Матта 21
21
Иса Ерусалимдиз гъюб
1Дурар Ерусалимдиз багахь духьну, Елион дагъдиин али Вифания кӀуру гъулахьна гъафиган, Исайи гьамциб буйругъ тувну, кьюр ученик гьаъру:
2– Гьатму ичв гъаншариъ айи гъулаз гъарахай, душваъ, дибтӀнайи дажи ва дидин гъудугъ рякъидичвуз; гьадрар, тудурчну, Узухьна аькъинай. 3Ва нагагь учвуз шликӀа фукӀа гъапиш, дурар Агъайиз бакарди ву, Дугъу дурар дишлади кьяляхъ апӀиди, йипай.
4Му мици хьуб пайгъамбри дупнайи исихъайи гафар кӀулиз удучӀвбан бадали шулайи ляхнар вуйи:
5«Ерусалим шагьриз йипайки,
магьа, яв Паччагь,
даждиин элеъну гъюра.
Думу учвухьна гъудгъиинди,
Фурс ктарди, гъиди».
6Ученикари, душну, Исайи чпиз гъаписи гъапӀу. 7Дажина гъудугъ хъаъну гъахнийи, ва дурариин чпин палтар илирчнийи. Иса дурарин заълан элеънийи. 8Халкьдикан гизафдари чпин палтар, хъа имбудари гьарарин цирклар-кюлерра рякъюкк ккирчуйи. 9Исайин улихьдира, кьяляхъдира гъюрайи халкьди чӀигъар апӀури гъахьну:
«Давудгъярин Бализ тяриф!
Агъайин ччвурнахъ Гъюрайириз
ужʼвал ибшри!
Аьршариз тяриф!»
10Иса Ерусалимдиъ учӀвиган, вари шагьур гьяракатназ гъафи; варди: «Му фуж вуйкӀан?» кӀури, гьерхуйи. 11Хъа халкьдигъян:
– Му Галилейин Назаретдиан вуйи Иса пайгъамбар ву, – кӀури, жаваб тувнийи.
Исайи алвер апӀурайидар Аллагьдин хулʼан утӀуккуб
12Иса Аллагьдин хулан гьяятдиз гъафи. Душваъ ариш-вериш апӀурайидар вари утӀукку, пул дигиш апӀурайидарин устларна луфар масу туврайидарин кусрийир ккитӀикӀу. 13Исайи дурариз гьамци кӀурайи: «Йиз хулаз ккарагру хал пиди», кӀури дибикӀна, хъа учву дидкан тӀарашчйирин мугъара дапӀначва.
14Хъасин Аллагьдин хулаз Исайихьна гизаф курарна ликудар хуру, ва Дугъу дурар сагъ апӀуру. 15Дугъу апӀурайи аьламатнан ляхнар ва, «Давудгъярин Бализ тяриф!» кӀури, чӀигъар апӀурайи баяр-шубар дяркъну, аьхюну маллйир, къанунчйир хъюлу ацӀру. 16Ва дурари Дугъаз кӀуру:
– Мурари фу кӀураш, Увуз ебхьурануз?
Исайира дурариз кӀуру:
– Ав, ебхьуразуз. Хъа учву Гирами китабарик: «Мухрихъ хъайидарин ва бицӀидарин мелзналан Узуз тярифнан гафар пуз гъитдива», пну дибикӀнайиб гъурхундарнучвахъа?
17Дурар гьадушвʼин илмиди, Иса Вифания кӀуру гъулаз гъушнийи ва душваъ йишв адапӀнийи.
Инжирин гъеебццу гьар
18ГвачӀнин шагьриз хъадакну гъюрайи Исайиз рякъюъ гаш шулу. 19Ва, рякъюн гъвалахъ инжирин гьар дябкъну, Думу дидин багахьна гъушу, амма кӀажарилан гъайри, дидигъ фукӀа гъибихъундайи. Исайи, му гьариз сарун асуллагь бегьер дарибхрива, пну, амур гъапӀнийи. Инжирин гьар сабпну гъеебццнийи. 20Му аьгьвалат гъябкъю ученикар мюгьтал гъахьнийи:
– Инжирин гьар мици сабпну фици гъеебццнийкӀан? – гъапи дурари.
21Исайи дурариз жаваб вуди гъапи:
– Гьякь кӀуразачвуз, эгер учвуз хъугъувал аш ва учву шаклу даршиш, му инжирин гьарин кӀулʼина гъафиб гъубзри, учву гьатму дагъдиз: «Яв йишвʼлан улдубчӀвну, гьюлиъ убс», гъапиш, гьадмура тамам хьибди. 22Хъугъувал ади учву ккарагури фу ккун гъапӀиш, гьадму хьибдичвуз.
Исайин гьюкмикан
23Хъасин Исайи, Аллагьдин хулан гьяятдиз дуфну, аьгъювалар улупурайиган, Дугъахьна аьхю маллйирна, къанунчйирна аьхюдар гъюру.
Дурари гьерхру:
– Уву му ляхнар фициб гьюкмиинди апӀурава? Шли Увуз гьацдар ляхнар апӀуз гьюкум тувну?
24Исайи дурариз жаваб вуди гъапи:
– Узура учвуз саб суал тувдиза. Эгер учву Узуз жаваб тувиш, Узура учвуз, мурар фициб гьюкмиинди апӀураш, пидизачвуз. 25Штуан апӀру Ягьʼяйиз штуан апӀуз ихтияр шли тувну: Аллагьди, даршиш инсанари?
Дурар, фикрарикк ккахъну, чиб-чпикди гьамци пуз хъюгъру:
– Эгер ухьу «Аллагьдихьан» гъапиш, Дугъу ухьуз: «Дици вуш, дугъахъ гьаз хъугъундарчва?» пиди, 26хъа «инсанарин терефнаан» пуз ухьуз халкьдихьан гучӀ а, гьаз гъапиш халкьди, Ягьʼя пайгъамбар ву кӀури, гьисаб апӀура.
27Гьаддиз дурари Исайиз жаваб вуди гъапи:
– Учуз аьгъдарчуз.
Хъа Исайи дурариз гъапи:
– Ари Узура, Йиз му ляхнар фициб гьюкмиинди апӀураш, пидарзачвуз.
Кьюр балкан тахалус
28Учву фици фикир апӀурачва? Сар касдиз кьюр бай айи. Думу касди, сарпирихьна дуфну, кӀуру:
– Жан бай! Душну, гъи ихь тӀумтӀин багъдиъ лих.
29Думу, «Ккундарзуз!» – пну, жаваб тувну, хъасин, швумал духьну, лихуз гъягъюру. 30Адашди, кьюрпи балихьна дуфну, дугъазра кӀуру.
– Ибшри, гъягъюрза, – жаваб туву му бали, амма думу гъушундайи.
31Му кьюрикан адашдин тӀалаб шли тамам гъапӀну?
Дурари кӀуру: «Сарпири».
Исайи дурариз кӀуру:
– Дугъриди кӀуразачвуз: налук уч апӀрударна чӀуру аднан дишагьлийир учвутӀан ухди Аллагьдин Паччагьлугъдиъ учӀвди. 32Фицики штуан апӀру Ягьʼя учвухьна дугъривалин рякъюъди гъафну. Учву дугъахъ хъугъундарчва, хъа налук уч апӀрударна чӀуру аднан дишагьлийир хъугъну. Учвуз гьамрар вари гъяркънушра, дугъахъ хъугъну, гунгьар гардандиъ гъидисундарчва.
ТӀумутӀчйирикан тахалус
33Жара тахалусдихъра хъебехъай. Сар касди тӀумтӀин багъ ибтру ва дидлан арчил илтӀибкӀуру. Душваъ чяхир кчӀюбкьру ичӀ йибккуру ва паж апӀуру хъасин, багъ тӀумутӀчйирихьна тувну, учв жара йишвариз гъягъюру. 34Хъа тӀумтӀар хъуркьру вахт улубкьиган, дугъу, тӀумтӀин багъдикан чан бегьер хуз, лукӀар тӀумутӀчйирихьна гьаъру. 35ТӀумутӀчйири, дугъан гъуллугъчйир дидисну, дурарикан фуж урччвуру, фуж йивну йикӀуру, шлиина гъван уьлюбхюру. 36Эйсийи хъанара жара лукӀар гьаъру, хъа дураризра гьаци гъапӀнийи. 37Аьхирки дугъу «белки дурариз дугъхьан нач шул», кӀури, дурарихьна чан бай гьаъру. 38Амма тӀумутӀчйири, эйсийин бай гъяркъиган, чиб-чпин арайиъ кӀуру: «Му эйсийин ирсчи ву; гъачай думу йивну йикӀухьа ва дугъан ирс ухьуз гъибтдихьа». 39Думу дидисну, багъдиан адаъну, йивну йикӀуру. 40Ари гьамус багъдин эйси гъафиган, дугъу тӀумутӀчйирикан гьапӀди?
41Му пис касар дугъу тӀанкь апӀиди, хъа тӀумтӀин багъ вахтниинди чахьна бегьер рубкьру жара тӀумутӀчйирихьна арендайиз тувди.
42Хъа Исайи, давам апӀури, дурариз кӀуру:
– Учву Гирами китабариъ дидикӀнайи гьаму гафар гъурхундарнучва:
«Устйири гатӀабхьу гъван мурччвануб гъабхьну.
Му ухьуз гъябкъю аьламат Агъайи гъапӀуб ву».
43Гьаддиз кӀуразачвуз, Аьршарин Паччагьлугъ учвхьан тадабгъиди ва думу лайикьлудариз тувди. 44Хъа фуж гьадму гъвандиина ахъиш, думу парчйир хьиди; хъа шилʼина думу абхъиш, чархьиди.
45Дугъан тахалусар гъеерхьу аьхюну маллйирна фарисйир Думу чпикан улхурайивалин гъавриъ ахъу. 46Дурариз Думу дисуз ккун шулу, амма халкьдихьан гучӀ шулу, гьаз гъапиш халкьди Думу пайгъамбар вуди гьисаб апӀурайи.
Currently Selected:
Матта 21: ТабГК
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 21
21
Иса Ерусалимдиз гъюб
1Дурар Ерусалимдиз багахь духьну, Елион дагъдиин али Вифания кӀуру гъулахьна гъафиган, Исайи гьамциб буйругъ тувну, кьюр ученик гьаъру:
2– Гьатму ичв гъаншариъ айи гъулаз гъарахай, душваъ, дибтӀнайи дажи ва дидин гъудугъ рякъидичвуз; гьадрар, тудурчну, Узухьна аькъинай. 3Ва нагагь учвуз шликӀа фукӀа гъапиш, дурар Агъайиз бакарди ву, Дугъу дурар дишлади кьяляхъ апӀиди, йипай.
4Му мици хьуб пайгъамбри дупнайи исихъайи гафар кӀулиз удучӀвбан бадали шулайи ляхнар вуйи:
5«Ерусалим шагьриз йипайки,
магьа, яв Паччагь,
даждиин элеъну гъюра.
Думу учвухьна гъудгъиинди,
Фурс ктарди, гъиди».
6Ученикари, душну, Исайи чпиз гъаписи гъапӀу. 7Дажина гъудугъ хъаъну гъахнийи, ва дурариин чпин палтар илирчнийи. Иса дурарин заълан элеънийи. 8Халкьдикан гизафдари чпин палтар, хъа имбудари гьарарин цирклар-кюлерра рякъюкк ккирчуйи. 9Исайин улихьдира, кьяляхъдира гъюрайи халкьди чӀигъар апӀури гъахьну:
«Давудгъярин Бализ тяриф!
Агъайин ччвурнахъ Гъюрайириз
ужʼвал ибшри!
Аьршариз тяриф!»
10Иса Ерусалимдиъ учӀвиган, вари шагьур гьяракатназ гъафи; варди: «Му фуж вуйкӀан?» кӀури, гьерхуйи. 11Хъа халкьдигъян:
– Му Галилейин Назаретдиан вуйи Иса пайгъамбар ву, – кӀури, жаваб тувнийи.
Исайи алвер апӀурайидар Аллагьдин хулʼан утӀуккуб
12Иса Аллагьдин хулан гьяятдиз гъафи. Душваъ ариш-вериш апӀурайидар вари утӀукку, пул дигиш апӀурайидарин устларна луфар масу туврайидарин кусрийир ккитӀикӀу. 13Исайи дурариз гьамци кӀурайи: «Йиз хулаз ккарагру хал пиди», кӀури дибикӀна, хъа учву дидкан тӀарашчйирин мугъара дапӀначва.
14Хъасин Аллагьдин хулаз Исайихьна гизаф курарна ликудар хуру, ва Дугъу дурар сагъ апӀуру. 15Дугъу апӀурайи аьламатнан ляхнар ва, «Давудгъярин Бализ тяриф!» кӀури, чӀигъар апӀурайи баяр-шубар дяркъну, аьхюну маллйир, къанунчйир хъюлу ацӀру. 16Ва дурари Дугъаз кӀуру:
– Мурари фу кӀураш, Увуз ебхьурануз?
Исайира дурариз кӀуру:
– Ав, ебхьуразуз. Хъа учву Гирами китабарик: «Мухрихъ хъайидарин ва бицӀидарин мелзналан Узуз тярифнан гафар пуз гъитдива», пну дибикӀнайиб гъурхундарнучвахъа?
17Дурар гьадушвʼин илмиди, Иса Вифания кӀуру гъулаз гъушнийи ва душваъ йишв адапӀнийи.
Инжирин гъеебццу гьар
18ГвачӀнин шагьриз хъадакну гъюрайи Исайиз рякъюъ гаш шулу. 19Ва, рякъюн гъвалахъ инжирин гьар дябкъну, Думу дидин багахьна гъушу, амма кӀажарилан гъайри, дидигъ фукӀа гъибихъундайи. Исайи, му гьариз сарун асуллагь бегьер дарибхрива, пну, амур гъапӀнийи. Инжирин гьар сабпну гъеебццнийи. 20Му аьгьвалат гъябкъю ученикар мюгьтал гъахьнийи:
– Инжирин гьар мици сабпну фици гъеебццнийкӀан? – гъапи дурари.
21Исайи дурариз жаваб вуди гъапи:
– Гьякь кӀуразачвуз, эгер учвуз хъугъувал аш ва учву шаклу даршиш, му инжирин гьарин кӀулʼина гъафиб гъубзри, учву гьатму дагъдиз: «Яв йишвʼлан улдубчӀвну, гьюлиъ убс», гъапиш, гьадмура тамам хьибди. 22Хъугъувал ади учву ккарагури фу ккун гъапӀиш, гьадму хьибдичвуз.
Исайин гьюкмикан
23Хъасин Исайи, Аллагьдин хулан гьяятдиз дуфну, аьгъювалар улупурайиган, Дугъахьна аьхю маллйирна, къанунчйирна аьхюдар гъюру.
Дурари гьерхру:
– Уву му ляхнар фициб гьюкмиинди апӀурава? Шли Увуз гьацдар ляхнар апӀуз гьюкум тувну?
24Исайи дурариз жаваб вуди гъапи:
– Узура учвуз саб суал тувдиза. Эгер учву Узуз жаваб тувиш, Узура учвуз, мурар фициб гьюкмиинди апӀураш, пидизачвуз. 25Штуан апӀру Ягьʼяйиз штуан апӀуз ихтияр шли тувну: Аллагьди, даршиш инсанари?
Дурар, фикрарикк ккахъну, чиб-чпикди гьамци пуз хъюгъру:
– Эгер ухьу «Аллагьдихьан» гъапиш, Дугъу ухьуз: «Дици вуш, дугъахъ гьаз хъугъундарчва?» пиди, 26хъа «инсанарин терефнаан» пуз ухьуз халкьдихьан гучӀ а, гьаз гъапиш халкьди, Ягьʼя пайгъамбар ву кӀури, гьисаб апӀура.
27Гьаддиз дурари Исайиз жаваб вуди гъапи:
– Учуз аьгъдарчуз.
Хъа Исайи дурариз гъапи:
– Ари Узура, Йиз му ляхнар фициб гьюкмиинди апӀураш, пидарзачвуз.
Кьюр балкан тахалус
28Учву фици фикир апӀурачва? Сар касдиз кьюр бай айи. Думу касди, сарпирихьна дуфну, кӀуру:
– Жан бай! Душну, гъи ихь тӀумтӀин багъдиъ лих.
29Думу, «Ккундарзуз!» – пну, жаваб тувну, хъасин, швумал духьну, лихуз гъягъюру. 30Адашди, кьюрпи балихьна дуфну, дугъазра кӀуру.
– Ибшри, гъягъюрза, – жаваб туву му бали, амма думу гъушундайи.
31Му кьюрикан адашдин тӀалаб шли тамам гъапӀну?
Дурари кӀуру: «Сарпири».
Исайи дурариз кӀуру:
– Дугъриди кӀуразачвуз: налук уч апӀрударна чӀуру аднан дишагьлийир учвутӀан ухди Аллагьдин Паччагьлугъдиъ учӀвди. 32Фицики штуан апӀру Ягьʼя учвухьна дугъривалин рякъюъди гъафну. Учву дугъахъ хъугъундарчва, хъа налук уч апӀрударна чӀуру аднан дишагьлийир хъугъну. Учвуз гьамрар вари гъяркънушра, дугъахъ хъугъну, гунгьар гардандиъ гъидисундарчва.
ТӀумутӀчйирикан тахалус
33Жара тахалусдихъра хъебехъай. Сар касди тӀумтӀин багъ ибтру ва дидлан арчил илтӀибкӀуру. Душваъ чяхир кчӀюбкьру ичӀ йибккуру ва паж апӀуру хъасин, багъ тӀумутӀчйирихьна тувну, учв жара йишвариз гъягъюру. 34Хъа тӀумтӀар хъуркьру вахт улубкьиган, дугъу, тӀумтӀин багъдикан чан бегьер хуз, лукӀар тӀумутӀчйирихьна гьаъру. 35ТӀумутӀчйири, дугъан гъуллугъчйир дидисну, дурарикан фуж урччвуру, фуж йивну йикӀуру, шлиина гъван уьлюбхюру. 36Эйсийи хъанара жара лукӀар гьаъру, хъа дураризра гьаци гъапӀнийи. 37Аьхирки дугъу «белки дурариз дугъхьан нач шул», кӀури, дурарихьна чан бай гьаъру. 38Амма тӀумутӀчйири, эйсийин бай гъяркъиган, чиб-чпин арайиъ кӀуру: «Му эйсийин ирсчи ву; гъачай думу йивну йикӀухьа ва дугъан ирс ухьуз гъибтдихьа». 39Думу дидисну, багъдиан адаъну, йивну йикӀуру. 40Ари гьамус багъдин эйси гъафиган, дугъу тӀумутӀчйирикан гьапӀди?
41Му пис касар дугъу тӀанкь апӀиди, хъа тӀумтӀин багъ вахтниинди чахьна бегьер рубкьру жара тӀумутӀчйирихьна арендайиз тувди.
42Хъа Исайи, давам апӀури, дурариз кӀуру:
– Учву Гирами китабариъ дидикӀнайи гьаму гафар гъурхундарнучва:
«Устйири гатӀабхьу гъван мурччвануб гъабхьну.
Му ухьуз гъябкъю аьламат Агъайи гъапӀуб ву».
43Гьаддиз кӀуразачвуз, Аьршарин Паччагьлугъ учвхьан тадабгъиди ва думу лайикьлудариз тувди. 44Хъа фуж гьадму гъвандиина ахъиш, думу парчйир хьиди; хъа шилʼина думу абхъиш, чархьиди.
45Дугъан тахалусар гъеерхьу аьхюну маллйирна фарисйир Думу чпикан улхурайивалин гъавриъ ахъу. 46Дурариз Думу дисуз ккун шулу, амма халкьдихьан гучӀ шулу, гьаз гъапиш халкьди Думу пайгъамбар вуди гьисаб апӀурайи.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023