili,
Rọ kẹrẹ abadi vwẹ abo oboyi ri Jọdan,
Kugbe Galili rẹ erhorha na,
16Ihwo ri tidia vwẹ evun rẹ ebri ayen mrẹ urhukpẹ rode,
kugbe ihwo re hẹ uhoho rẹ ughwu,
Arhọ ọkpokpọ de bru ayen rhe.
17Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.
Jesu se Ihwiyeri Ẹne
(Mak 1.16-20; Luk 5.1-11)
18Rọ vwọ yan vwẹ orhoma rẹ abadi ri Galili, ọ da mrẹ iniovo ivẹ, Saimọn re se Pita, kugbe Andru rẹ oniọvo rọye ri phiẹ obriki vwẹ evun rẹ abadi, kidie ayen ihwiyeri. 19Ọ da ta kẹ ayen nẹ, We nene uvwe, ki nu ru ovwan vwọ dia ihwiyeri rẹ ihwo. 20Siẹvuọvo na, ayen da ghwa yan jẹ ibriki rayen vwo, ayen de nene. 21Rọ vwọ yan hẹ obaro emerha, ọ da mrẹ iniọvo ivẹ efa, Jems rẹ ọmọ ri Zẹbidi kugbe Jọn rẹ oniọvo rọye, vwẹ evun rẹ okọ kugbe Zẹbidi rẹ ọsẹ rayen re rhuẹrẹ ibriki rayen, o de se ayen. 22Siẹvuọvo na ayen da yan jẹ ọsẹ rayen vwo vwẹ evun rẹ okọ ayen de nene.
Jesu ru Iruo kẹ Urogho rode
(Luk 6.17-19)
23Jesu da yanrhe yankpo vwi Galili, o de yono ihwo vwi Sinagọg, ọ da ta ota rẹ iyẹnre esiri rẹ uvie na, o de sivwi ihwo buebu re mwa ọga, dohwo doghẹre rẹ emiavwe rọye. 24Usi rọye de kperi ruẹ Siria; ayen de mu ihwo buebu re mwa ọga bro rhe, e re mwa orhuẹ, i ri she enwẹnwẹ, i ri ghwoma; etiyin o de sivwi ayen. 25Ihwo buebu de tue nene nẹ Galili rhe, te Dikapolis, te Jerusalẹm, te Judia kugbe ovrẹn ri Jọdan.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.