Zefanaiya 2
2
Nfɛra be kechɛrga be asheŋ
1Kanishinyɔrpaŋ be efuli be basa ere, men ba abar so 2pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so. 3Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.
Asheŋ ka maaŋ nyalɛ n sa efuliana nɛ a kulti Israɛl na be asheŋ
4Shɛŋ maaŋ naŋ ka a wɔ Filistiebi be ndegboŋana ere to. Shɛŋ maaŋ ka Gaza to. Ekama beeŋ kaa ashi Ashkɛlɔn be kade to. Baaŋ ju Ashdɔd be basa malɛ n lar kapiidi nseŋ ta kena n ya purgi basa nɛ b wɔ Ekrɔn na, nɛ b shile n lar bumo be kade na to. 5Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka. 6Menyi be kasawule nɛ k dese teku ase na beeŋ ki kakpa nɛ mbolpɔkpapo beeŋ baa yuu bumo be ebuana nɛ mbolpɔ be aluu. 7Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.
8Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule. 9Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”
10Kusɔ nɛ k beeŋ ba Mowab nɛ Ammɔn be basa so ŋkpal bumo be kamoowu nɛ kebaatege nsaa wora Enyɛnpetale Ebɔrɛ na be basa eyurto so nna na. 11Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.
12Enyɛnpe Ebɔrɛ na be tokobi na beeŋ mɔ Itiopia be basa gba.
Demuji nɛ k beeŋ ba Asiriya be efuli so be asheŋ
13Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na. 14Ndoŋ beeŋ ki asɔbɔya be yiri kikɛ be edesekpa. Egbuŋgbula be yiri kikɛ beeŋ baa jɔŋɛ egbal bure so na so nsaa shu a wɔtɔ etokuro to. Baaŋ gboŋi sida be ndibi nɛ b ta m buu nwu na so na kikɛ. 15Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.
Currently Selected:
Zefanaiya 2: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zefanaiya 2
2
Nfɛra be kechɛrga be asheŋ
1Kanishinyɔrpaŋ be efuli be basa ere, men ba abar so 2pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so. 3Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.
Asheŋ ka maaŋ nyalɛ n sa efuliana nɛ a kulti Israɛl na be asheŋ
4Shɛŋ maaŋ naŋ ka a wɔ Filistiebi be ndegboŋana ere to. Shɛŋ maaŋ ka Gaza to. Ekama beeŋ kaa ashi Ashkɛlɔn be kade to. Baaŋ ju Ashdɔd be basa malɛ n lar kapiidi nseŋ ta kena n ya purgi basa nɛ b wɔ Ekrɔn na, nɛ b shile n lar bumo be kade na to. 5Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka. 6Menyi be kasawule nɛ k dese teku ase na beeŋ ki kakpa nɛ mbolpɔkpapo beeŋ baa yuu bumo be ebuana nɛ mbolpɔ be aluu. 7Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.
8Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule. 9Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”
10Kusɔ nɛ k beeŋ ba Mowab nɛ Ammɔn be basa so ŋkpal bumo be kamoowu nɛ kebaatege nsaa wora Enyɛnpetale Ebɔrɛ na be basa eyurto so nna na. 11Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.
12Enyɛnpe Ebɔrɛ na be tokobi na beeŋ mɔ Itiopia be basa gba.
Demuji nɛ k beeŋ ba Asiriya be efuli so be asheŋ
13Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na. 14Ndoŋ beeŋ ki asɔbɔya be yiri kikɛ be edesekpa. Egbuŋgbula be yiri kikɛ beeŋ baa jɔŋɛ egbal bure so na so nsaa shu a wɔtɔ etokuro to. Baaŋ gboŋi sida be ndibi nɛ b ta m buu nwu na so na kikɛ. 15Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation