Matiu 12
12
Idibo na Kọrọ eka Boba vwẹ Ẹdidjala
(Mak 2.23-28; Luk 6.1-5)
1Vwẹ ọke yena Jesu kọ wan ugbeka vrẹn vwẹ edidjala; owẹvwe ko hwe idibo rọye, ayen ke kọrọ eka eboba na ria. 2Ẹkẹvuọvo ọke rẹ otu ri Farisi vwọ mrẹ, ayen da ta kẹ nẹ, Nighe idibo wẹn ruẹ obo ri jefo vwẹ edidjala. 3Ẹkẹvuọvo ọ da ta kẹ ayen nẹ, Ovwan ji se-e, obo ri Devid ruru vwẹ ọke rẹ owevwe vwo hwe kugbe ikru rọye-e; 4Obo rọ ro uwevwi rẹ Ọghẹnẹ, ọ da re ikara re vwo ze izobo, ro fori kẹ rọ re-e, eyẹ ikru rọye-e, jokpa rẹ orherẹn ọvo? 5Eyẹ we ji se vwẹ ẹbe rẹ urhi na, nẹ orherẹn de ru iruo rẹ ẹga vwẹ evun rẹ uwevwi rẹ ẹga vwẹ ẹdidjala yọ chọ urhi? 6Ẹkẹvuọvọ me ta kẹ ovwan nẹ, ohwo ọvo rọ rho nọ uwẹvwi rẹ ẹga na hẹ etinẹ. 7Ọ da dianẹ ovwan riẹ otọ rẹ ota nana, me guọnọ aruẹdọn ọ dia izobo-o, mane ovwan gbi se brorhiẹ hwe ọ rọ re ase-e. 8Kidie Ọmọ rẹ ohwo ọye olori rẹ ẹdidjala.
Ohwo rẹ Obọ rọye Ghwuru
(Mak 3.1-6; Luk 6.1-11)
9O de vrẹn nẹ etiyin, o de kpo Sinagọg rẹ ayen; 10Nighe ohwo ọvo ro ghwobo hẹ etiyin. Ayen da nọ nẹ, ofori re vwo sivwi ohwo vwẹ edidjala? rere ayen vwọ mrasan muo. 11Ọ da ta kẹ ayen nẹ, Ono vwẹ usun rẹ ovwan na, ro vwo ogegede ọvo, rọ da vabo she phihọ ọgọdọ vwẹ ẹdidjala, ro de je siono? 12Kẹ ohwo rẹ akpọ rọ ghare nọ ogodẹ; Eriyin ofori re e ru obo ri yoma vwẹ ẹdidjala. 13O da ta kẹ ọ ro ghwobọ na nẹ, Riẹn obọ wẹn. Ọ da ghine riẹn, ọ da ghwa riẹn kerẹ ọrivẹ na. 14Ẹkẹvuọvo otu ri Farisi na da yanran ra jẹ iroro rẹ obo rẹ ayen vwo hwe.
Odibo ra Jẹreyọ
15Jesu vwọ riẹn ọna re, o de si oma te uko; ihwo buebu de nene, o de sivwi ayen ejobi. 16O de ji urhi kẹ ayen nẹ e tue ọye phia-a. 17Rẹ obo rẹ Aizaya mraro na vwọ mrasan gba rọ tare nẹ,
18Nighe, odibo mẹ re me jẹreyọ,
Ọ ro je vwe rẹ ivun rọye vwerhe ovwẹ;
Ki mi phi Erhi mẹ phihọ evun roye.
Kọye brorhiẹ rẹ Ikeferi.
19Ọ cha pharhe-e, siẹvo kẹ ekpẹre-e;
Eyẹ ohwo che nyo urhuru rọye vwẹ otafe-e.
20O che vwirhi ugbẹn rẹ eyareya-a,
Eyẹ o che se fu umwerhanre-e,
Bẹsiẹ ro che vwo brorhiẹ na ejobi kparobọ.
21Odẹ rọye Ikeferi na ejobi cha vwẹ ẹro so.
Jesu kugbe Bẹlzibọl
(Mak 3.20-30; Luk 11.14-23; 12.10)
22Etiyin e de mu ohwo ọvo ro vwo erhi rẹ idẹbono vwo rhe, orhuẹro kugbe odiunu, o de sivwo, o de nyo ẹme ọ da ta ota. 23O de gbe ihwo na ejobi unu, ayen da ta nẹ, Ọnana dia ọmọ ri Devid na? 24Ẹkẹvuọvo otu ri Farisi vwo nyo, ayen da ta nẹ, Ohwo nana di gheghe djẹ idẹbono-o ẹkẹvuọvo vwẹ ogangan ri Bẹlzibọl onotu rẹ idẹbono. 25Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she. 26Ọ da dianẹ Idẹbono da djẹ Idẹbono phia, yọ ghare oma; komavọ uvie rọye se vwo mudia? 27Ọ da dia ogangan ri Bẹlzibọl me vwọ dje idẹbono phia, kẹ ogangan rẹ ono emọ rẹ ovwan rha vwọ djẹ? Ovwan ọvo gbe brorhiẹ yena. 28Ẹkẹvuọvo o da dia Erhi rẹ Ọghẹnẹ me vwọ djẹ idẹbono, yẹ uvie rẹ odjuvwu te ovwan oma re. 29Mavọ ohwo vwọ sa ro uwevwi rẹ ọgba ro de miovwi emu rọye? Kọ ka gba ọgba na tavwe rẹ obọ rọye ki te emu rọye miovwi. 30Ohwo rọ vẹ ovwẹ hẹ obọ-ọ yọ vwo so vwẹ; ohwo rọ vẹ ovwẹ gbeje koko-o yọ hra kufia. 31Eriyin na me ta kẹ ovwan nẹ, kumwemwu kumwemwu rẹ ihwo ruru ejobi e vwo ghovwo, ẹkẹvuọvo ọ ro ru umwemwu kpahe Erhi Ọfuanfon na e se vwo ghovwo-o. 32Kohwo kohwo rọ ta ota omiomiovwi kpahe ọmọ rẹ ohwo e vwo ghovwo, ẹkẹvuọvo ọ rọ ta ota omiomiovwi kpahe Erhi Ọfuanfon na e se vwo ghovwo-o.
Urhe kugbe Emamọ Rọye
(Luk 6.43-45)
33Ru urhe yovwi rere emamọ rọye vwerhe; eyẹ gbe ru urhe na miovwi rere emamọ rọye miovwi; Kidie emamọ rẹ urhe ọye e vwo vughe. 34Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye. 35Ohwo esiri vwenẹ, emu esiri ro vwori ọ vwọ kẹ ihwo; ohwo ọbrabra vwenẹ, emu obrabra rọ vwori ọye ọ je vwọ kẹ Ihwo rhe. 36Me ta kẹ ovwan nẹ, omota rẹ ọdẹ rẹ ovwan tare ejobi e vwo gu ẹdjọ rẹ ovwan. 37Ota re wọ tare e vwo brorhiẹ hwe we, ọye e ji vwo bru kẹ wẹ.
Orua Ọbrabra Guọnọ Oka
(Mak 8.11-12; Luk 11.24-26)
38Evo vwẹ isiẹbe na kugbe Farisi na da ta kẹ nẹ, Oyono, avwanre guọnọ oka nẹ obọ wẹn rhe. 39Ẹkẹvuọvo ọ da ta kẹ ayen nẹ orua umwemwu na kugbe evwọnrọn efian na, ovwan guọnọ ọka, a sa vwẹ oka kẹ ovwan, jokpa rẹ oka ri Jona rẹ ọmraro na. 40Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ. 41Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ. 42Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.
Erhi ro Jẹfuọn na Rhivwi rhe
(Luk 11.24-26)
43Ẹkẹvuọvo erhi ri jẹfuọn, de nẹ evun rẹ ohwo nu, ọ me yanrhẹ yankpo ra guọnọ asan rọ dia, ọ gbe mrẹ-ẹ. 44Kọ ta kẹ oma rọye nẹ, mi rhivwi kpo uwevwi ri mi nurhe jovwo; ọke ro vwo te etiyin, ọ da mrẹ ofefe e hwerhire, a rhuẹrero fia. 45Ko rhivwi yanran, ọ me ra reyọ erhi ighwrẹ efa re bra nọ ekpuyovwi rọye, ayen me ro evun rọye rhe dia. Eyenre rẹ ohwo na vwẹ ukuko na mi rhi miovwi nọ ọ rẹsosuọ. Ọtiọye orua nana cha dia.
Oni kugbe Iniọvo ri Jesu
(Mak 3.31-35; Luk 8.19-21)
46Rọ ghwa vwọ ta ota na kẹ ihwo na, oni rọye kugbe imoni rọye de mudia vwẹ otafe re guọnọ ta ota kẹ. 47Ohwo ọvo da ta kẹ nẹ, Nighe oni wẹn kugbe imoni wẹn i mudia vwẹ obo otafe re guọnọ owẹ mrẹ. 48Ẹkẹvuọvo ọ da ta nẹ, Ono hẹ oni mẹ kugbe imoni mẹ? 49Ọ da riẹn obọ phihọ idibo rọye, ọ da ta nẹ, Nighe oni mẹ kugbe imoni mẹ! 50Kidie ohwo kohwo ro ru ẹguọnọ rẹ Ọsẹ mẹ rọ hẹ obo odjuvwu, ọye hẹ oniọvo mẹ rẹ oshare kugbe ọ rọ ọmọtẹ kugbe oni mẹ.
Currently Selected:
Matiu 12: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 12
12
Idibo na Kọrọ eka Boba vwẹ Ẹdidjala
(Mak 2.23-28; Luk 6.1-5)
1Vwẹ ọke yena Jesu kọ wan ugbeka vrẹn vwẹ edidjala; owẹvwe ko hwe idibo rọye, ayen ke kọrọ eka eboba na ria. 2Ẹkẹvuọvo ọke rẹ otu ri Farisi vwọ mrẹ, ayen da ta kẹ nẹ, Nighe idibo wẹn ruẹ obo ri jefo vwẹ edidjala. 3Ẹkẹvuọvo ọ da ta kẹ ayen nẹ, Ovwan ji se-e, obo ri Devid ruru vwẹ ọke rẹ owevwe vwo hwe kugbe ikru rọye-e; 4Obo rọ ro uwevwi rẹ Ọghẹnẹ, ọ da re ikara re vwo ze izobo, ro fori kẹ rọ re-e, eyẹ ikru rọye-e, jokpa rẹ orherẹn ọvo? 5Eyẹ we ji se vwẹ ẹbe rẹ urhi na, nẹ orherẹn de ru iruo rẹ ẹga vwẹ evun rẹ uwevwi rẹ ẹga vwẹ ẹdidjala yọ chọ urhi? 6Ẹkẹvuọvọ me ta kẹ ovwan nẹ, ohwo ọvo rọ rho nọ uwẹvwi rẹ ẹga na hẹ etinẹ. 7Ọ da dianẹ ovwan riẹ otọ rẹ ota nana, me guọnọ aruẹdọn ọ dia izobo-o, mane ovwan gbi se brorhiẹ hwe ọ rọ re ase-e. 8Kidie Ọmọ rẹ ohwo ọye olori rẹ ẹdidjala.
Ohwo rẹ Obọ rọye Ghwuru
(Mak 3.1-6; Luk 6.1-11)
9O de vrẹn nẹ etiyin, o de kpo Sinagọg rẹ ayen; 10Nighe ohwo ọvo ro ghwobo hẹ etiyin. Ayen da nọ nẹ, ofori re vwo sivwi ohwo vwẹ edidjala? rere ayen vwọ mrasan muo. 11Ọ da ta kẹ ayen nẹ, Ono vwẹ usun rẹ ovwan na, ro vwo ogegede ọvo, rọ da vabo she phihọ ọgọdọ vwẹ ẹdidjala, ro de je siono? 12Kẹ ohwo rẹ akpọ rọ ghare nọ ogodẹ; Eriyin ofori re e ru obo ri yoma vwẹ ẹdidjala. 13O da ta kẹ ọ ro ghwobọ na nẹ, Riẹn obọ wẹn. Ọ da ghine riẹn, ọ da ghwa riẹn kerẹ ọrivẹ na. 14Ẹkẹvuọvo otu ri Farisi na da yanran ra jẹ iroro rẹ obo rẹ ayen vwo hwe.
Odibo ra Jẹreyọ
15Jesu vwọ riẹn ọna re, o de si oma te uko; ihwo buebu de nene, o de sivwi ayen ejobi. 16O de ji urhi kẹ ayen nẹ e tue ọye phia-a. 17Rẹ obo rẹ Aizaya mraro na vwọ mrasan gba rọ tare nẹ,
18Nighe, odibo mẹ re me jẹreyọ,
Ọ ro je vwe rẹ ivun rọye vwerhe ovwẹ;
Ki mi phi Erhi mẹ phihọ evun roye.
Kọye brorhiẹ rẹ Ikeferi.
19Ọ cha pharhe-e, siẹvo kẹ ekpẹre-e;
Eyẹ ohwo che nyo urhuru rọye vwẹ otafe-e.
20O che vwirhi ugbẹn rẹ eyareya-a,
Eyẹ o che se fu umwerhanre-e,
Bẹsiẹ ro che vwo brorhiẹ na ejobi kparobọ.
21Odẹ rọye Ikeferi na ejobi cha vwẹ ẹro so.
Jesu kugbe Bẹlzibọl
(Mak 3.20-30; Luk 11.14-23; 12.10)
22Etiyin e de mu ohwo ọvo ro vwo erhi rẹ idẹbono vwo rhe, orhuẹro kugbe odiunu, o de sivwo, o de nyo ẹme ọ da ta ota. 23O de gbe ihwo na ejobi unu, ayen da ta nẹ, Ọnana dia ọmọ ri Devid na? 24Ẹkẹvuọvo otu ri Farisi vwo nyo, ayen da ta nẹ, Ohwo nana di gheghe djẹ idẹbono-o ẹkẹvuọvo vwẹ ogangan ri Bẹlzibọl onotu rẹ idẹbono. 25Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she. 26Ọ da dianẹ Idẹbono da djẹ Idẹbono phia, yọ ghare oma; komavọ uvie rọye se vwo mudia? 27Ọ da dia ogangan ri Bẹlzibọl me vwọ dje idẹbono phia, kẹ ogangan rẹ ono emọ rẹ ovwan rha vwọ djẹ? Ovwan ọvo gbe brorhiẹ yena. 28Ẹkẹvuọvo o da dia Erhi rẹ Ọghẹnẹ me vwọ djẹ idẹbono, yẹ uvie rẹ odjuvwu te ovwan oma re. 29Mavọ ohwo vwọ sa ro uwevwi rẹ ọgba ro de miovwi emu rọye? Kọ ka gba ọgba na tavwe rẹ obọ rọye ki te emu rọye miovwi. 30Ohwo rọ vẹ ovwẹ hẹ obọ-ọ yọ vwo so vwẹ; ohwo rọ vẹ ovwẹ gbeje koko-o yọ hra kufia. 31Eriyin na me ta kẹ ovwan nẹ, kumwemwu kumwemwu rẹ ihwo ruru ejobi e vwo ghovwo, ẹkẹvuọvo ọ ro ru umwemwu kpahe Erhi Ọfuanfon na e se vwo ghovwo-o. 32Kohwo kohwo rọ ta ota omiomiovwi kpahe ọmọ rẹ ohwo e vwo ghovwo, ẹkẹvuọvo ọ rọ ta ota omiomiovwi kpahe Erhi Ọfuanfon na e se vwo ghovwo-o.
Urhe kugbe Emamọ Rọye
(Luk 6.43-45)
33Ru urhe yovwi rere emamọ rọye vwerhe; eyẹ gbe ru urhe na miovwi rere emamọ rọye miovwi; Kidie emamọ rẹ urhe ọye e vwo vughe. 34Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye. 35Ohwo esiri vwenẹ, emu esiri ro vwori ọ vwọ kẹ ihwo; ohwo ọbrabra vwenẹ, emu obrabra rọ vwori ọye ọ je vwọ kẹ Ihwo rhe. 36Me ta kẹ ovwan nẹ, omota rẹ ọdẹ rẹ ovwan tare ejobi e vwo gu ẹdjọ rẹ ovwan. 37Ota re wọ tare e vwo brorhiẹ hwe we, ọye e ji vwo bru kẹ wẹ.
Orua Ọbrabra Guọnọ Oka
(Mak 8.11-12; Luk 11.24-26)
38Evo vwẹ isiẹbe na kugbe Farisi na da ta kẹ nẹ, Oyono, avwanre guọnọ oka nẹ obọ wẹn rhe. 39Ẹkẹvuọvo ọ da ta kẹ ayen nẹ orua umwemwu na kugbe evwọnrọn efian na, ovwan guọnọ ọka, a sa vwẹ oka kẹ ovwan, jokpa rẹ oka ri Jona rẹ ọmraro na. 40Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ. 41Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ. 42Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.
Erhi ro Jẹfuọn na Rhivwi rhe
(Luk 11.24-26)
43Ẹkẹvuọvo erhi ri jẹfuọn, de nẹ evun rẹ ohwo nu, ọ me yanrhẹ yankpo ra guọnọ asan rọ dia, ọ gbe mrẹ-ẹ. 44Kọ ta kẹ oma rọye nẹ, mi rhivwi kpo uwevwi ri mi nurhe jovwo; ọke ro vwo te etiyin, ọ da mrẹ ofefe e hwerhire, a rhuẹrero fia. 45Ko rhivwi yanran, ọ me ra reyọ erhi ighwrẹ efa re bra nọ ekpuyovwi rọye, ayen me ro evun rọye rhe dia. Eyenre rẹ ohwo na vwẹ ukuko na mi rhi miovwi nọ ọ rẹsosuọ. Ọtiọye orua nana cha dia.
Oni kugbe Iniọvo ri Jesu
(Mak 3.31-35; Luk 8.19-21)
46Rọ ghwa vwọ ta ota na kẹ ihwo na, oni rọye kugbe imoni rọye de mudia vwẹ otafe re guọnọ ta ota kẹ. 47Ohwo ọvo da ta kẹ nẹ, Nighe oni wẹn kugbe imoni wẹn i mudia vwẹ obo otafe re guọnọ owẹ mrẹ. 48Ẹkẹvuọvo ọ da ta nẹ, Ono hẹ oni mẹ kugbe imoni mẹ? 49Ọ da riẹn obọ phihọ idibo rọye, ọ da ta nẹ, Nighe oni mẹ kugbe imoni mẹ! 50Kidie ohwo kohwo ro ru ẹguọnọ rẹ Ọsẹ mẹ rọ hẹ obo odjuvwu, ọye hẹ oniọvo mẹ rẹ oshare kugbe ọ rọ ọmọtẹ kugbe oni mẹ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.