MALEKO 10
10
Ko te Akoakoga a Iesu ki te 'Tala Avaga
(Mata 19.1-12; Luka 16.18)
1Ne tiakina ne Iesu a te koga tena kae fano ki te koga fenua o Iutaia, kae ne ui i te Iolitana o fano ki te sua feitu o te vaitafe tena. Ne mumu mai foki a vaitino ki a ia, kae ne akoako ne ia a latou e pela mo tena masani.
2Ne o'mai a nisi Falesaio ki a ia kae ne taumafai o malei a ia, olotou muna, “Taku mai ki a matou, me e fakasaoloto ne te motou Tulafono ke 'tala ne se tagata tena avaga?” 3Ne tali atu ki a latou a Iesu i se fesili, ana muna: “Se a te fakatonuga a Mose ne tuku atu ki a koutou?” 4#Teu 24.1-4; Mata 5.31 Ne tali mai latou, “Ne fakasaoloto ne Mose a te tino ke tusi se pepa mavae ko tuli ei tena avaga ke fano.” 5Ne fai atu a Iesu ki a latou: “Ne tusi ne Mose a te fakatonuga tenei me e faigata te talia ne koutou a te mea tonu. 6#Kene 1.27; 5.2 Kae mai i te kamataga o te faitega o te lalolagi, ne fai mai te muna penei, ‘Ne faite ne te Atua te tagata mo te fafine. 7#Kene 2.24Tenei te pogai e tuku ei ne te tagata ona matua kae fano o 'nofo mo tena avaga,#10.7: I naai lomiga e seai te vaega tenei kae ko fakatasi mo tena avaga. 8ko fai ei laua mo foitino e tasi.’ Ko se toe fai laua mo tino e tokolua, ka ko tasi. 9Tela la, e se 'tau mo te tagata o toe fakamavae ne ia keatea a te mea ko oti ne tuku fakatasi ne te Atua.”
10I te ologa a Iesu mo ona soko ki loto i te fale, fesili mai ei ona soko ki a ia, e uiga mo te mea tena. 11#Mata 5.32; 1Koli 7.10,11 Ne fai atu a Iesu ki a latou, “A te tagata e 'tala tena avaga kae avaga ki te sua fafine, ko mulilua a ia ki tena avaga; 12e pena foki a te fafine manafai e 'tala tena avaga kae toe avaga ki te sua tagata, ko mulilua a ia ki tena avaga.”
Ko Fakamanuia ne Iesu a Tama'liki Fo'liki
(Mata 19.13-15; Luka 18.15-17)
13Ne aumai ne nisi tino a tama'liki ki a Iesu ke puke atu a ia ki ei, kae ne 'vao ne ona soko a tino kona. 14Ne iloa ne Iesu a te mea ne fai ne ona soko, ko oko eiloa i tena ita, fai atu ei ki ona soko: “Tuku tamaliki ke o'mai ki a au! Sa taofigina latou, me e o tino penei a te Malo o te Atua. 15#Mata 18.3 Ke masaua ne koutou, me ko so se tino e se talia ne ia a te Malo o te Atua e pela mo se tamaliki, e se mafai lele eiloa o ulu atu ki ei.” 16Ne kopi ne ia a tama'liki, kae puke atu ona lima ki a latou takitokotasi o fakamanuia atu latou.
Ko te Tagata Maukoloa
(Mata 19.16-30; Luka 18.18-30)
17Ne sasale a Iesu i te auala, kae tele mai te sua tino kae totuli i ona mua kae fai mai: “Te Faiakoga 'lei, se a taku mea ka fai ke maua ei ne au a te ola se gata mai?” 18Ne tali atu a Iesu, “Ai a ne fai mai ei koe i a au se tino 'lei?” E seai se tino 'lei vagana te Atua. 19#Eso 20.13; Teu 5.17; Eso 20.14; Teu 5.18; Eso 20.15; Teu 5.19; Eso 20.16; Teu 5.20; Eso 20.12; Teu 5.16E iloa ne koutou aku fakatonuga: ‘Sa tatino; sa mulilua; sa kaisoa; sa pati loi; sa fai tala fakaloiloi; ava ki tou tamana mo tou matua. ”’ 20Ne tali mai a te tagata tena, “Te Faiakoga, ne tausi ne au a mea katoa mai i taku folikiga.” 21Ne kilo alofa atu a Iesu ki a ia, kae fai atu: “E tasi te mea e 'tau o fai ne koe. Fano o 'togi atu au mea katoa kae tufa atu a tupe ki tino ma'tiva, kae ka maua ne koe a te koloa i te lagi; ko vau ei koe o tautali mai i a au.” 22I te lagonaga ne te tino tenei a te mea nei, ko oko eiloa i tona mata se fiafia, fano ei mo te loto fanoanoa, i te mea i a ia se tino maukoloa.
23Ne kilokilo saale a Iesu ki ona soko kae fai atu, “Ko oko eiloa i te faigata i tino mauko'loa o ulu atu ki te Malo o te Atua!” 24Ne 'poi a te kau soko i muna konei, kae ne toe fai atu a muna a Iesu: “Aku fanau, ko oko eiloa i te faigata te ulu atu ki te Malo o te Atua! 25E faigata o ulu atu a te kamela ki te pu o te nila, kae sili atu i te faigata i te tino maukoloa o ulu atu ki te Malo o te Atua.” 26Ne ofo masei a te kau soko i te mea tenei, fakatau fesilisili ei latou ia latou eiloa, “Ko oi la e mafai o fakaolagina?” 27Ne kilo tonu a Iesu ki a latou kae fai atu, “Se mea faigata tenei ki tino, kae ki te Atua se mea faigofie; e faigofie a mea katoa ki te Atua.”
28Ne faipati malosi ake a Petelu, ana muna: “Ko oti ne tiakina ne matou a mea katoa kae tautali atu ia koe.” 29Ne tali atu a Iesu ki a latou, “E tonu, kae fai atu au: so se tino e tiakina ne ia tena fale, taina, tuagane, te matua mo te tamana, fanau mo ona manafa ona ko au mo te tala 'lei, 30ka uke atu ana mea e maua i te kautama tenei. Ka fakafia selau ona fale e maua, taina, tuagane, matua, fanau, manafa pela foki mo fakasauaga. Ka maua ne ia i aso konei e o'mai a te ola se gata mai. 31#Mata 20.16; Luka 13.30 E tokouke a tino ne 'mua ka fakamuli, kae e tokouke a tino ne fakamuli ka 'mua.”
Ko Faipati Fakatolu a Iesu e Uiga ki Tona Mate
(Mata 20.17-19; Luka 18.31-34)
32Ko sasale ake nei latou i te auala e tau atu ki Ielusalema. Ne mua a Iesu i ona soko, ka ko ona soko i te taimi tena ko 'poi, ka ko tino kola ne tautali i olotou tua ko ma'taku. Ne ave ne Iesu ona soko keatea mo te auala, kae faipati atu ki a latou e uiga ki mea ka 'tupu ki a ia. 33Muna a Iesu, “Kiloke, a tatou nei e olo ki Ielusalema, ko te koga tela ka tuku atu ei au te Tama a te Tagata ki lima o faitaulaga sili mo faiakoga o te Tulafono. Ka tamate ne latou au kae tuku atu ki tino o fenua fakaatea. 34Ka fakatauemu ki a au kae puapuaki, e kini kae tamate foki ne latou. Kae mai i tua o te tolu o aso ka toetu ake au mai te mate.”
Ko te Fakatagi a Iakopo mo Ioane
(Mata 20.20-28)
35Ne o'mai a tama a Sepetaio ko Iakopo mo Ioane ki a Iesu kae fai mai ki a ia, “Te Faiakoga, e isi se mea e ma'nako maua ke fai ne koe mō maua.” 36Ne tali atu a Iesu, “Se a te mea e ma'nako koulua ke fai ne au mō koulua.” 37Ne tali mai laua: “Kafai ko nofo koe i tou Malo 'malu, a maua e ma'nako ke 'nofo tasi tatou, e tokotasi i tou feitu fakaatamai, kae tokotasi i tou feitu fakamaui.” 38#Luka 12.50 Ne tali atu a Iesu ki a laua, “E se iloa ne koulua a te mea ne fakamolemole mai ei koulua. E a, e mafai ne koulua o inu ki te ipu ka inu au i ei? E mafai ke papatisogina koulua i te papatisoga ka papatiso ei au?” 39Ne tali mai laua, “E mafai!” Ne toe tali atu a Iesu ki a laua, “Ka inu eiloa koulua ki te ipu ka inu au i ei, ka papatisogina foki koulua i te papatisoga ka papatiso au i ei. 40Kae e seai la saku pule ki te tofiga me ko oi ka nofo i toku feitu fakaatamai mo toku feitu fakamaui. E a te Atua eiloa a te pule o tuku atu a koga konei ki a latou kola ko oti ne fakatoka mō latou.”
41Ne ita te sua tinoagafulu soko ki a Iakopo mo Ioane i te lagonaga ne latou te fakatagi a laua. 42#Luka 22.25,26 Ne kalaga atu a Iesu ki ona soko ke maopoopo tasi ki a ia kae fai atu: “Ko iloa ne koutou me ia latou kola e taku ko pule mo takitaki o tino, ko tona uiga e pule latou i luga i tino. 43#Mata 23.11; Male 9.35; Luka 22.26 E se tena la te auala e 'tau o fai ne koutou. Kafai se tino e manako a ia ke fai mo tino sili, e 'tau a ia o fai mo tavini a koutou. 44Kafai foki ko te tino e fia muamua i mea katoa, e 'tau o fai a ia mo pologa a tino katoa. 45Me i a au te Tama a te Tagata ne seki vau ko te mea ke tavini mai tino; kae ne vau au o tavini atu, kae tuku atu foki a toku ola o fakasaoloto ei a tino e tokouke.”
Ko Faka'pula ne Iesu a Mata o te Tino Kivi e Igoa ki a Patimaio
(Mata 20.29-34; Luka 18.35-43)
46Ne oko mai latou ki Ieliko. I te tiakinaga ne Iesu mo ona soko pela foki mo te vaitino a te koga tena, e isi se tagata kivi e igoa ki a Patimaio te tama a Timaio, e sagasaga i tafa o te auala o akai mea a tino. 47I te lagonaga ne ia me ko Iesu te Nasaleta ko sasale ake, kalaga ake ei a ia penei, “Iesu te Tama a Tavita! A koe ke alofa mai ki a au!” 48E tokouke a tino ne ita ki a Patimaio kae fai atu ki ei ke filemu. Ka ko na pakalaga ei a ia penei, “Te Tama a Tavita, a koe ke alofa mai ki a au!” 49Ne tu a Iesu kae fai ake, “Kalaga atu ke vau a ia.” Tela, ka'laga atu ei latou ki te tino kivi, “Fakamalosi! Tu ki luga, me tena ko kalaga mai ki a koe.” 50Ne pei tena gatu keatea kae tafuke ake ki luga kae fanatu ki a Iesu. 51Ne fai atu a Iesu ki a ia, “Se a te mea e manako koe ki ei ke fai ne au mō koe?” Ne tali mai a te tino kivi, “Te Faiakoga, au e manako ke 'kite oku mata.” 52Muna a Iesu ki a ia, “Fano, ko tou fakatuanaki ko ala ei o 'lei ou mata.” I kona foki eiloa 'lei ei a mata o Patimaio, tautali atu ei i a Iesu i te auala.
Currently Selected:
MALEKO 10: Tusi Tapu
Highlight
Share
ਕਾਪੀ।
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
MALEKO 10
10
Ko te Akoakoga a Iesu ki te 'Tala Avaga
(Mata 19.1-12; Luka 16.18)
1Ne tiakina ne Iesu a te koga tena kae fano ki te koga fenua o Iutaia, kae ne ui i te Iolitana o fano ki te sua feitu o te vaitafe tena. Ne mumu mai foki a vaitino ki a ia, kae ne akoako ne ia a latou e pela mo tena masani.
2Ne o'mai a nisi Falesaio ki a ia kae ne taumafai o malei a ia, olotou muna, “Taku mai ki a matou, me e fakasaoloto ne te motou Tulafono ke 'tala ne se tagata tena avaga?” 3Ne tali atu ki a latou a Iesu i se fesili, ana muna: “Se a te fakatonuga a Mose ne tuku atu ki a koutou?” 4#Teu 24.1-4; Mata 5.31 Ne tali mai latou, “Ne fakasaoloto ne Mose a te tino ke tusi se pepa mavae ko tuli ei tena avaga ke fano.” 5Ne fai atu a Iesu ki a latou: “Ne tusi ne Mose a te fakatonuga tenei me e faigata te talia ne koutou a te mea tonu. 6#Kene 1.27; 5.2 Kae mai i te kamataga o te faitega o te lalolagi, ne fai mai te muna penei, ‘Ne faite ne te Atua te tagata mo te fafine. 7#Kene 2.24Tenei te pogai e tuku ei ne te tagata ona matua kae fano o 'nofo mo tena avaga,#10.7: I naai lomiga e seai te vaega tenei kae ko fakatasi mo tena avaga. 8ko fai ei laua mo foitino e tasi.’ Ko se toe fai laua mo tino e tokolua, ka ko tasi. 9Tela la, e se 'tau mo te tagata o toe fakamavae ne ia keatea a te mea ko oti ne tuku fakatasi ne te Atua.”
10I te ologa a Iesu mo ona soko ki loto i te fale, fesili mai ei ona soko ki a ia, e uiga mo te mea tena. 11#Mata 5.32; 1Koli 7.10,11 Ne fai atu a Iesu ki a latou, “A te tagata e 'tala tena avaga kae avaga ki te sua fafine, ko mulilua a ia ki tena avaga; 12e pena foki a te fafine manafai e 'tala tena avaga kae toe avaga ki te sua tagata, ko mulilua a ia ki tena avaga.”
Ko Fakamanuia ne Iesu a Tama'liki Fo'liki
(Mata 19.13-15; Luka 18.15-17)
13Ne aumai ne nisi tino a tama'liki ki a Iesu ke puke atu a ia ki ei, kae ne 'vao ne ona soko a tino kona. 14Ne iloa ne Iesu a te mea ne fai ne ona soko, ko oko eiloa i tena ita, fai atu ei ki ona soko: “Tuku tamaliki ke o'mai ki a au! Sa taofigina latou, me e o tino penei a te Malo o te Atua. 15#Mata 18.3 Ke masaua ne koutou, me ko so se tino e se talia ne ia a te Malo o te Atua e pela mo se tamaliki, e se mafai lele eiloa o ulu atu ki ei.” 16Ne kopi ne ia a tama'liki, kae puke atu ona lima ki a latou takitokotasi o fakamanuia atu latou.
Ko te Tagata Maukoloa
(Mata 19.16-30; Luka 18.18-30)
17Ne sasale a Iesu i te auala, kae tele mai te sua tino kae totuli i ona mua kae fai mai: “Te Faiakoga 'lei, se a taku mea ka fai ke maua ei ne au a te ola se gata mai?” 18Ne tali atu a Iesu, “Ai a ne fai mai ei koe i a au se tino 'lei?” E seai se tino 'lei vagana te Atua. 19#Eso 20.13; Teu 5.17; Eso 20.14; Teu 5.18; Eso 20.15; Teu 5.19; Eso 20.16; Teu 5.20; Eso 20.12; Teu 5.16E iloa ne koutou aku fakatonuga: ‘Sa tatino; sa mulilua; sa kaisoa; sa pati loi; sa fai tala fakaloiloi; ava ki tou tamana mo tou matua. ”’ 20Ne tali mai a te tagata tena, “Te Faiakoga, ne tausi ne au a mea katoa mai i taku folikiga.” 21Ne kilo alofa atu a Iesu ki a ia, kae fai atu: “E tasi te mea e 'tau o fai ne koe. Fano o 'togi atu au mea katoa kae tufa atu a tupe ki tino ma'tiva, kae ka maua ne koe a te koloa i te lagi; ko vau ei koe o tautali mai i a au.” 22I te lagonaga ne te tino tenei a te mea nei, ko oko eiloa i tona mata se fiafia, fano ei mo te loto fanoanoa, i te mea i a ia se tino maukoloa.
23Ne kilokilo saale a Iesu ki ona soko kae fai atu, “Ko oko eiloa i te faigata i tino mauko'loa o ulu atu ki te Malo o te Atua!” 24Ne 'poi a te kau soko i muna konei, kae ne toe fai atu a muna a Iesu: “Aku fanau, ko oko eiloa i te faigata te ulu atu ki te Malo o te Atua! 25E faigata o ulu atu a te kamela ki te pu o te nila, kae sili atu i te faigata i te tino maukoloa o ulu atu ki te Malo o te Atua.” 26Ne ofo masei a te kau soko i te mea tenei, fakatau fesilisili ei latou ia latou eiloa, “Ko oi la e mafai o fakaolagina?” 27Ne kilo tonu a Iesu ki a latou kae fai atu, “Se mea faigata tenei ki tino, kae ki te Atua se mea faigofie; e faigofie a mea katoa ki te Atua.”
28Ne faipati malosi ake a Petelu, ana muna: “Ko oti ne tiakina ne matou a mea katoa kae tautali atu ia koe.” 29Ne tali atu a Iesu ki a latou, “E tonu, kae fai atu au: so se tino e tiakina ne ia tena fale, taina, tuagane, te matua mo te tamana, fanau mo ona manafa ona ko au mo te tala 'lei, 30ka uke atu ana mea e maua i te kautama tenei. Ka fakafia selau ona fale e maua, taina, tuagane, matua, fanau, manafa pela foki mo fakasauaga. Ka maua ne ia i aso konei e o'mai a te ola se gata mai. 31#Mata 20.16; Luka 13.30 E tokouke a tino ne 'mua ka fakamuli, kae e tokouke a tino ne fakamuli ka 'mua.”
Ko Faipati Fakatolu a Iesu e Uiga ki Tona Mate
(Mata 20.17-19; Luka 18.31-34)
32Ko sasale ake nei latou i te auala e tau atu ki Ielusalema. Ne mua a Iesu i ona soko, ka ko ona soko i te taimi tena ko 'poi, ka ko tino kola ne tautali i olotou tua ko ma'taku. Ne ave ne Iesu ona soko keatea mo te auala, kae faipati atu ki a latou e uiga ki mea ka 'tupu ki a ia. 33Muna a Iesu, “Kiloke, a tatou nei e olo ki Ielusalema, ko te koga tela ka tuku atu ei au te Tama a te Tagata ki lima o faitaulaga sili mo faiakoga o te Tulafono. Ka tamate ne latou au kae tuku atu ki tino o fenua fakaatea. 34Ka fakatauemu ki a au kae puapuaki, e kini kae tamate foki ne latou. Kae mai i tua o te tolu o aso ka toetu ake au mai te mate.”
Ko te Fakatagi a Iakopo mo Ioane
(Mata 20.20-28)
35Ne o'mai a tama a Sepetaio ko Iakopo mo Ioane ki a Iesu kae fai mai ki a ia, “Te Faiakoga, e isi se mea e ma'nako maua ke fai ne koe mō maua.” 36Ne tali atu a Iesu, “Se a te mea e ma'nako koulua ke fai ne au mō koulua.” 37Ne tali mai laua: “Kafai ko nofo koe i tou Malo 'malu, a maua e ma'nako ke 'nofo tasi tatou, e tokotasi i tou feitu fakaatamai, kae tokotasi i tou feitu fakamaui.” 38#Luka 12.50 Ne tali atu a Iesu ki a laua, “E se iloa ne koulua a te mea ne fakamolemole mai ei koulua. E a, e mafai ne koulua o inu ki te ipu ka inu au i ei? E mafai ke papatisogina koulua i te papatisoga ka papatiso ei au?” 39Ne tali mai laua, “E mafai!” Ne toe tali atu a Iesu ki a laua, “Ka inu eiloa koulua ki te ipu ka inu au i ei, ka papatisogina foki koulua i te papatisoga ka papatiso au i ei. 40Kae e seai la saku pule ki te tofiga me ko oi ka nofo i toku feitu fakaatamai mo toku feitu fakamaui. E a te Atua eiloa a te pule o tuku atu a koga konei ki a latou kola ko oti ne fakatoka mō latou.”
41Ne ita te sua tinoagafulu soko ki a Iakopo mo Ioane i te lagonaga ne latou te fakatagi a laua. 42#Luka 22.25,26 Ne kalaga atu a Iesu ki ona soko ke maopoopo tasi ki a ia kae fai atu: “Ko iloa ne koutou me ia latou kola e taku ko pule mo takitaki o tino, ko tona uiga e pule latou i luga i tino. 43#Mata 23.11; Male 9.35; Luka 22.26 E se tena la te auala e 'tau o fai ne koutou. Kafai se tino e manako a ia ke fai mo tino sili, e 'tau a ia o fai mo tavini a koutou. 44Kafai foki ko te tino e fia muamua i mea katoa, e 'tau o fai a ia mo pologa a tino katoa. 45Me i a au te Tama a te Tagata ne seki vau ko te mea ke tavini mai tino; kae ne vau au o tavini atu, kae tuku atu foki a toku ola o fakasaoloto ei a tino e tokouke.”
Ko Faka'pula ne Iesu a Mata o te Tino Kivi e Igoa ki a Patimaio
(Mata 20.29-34; Luka 18.35-43)
46Ne oko mai latou ki Ieliko. I te tiakinaga ne Iesu mo ona soko pela foki mo te vaitino a te koga tena, e isi se tagata kivi e igoa ki a Patimaio te tama a Timaio, e sagasaga i tafa o te auala o akai mea a tino. 47I te lagonaga ne ia me ko Iesu te Nasaleta ko sasale ake, kalaga ake ei a ia penei, “Iesu te Tama a Tavita! A koe ke alofa mai ki a au!” 48E tokouke a tino ne ita ki a Patimaio kae fai atu ki ei ke filemu. Ka ko na pakalaga ei a ia penei, “Te Tama a Tavita, a koe ke alofa mai ki a au!” 49Ne tu a Iesu kae fai ake, “Kalaga atu ke vau a ia.” Tela, ka'laga atu ei latou ki te tino kivi, “Fakamalosi! Tu ki luga, me tena ko kalaga mai ki a koe.” 50Ne pei tena gatu keatea kae tafuke ake ki luga kae fanatu ki a Iesu. 51Ne fai atu a Iesu ki a ia, “Se a te mea e manako koe ki ei ke fai ne au mō koe?” Ne tali mai a te tino kivi, “Te Faiakoga, au e manako ke 'kite oku mata.” 52Muna a Iesu ki a ia, “Fano, ko tou fakatuanaki ko ala ei o 'lei ou mata.” I kona foki eiloa 'lei ei a mata o Patimaio, tautali atu ei i a Iesu i te auala.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific