Izikiẹl 30
30
Ijipt Cha Kua Fiotọ
1Ota rẹ Ọrovwohwo de bru vwe rhe. 2Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare:
Beroma, Eghwo kẹ ẹdẹ na!
3Kidie ẹdẹ na kẹri re,
ẹdẹ rẹ Ọrovwohwo na kẹri re,
ẹdẹ ro che mu egho,
ọke rẹ ughwu kẹ ẹghorho na.
4Ọlọkọ kọ cha rhe Ijipt,
enuebro kọ cha dia vwẹ Itiopia,
vwẹ ọke rẹ ihwo re hweri de she vwẹ Ijipt,
ra da ghwẹ efe rọye yanran,
re de kporo ichivwo rọye te otọ.
5Itiopia, kugbe Put, kugbe Lud, kugbe Arabia ejobi, kugbe
Libya, kugbe ihwo rẹ otọ ri se oma koko, ọlọkọ kọye ayen
ejobi cha wan ghwu.
6E nẹ Ọrovwohwo tare:
Otu re cha Ijipt uko che she,
eheri rẹ ogangan rayen che kpotọ,
nẹ Migdol re te Siyene
ọlọkọ kọye ayen wan she vwẹ evun rọye,
eriyin Ọrovwohwo Ọghẹnẹ tare.
7Kọ cha kua vwẹ ohri rẹ irho ra kua fiotọ
irere rọye ke cha dia vwẹ evun rẹ uherevie rẹ irere
ra guọghọ te otọ.
8Etiyin ayen ke riẹn nẹ mẹvwẹ Ọrovwohwo na,
ọke ri mi de duvwu erhanre phihọ Ijipt,
ichuko rọye ejobi ka guọghọ ayen.
9Vwe ẹdẹ yena iyinkon rẹ okpakpa ki che nẹ obọ mẹ rhe rhi guegue ihwo rẹ Itiopia
vwẹ ọke rẹ ayen roro phihọ-ọ, kẹ ayen che brenu vwẹ ẹdẹ rẹ ughwu rẹ Ijipt na, kidie, no, o cha rhe!
10E nẹ Ọrovwohwo Ọghẹnẹ tare,
ke me cha vwẹ efe rẹ Ijipt te oba,
vwẹ oma ri Nebukadreza ovie ri Babilọn.
11Ọye vẹ ihwo rọye,
ẹgborho ro me muoshọ na,
ka cha reyọ ayen rhe rhe vwọ ghwọrọ otọ na;
kẹ ayen cha riẹn ọlọkọ rayen kpahe Ijipt,
irivwi rayen me rhe vọn otọ na.
12Ki mi ru Nile kpọ ke me shẹ otọ na kẹ ihwo umwemwu,
ke me cha kua otọ na vẹ obo re herọ ejobi fiotọ,
vwẹ obọ rẹ erhorha, Mẹvwẹ, Ọrovwohwo, re tarọ.
13E nẹ Ọrovwohwo Ọghẹnẹ tare
Me guoghọ ema na,
mi phi oba phihọ ema re hẹ Mẹmfis,
a gbe mrẹ osun vwẹ otọ rẹ Ijipt ọfa-a.
14Ke me kua Patrọs fiọtọ,
ki mi phi erhanre phihọ Zoan,
ki mi vwi Thebes gu ẹdjọ.
15Ki mi ku ophu mẹphihọ Pelusiọm,
ogba ọgangan rẹ Ijipt,
ke me nyavwe urogho ri Thebes kufia.
16Ki mi phi erhanre phihọ Ijipt;
Pelusiọm kọ dia uvwri rode
ke kporo Thebes fi
ke kporo igbẹhẹ rọye she.
17Ighele re On vẹ Pibẹsẹt
ka vwẹ ọlọkọ nyavwe ayen hwe,
ke mu eya na ighuvwu.
18Vwi Tehafnehes uvo na ko che mu
Etiyin me da guọghọ isuesun rẹ Ijipt,
ẹgba rọye ro vwo herẹ na ko che vwo oba,
ka cha vwẹ egho rhurho,
ke mu emetẹ rọye ighuvwu.
19Kenẹ me vwẹ Ijipt gu ẹdjọ.
Etiyin kẹ ayen riẹn nẹ mẹvwẹ Ọrovwohwo na.
20Vwẹ ukpe ruhwọvo, vwẹ emeranvwe rẹsosuọ, vwẹ ẹdẹ righwrẹ rẹ emeranvwe na, ota rẹ Ọrovwohwo de bru vwe rhe: 21Ọmọ rẹ ohwo, mi vwirhi ugbobọ ri Fẹro ovie rẹ Ijipt, gbe no, a je gba-a, ayen rha sa vwẹ amwa gba rere o vworo-o, rere ọ vwọ gan ro vwo jọ vwọ yọnrọn ọlọkọ 22Fiki rẹ ọtiọye na e nẹ Ọrovwohwo Ọghẹnẹ tare: Nighe, mi mu kpahe Fẹro ovie rẹ Ijipt, ki mi vwirhi igbabọ rọye, te igbabọ rọye rọ ganre te ọ re vwirhiri na; ki mi ruo re ọlọkọ de she vabọ. 23Ke me hra ihwo rẹ Ijipt re hẹ ohri rẹ ẹgborho na, kẹ ayen di mu vẹn ro otọ na ejobi. 24Ki mi ru igbabọ rẹ ovie rẹ Babilọn gan, ki mi phi ọlọkọ mẹ phihọ obọ ẹkẹvuọvo ki mi vwirhi igbabọ rẹ Fẹro, ko de irhivwẹ gangan kerẹ ohwo rẹ egbọlọ sheri. 25Ki mi ru eghwabọ rẹ ovie ri Babilọn, ẹkẹvuọvo igbabọ ri Fẹro ki she; ayen ke riẹn nẹ mẹvwẹ Ọrovwohwo na. Ọke ri mi de phi ọlọkọ mẹ phihọ obọ rẹ ovie rẹ Babilọn, kọ riẹn kpahe otọ rẹ Ijipt; 26Ke me hra ihwo rẹ Ijipt na phihọ ohri rẹ ẹgborho na kẹ ayen vẹn ro irho na ejobi. Etiyin kẹ ayen riẹn nẹ mẹvwẹ Ọrovwohwo na.
Currently Selected:
Izikiẹl 30: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 30
30
Ijipt Cha Kua Fiotọ
1Ota rẹ Ọrovwohwo de bru vwe rhe. 2Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare:
Beroma, Eghwo kẹ ẹdẹ na!
3Kidie ẹdẹ na kẹri re,
ẹdẹ rẹ Ọrovwohwo na kẹri re,
ẹdẹ ro che mu egho,
ọke rẹ ughwu kẹ ẹghorho na.
4Ọlọkọ kọ cha rhe Ijipt,
enuebro kọ cha dia vwẹ Itiopia,
vwẹ ọke rẹ ihwo re hweri de she vwẹ Ijipt,
ra da ghwẹ efe rọye yanran,
re de kporo ichivwo rọye te otọ.
5Itiopia, kugbe Put, kugbe Lud, kugbe Arabia ejobi, kugbe
Libya, kugbe ihwo rẹ otọ ri se oma koko, ọlọkọ kọye ayen
ejobi cha wan ghwu.
6E nẹ Ọrovwohwo tare:
Otu re cha Ijipt uko che she,
eheri rẹ ogangan rayen che kpotọ,
nẹ Migdol re te Siyene
ọlọkọ kọye ayen wan she vwẹ evun rọye,
eriyin Ọrovwohwo Ọghẹnẹ tare.
7Kọ cha kua vwẹ ohri rẹ irho ra kua fiotọ
irere rọye ke cha dia vwẹ evun rẹ uherevie rẹ irere
ra guọghọ te otọ.
8Etiyin ayen ke riẹn nẹ mẹvwẹ Ọrovwohwo na,
ọke ri mi de duvwu erhanre phihọ Ijipt,
ichuko rọye ejobi ka guọghọ ayen.
9Vwe ẹdẹ yena iyinkon rẹ okpakpa ki che nẹ obọ mẹ rhe rhi guegue ihwo rẹ Itiopia
vwẹ ọke rẹ ayen roro phihọ-ọ, kẹ ayen che brenu vwẹ ẹdẹ rẹ ughwu rẹ Ijipt na, kidie, no, o cha rhe!
10E nẹ Ọrovwohwo Ọghẹnẹ tare,
ke me cha vwẹ efe rẹ Ijipt te oba,
vwẹ oma ri Nebukadreza ovie ri Babilọn.
11Ọye vẹ ihwo rọye,
ẹgborho ro me muoshọ na,
ka cha reyọ ayen rhe rhe vwọ ghwọrọ otọ na;
kẹ ayen cha riẹn ọlọkọ rayen kpahe Ijipt,
irivwi rayen me rhe vọn otọ na.
12Ki mi ru Nile kpọ ke me shẹ otọ na kẹ ihwo umwemwu,
ke me cha kua otọ na vẹ obo re herọ ejobi fiotọ,
vwẹ obọ rẹ erhorha, Mẹvwẹ, Ọrovwohwo, re tarọ.
13E nẹ Ọrovwohwo Ọghẹnẹ tare
Me guoghọ ema na,
mi phi oba phihọ ema re hẹ Mẹmfis,
a gbe mrẹ osun vwẹ otọ rẹ Ijipt ọfa-a.
14Ke me kua Patrọs fiọtọ,
ki mi phi erhanre phihọ Zoan,
ki mi vwi Thebes gu ẹdjọ.
15Ki mi ku ophu mẹphihọ Pelusiọm,
ogba ọgangan rẹ Ijipt,
ke me nyavwe urogho ri Thebes kufia.
16Ki mi phi erhanre phihọ Ijipt;
Pelusiọm kọ dia uvwri rode
ke kporo Thebes fi
ke kporo igbẹhẹ rọye she.
17Ighele re On vẹ Pibẹsẹt
ka vwẹ ọlọkọ nyavwe ayen hwe,
ke mu eya na ighuvwu.
18Vwi Tehafnehes uvo na ko che mu
Etiyin me da guọghọ isuesun rẹ Ijipt,
ẹgba rọye ro vwo herẹ na ko che vwo oba,
ka cha vwẹ egho rhurho,
ke mu emetẹ rọye ighuvwu.
19Kenẹ me vwẹ Ijipt gu ẹdjọ.
Etiyin kẹ ayen riẹn nẹ mẹvwẹ Ọrovwohwo na.
20Vwẹ ukpe ruhwọvo, vwẹ emeranvwe rẹsosuọ, vwẹ ẹdẹ righwrẹ rẹ emeranvwe na, ota rẹ Ọrovwohwo de bru vwe rhe: 21Ọmọ rẹ ohwo, mi vwirhi ugbobọ ri Fẹro ovie rẹ Ijipt, gbe no, a je gba-a, ayen rha sa vwẹ amwa gba rere o vworo-o, rere ọ vwọ gan ro vwo jọ vwọ yọnrọn ọlọkọ 22Fiki rẹ ọtiọye na e nẹ Ọrovwohwo Ọghẹnẹ tare: Nighe, mi mu kpahe Fẹro ovie rẹ Ijipt, ki mi vwirhi igbabọ rọye, te igbabọ rọye rọ ganre te ọ re vwirhiri na; ki mi ruo re ọlọkọ de she vabọ. 23Ke me hra ihwo rẹ Ijipt re hẹ ohri rẹ ẹgborho na, kẹ ayen di mu vẹn ro otọ na ejobi. 24Ki mi ru igbabọ rẹ ovie rẹ Babilọn gan, ki mi phi ọlọkọ mẹ phihọ obọ ẹkẹvuọvo ki mi vwirhi igbabọ rẹ Fẹro, ko de irhivwẹ gangan kerẹ ohwo rẹ egbọlọ sheri. 25Ki mi ru eghwabọ rẹ ovie ri Babilọn, ẹkẹvuọvo igbabọ ri Fẹro ki she; ayen ke riẹn nẹ mẹvwẹ Ọrovwohwo na. Ọke ri mi de phi ọlọkọ mẹ phihọ obọ rẹ ovie rẹ Babilọn, kọ riẹn kpahe otọ rẹ Ijipt; 26Ke me hra ihwo rẹ Ijipt na phihọ ohri rẹ ẹgborho na kẹ ayen vẹn ro irho na ejobi. Etiyin kẹ ayen riẹn nẹ mẹvwẹ Ọrovwohwo na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.