Матта 18
18
Аллагьдин Паччагьлугъдиъ вартӀан аьхюр фуж ву?
1Гьадму вахтна, Исайихьна дуфну, ученикари гьерху:
– Аьршарин Паччагьлугъдиъ вартӀан аьхюр фуж ву?
2Исайи, сар бицӀириз дих дапӀну, думу дурарин кьялаъ дерккну, 3кӀуру:
– Гьякь кӀуразачвуз, учву ичв юкӀвар дигиш дапӀну, бицӀи баярси дархьиш, Аьршарин Паччагьлугъдиъ учӀвидарчва; 4гьаци вуйиган, фуж гьаму бицӀи байси мютӀюгъ гъахьиш, гьадму Аьршарин Паччагьлугъдиъ аьхюрра ву. 5Ва шли Узу бадали сар гьамцир бицӀир кьабул гъапӀиш, дугъу Узу кьабул апӀура; 6хъа шли Узухъ хъугънайи гьаму зяифдарикан саркьан рякъʼан адаиш, дугъаз, чан гардандиъ рягънин ахал ипну, гьюлизди гатӀахьуб ужу шлийи. 7Тямягьлу дюнʼяйиз бала хьибди. Нефс-тямягь адарди, дюнʼя гъубзурдар, амма нефс-тямягь арайиз гъюбан тахсиркар аьхю балайикк ккахъди. 8Эгер яв хили, вая яв ликри уву тямягьнахьна гъахури аш, думу хъадабтӀну, ярхлаз гатӀабхь: ккудудубкӀру уьмриъ хил хътарди, вая лик ккадарди учӀвуб ужу вувуз, жегьеннемдиъ ккудудубкӀру цӀигъ ургури хьайиз. 9Яв ули уву тямягьнахьна гъахураш, думу адабгъну, ярхлаз гатӀабхь: увуз, кьюб ул ади, жегьеннемдин цӀигъ ургайиз, саб ул ади, ккудудубкӀру уьмриъ учӀвуб ужу вувуз.
10Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [11]#18:11 Грекарин саспи БикӀбариъ гьамци кӀурира абхъна: «Инсаниятдин Бай вари улдубгнайиб уьбхюз Дуфнайир ву».
Дудубгнайи марчч
12Фици фикир апӀурачва? Варж марчч сивариъ айи кас, дурарикан саб гъудубгиш, урчӀвцӀурна урчӀвуб гъитну, гъудубгу сабдихъ лицуз дурушди гъузрин? 13Ва эгер думу гъибихъиш, дюзди кӀуразачвузки, думу урчӀвцӀурна урчӀвуб дудругдариинтӀан, саб гьаддиин артухъди шад хьиди. 14Гьаци ичв Аьршарин Адашдизра гьаму бицӀидарикан саркьан дургну ккундар.
Улдугнайи гъардшиз фици кюмек апӀуруш
15Эгер яв гъардши увуз къаршуди гунагь шлу ляхин гъапӀиш, душну, сарна-сарди гаф-чӀал дапӀну, дугъаз чан тахсир кидибт. Эгер увухъ хъебехъиш, дугъкан увуз хъана гъардаш хьиди. 16Эгерки дугъу чан тахсир кӀулʼин дибрисиш, жвувахъди хъана сар вая кьюр кас хъади гъарах, гьадму шагьидари гьарсаб гаф тасдикь апӀруганси. 17Дурарихъра хъпебехъиш, мидкан хъугънайидариз йип; хъа хъугънайидарихъра хъпебехъиш, сарун думу аллагьсузсир, ясана налук гъюдюбхрурсир гьисаб апӀин. 18Дюзди кӀуразачвуз: учву жилариин фу гъадагъа гъапиш, аьршариинра гьадму гъадагъа дапӀну хьибди; ва учву жилариин фтиз ихтияр тувиш, аьршариинра гьаддиз ихтияр тувну хьибди. 19Гьацира дугъриди кӀуразачвузки, эгер жилиин учвкан кьюри сатӀиди фукӀа тӀалаб гъапӀиш, Аьршарин Йиз Адашди думу тамам апӀиди. 20Фицики кьюр вая шубур кас Йиз ччвурнахъ уч гъашиш, дурарин арайиъ Узу хьидиза.
21Гьадмуган Петри, Исайихьна дуфну, гьерхру:
– Я Агъа! Узуз къаршуди йиз гъардши гунгьар апӀури гъашиш, швнубан дугълан хил алдабгъну ккунду? Ургубан?
22Исайи дугъаз кӀуру:
– Увуз «ургубан» кӀурадарза, хъа ургцӀур ражари ургубан. 23Гьаддиз Аьршарин Паччагьлугъ чан гъуллугъчйирихъди гьякь-гьисаб апӀуз ккун гъабхьи паччагьдиз ухшар ву. 24Паччагьди гьякь-гьисаб апӀуз хъюгъиган, дугъахьна гизаф миллионариинди пул буржлу вуйи сар гъуллугъчи хъади гъюру. 25Хъа дугъаз бурж кьяляхъ апӀуз пул адарди хьпаз лигну паччагьди, думура, дугъан хпирра, веледарра ва дугъаз айи-адруб вари масу тувну, бурж ктипуз амур апӀуру. 26Гъуллугъчи дугъан ликарикк дахъну:
«Я паччагь! СацӀиб аьх апӀин, хъасин вари бурж ктипидиза», кӀури, ккарагуз хъюгъру.
27Паччагьди, рягьим дапӀну, дугъаз бурж гьялал дапӀну, думу деетуру. 28Амма думу гъуллугъчийи, дилин удучӀвиган, чан юлдшарикан чаз варж динар пул буржлу вуйир дагну, думу дидисну:
«Увук кайи йиз бурж ча», кӀури, думу бугъмиш апӀуз хъюгънийи.
29Гьадмуган дугъан юлдаш, дугъан ликарикк ккархьну, «сацӀиб сабур апӀин, яв бурж туварза», кӀури, ккарагуз хъюгъю. 30Амма мугъаз мюгьлет тувуз ккун гъабхьундар ва, душну, бурж тувайизкьан, думу дустагъдиъ иту.
31Му ляхин гъябкъю дугъан юлдшар гизаф мюгьтал ва пашман шулу ва, дуфну, паччагьдиз вари гъабши-гъабшиси ктибтуру. 32Гьадмуган паччагьди гъуллугъчийиз дих дапӀну, кӀуру:
«Эй угъраш лукӀ! Уву миннат апӀбаз лигну, увуз яв думу бурж гьялал гъапӀнийза. 33Узу увуз гьялал гъапӀубси, увхьанра яв юлдшиз гьялал апӀуз шулдайнухьанхъа?»
34Хъял кубчӀву паччагьди думу, вари бурж ктипайизкьан, аьзабар тувуз, жаллатӀарихьна тувру.
35Гьамци Аьршарин Йиз Адашдира, учвкан гьарури чан гунгьар кайи гъардшилан кӀваантӀан хил алдадабгъиш, учвузра гьаци апӀиди.
Currently Selected:
Матта 18: ТабГК
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 18
18
Аллагьдин Паччагьлугъдиъ вартӀан аьхюр фуж ву?
1Гьадму вахтна, Исайихьна дуфну, ученикари гьерху:
– Аьршарин Паччагьлугъдиъ вартӀан аьхюр фуж ву?
2Исайи, сар бицӀириз дих дапӀну, думу дурарин кьялаъ дерккну, 3кӀуру:
– Гьякь кӀуразачвуз, учву ичв юкӀвар дигиш дапӀну, бицӀи баярси дархьиш, Аьршарин Паччагьлугъдиъ учӀвидарчва; 4гьаци вуйиган, фуж гьаму бицӀи байси мютӀюгъ гъахьиш, гьадму Аьршарин Паччагьлугъдиъ аьхюрра ву. 5Ва шли Узу бадали сар гьамцир бицӀир кьабул гъапӀиш, дугъу Узу кьабул апӀура; 6хъа шли Узухъ хъугънайи гьаму зяифдарикан саркьан рякъʼан адаиш, дугъаз, чан гардандиъ рягънин ахал ипну, гьюлизди гатӀахьуб ужу шлийи. 7Тямягьлу дюнʼяйиз бала хьибди. Нефс-тямягь адарди, дюнʼя гъубзурдар, амма нефс-тямягь арайиз гъюбан тахсиркар аьхю балайикк ккахъди. 8Эгер яв хили, вая яв ликри уву тямягьнахьна гъахури аш, думу хъадабтӀну, ярхлаз гатӀабхь: ккудудубкӀру уьмриъ хил хътарди, вая лик ккадарди учӀвуб ужу вувуз, жегьеннемдиъ ккудудубкӀру цӀигъ ургури хьайиз. 9Яв ули уву тямягьнахьна гъахураш, думу адабгъну, ярхлаз гатӀабхь: увуз, кьюб ул ади, жегьеннемдин цӀигъ ургайиз, саб ул ади, ккудудубкӀру уьмриъ учӀвуб ужу вувуз.
10Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [11]#18:11 Грекарин саспи БикӀбариъ гьамци кӀурира абхъна: «Инсаниятдин Бай вари улдубгнайиб уьбхюз Дуфнайир ву».
Дудубгнайи марчч
12Фици фикир апӀурачва? Варж марчч сивариъ айи кас, дурарикан саб гъудубгиш, урчӀвцӀурна урчӀвуб гъитну, гъудубгу сабдихъ лицуз дурушди гъузрин? 13Ва эгер думу гъибихъиш, дюзди кӀуразачвузки, думу урчӀвцӀурна урчӀвуб дудругдариинтӀан, саб гьаддиин артухъди шад хьиди. 14Гьаци ичв Аьршарин Адашдизра гьаму бицӀидарикан саркьан дургну ккундар.
Улдугнайи гъардшиз фици кюмек апӀуруш
15Эгер яв гъардши увуз къаршуди гунагь шлу ляхин гъапӀиш, душну, сарна-сарди гаф-чӀал дапӀну, дугъаз чан тахсир кидибт. Эгер увухъ хъебехъиш, дугъкан увуз хъана гъардаш хьиди. 16Эгерки дугъу чан тахсир кӀулʼин дибрисиш, жвувахъди хъана сар вая кьюр кас хъади гъарах, гьадму шагьидари гьарсаб гаф тасдикь апӀруганси. 17Дурарихъра хъпебехъиш, мидкан хъугънайидариз йип; хъа хъугънайидарихъра хъпебехъиш, сарун думу аллагьсузсир, ясана налук гъюдюбхрурсир гьисаб апӀин. 18Дюзди кӀуразачвуз: учву жилариин фу гъадагъа гъапиш, аьршариинра гьадму гъадагъа дапӀну хьибди; ва учву жилариин фтиз ихтияр тувиш, аьршариинра гьаддиз ихтияр тувну хьибди. 19Гьацира дугъриди кӀуразачвузки, эгер жилиин учвкан кьюри сатӀиди фукӀа тӀалаб гъапӀиш, Аьршарин Йиз Адашди думу тамам апӀиди. 20Фицики кьюр вая шубур кас Йиз ччвурнахъ уч гъашиш, дурарин арайиъ Узу хьидиза.
21Гьадмуган Петри, Исайихьна дуфну, гьерхру:
– Я Агъа! Узуз къаршуди йиз гъардши гунгьар апӀури гъашиш, швнубан дугълан хил алдабгъну ккунду? Ургубан?
22Исайи дугъаз кӀуру:
– Увуз «ургубан» кӀурадарза, хъа ургцӀур ражари ургубан. 23Гьаддиз Аьршарин Паччагьлугъ чан гъуллугъчйирихъди гьякь-гьисаб апӀуз ккун гъабхьи паччагьдиз ухшар ву. 24Паччагьди гьякь-гьисаб апӀуз хъюгъиган, дугъахьна гизаф миллионариинди пул буржлу вуйи сар гъуллугъчи хъади гъюру. 25Хъа дугъаз бурж кьяляхъ апӀуз пул адарди хьпаз лигну паччагьди, думура, дугъан хпирра, веледарра ва дугъаз айи-адруб вари масу тувну, бурж ктипуз амур апӀуру. 26Гъуллугъчи дугъан ликарикк дахъну:
«Я паччагь! СацӀиб аьх апӀин, хъасин вари бурж ктипидиза», кӀури, ккарагуз хъюгъру.
27Паччагьди, рягьим дапӀну, дугъаз бурж гьялал дапӀну, думу деетуру. 28Амма думу гъуллугъчийи, дилин удучӀвиган, чан юлдшарикан чаз варж динар пул буржлу вуйир дагну, думу дидисну:
«Увук кайи йиз бурж ча», кӀури, думу бугъмиш апӀуз хъюгънийи.
29Гьадмуган дугъан юлдаш, дугъан ликарикк ккархьну, «сацӀиб сабур апӀин, яв бурж туварза», кӀури, ккарагуз хъюгъю. 30Амма мугъаз мюгьлет тувуз ккун гъабхьундар ва, душну, бурж тувайизкьан, думу дустагъдиъ иту.
31Му ляхин гъябкъю дугъан юлдшар гизаф мюгьтал ва пашман шулу ва, дуфну, паччагьдиз вари гъабши-гъабшиси ктибтуру. 32Гьадмуган паччагьди гъуллугъчийиз дих дапӀну, кӀуру:
«Эй угъраш лукӀ! Уву миннат апӀбаз лигну, увуз яв думу бурж гьялал гъапӀнийза. 33Узу увуз гьялал гъапӀубси, увхьанра яв юлдшиз гьялал апӀуз шулдайнухьанхъа?»
34Хъял кубчӀву паччагьди думу, вари бурж ктипайизкьан, аьзабар тувуз, жаллатӀарихьна тувру.
35Гьамци Аьршарин Йиз Адашдира, учвкан гьарури чан гунгьар кайи гъардшилан кӀваантӀан хил алдадабгъиш, учвузра гьаци апӀиди.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023