Zakareya 13
13
Kelar agbir nɛ anebi fɛpoana be asheŋ to be asheŋ
1Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ. 2Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so. 3Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ. 4Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa. 5Ama kusɔ nɛ e beeŋ kaŋɛ e la fanɛ, ‘Ma ere maŋ la anebi. Ma kebia to kikɛ edɔpo e la ma hale m ba fo kabre.’ 6Kumo be kaman nɛ esa naŋ bishi mo le: Nɛ manɛ e kpɛa fo eyur so le ere? E beeŋ kaŋɛ fanɛ, ‘N teri ko be laŋ to nɛ n nya amo.’ ”
B ka mɔ mbolpɔkpapo nɛ mbolpɔ pesaŋ to be asheŋ
7Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa. 8Kasawule na so be basa na be ntuŋ asa to be ntuŋ anyɔ beeŋ wu m mur nɛ katuŋ koŋwule nawule e ka. 9Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”
Currently Selected:
Zakareya 13: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 13
13
Kelar agbir nɛ anebi fɛpoana be asheŋ to be asheŋ
1Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ. 2Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so. 3Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ. 4Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa. 5Ama kusɔ nɛ e beeŋ kaŋɛ e la fanɛ, ‘Ma ere maŋ la anebi. Ma kebia to kikɛ edɔpo e la ma hale m ba fo kabre.’ 6Kumo be kaman nɛ esa naŋ bishi mo le: Nɛ manɛ e kpɛa fo eyur so le ere? E beeŋ kaŋɛ fanɛ, ‘N teri ko be laŋ to nɛ n nya amo.’ ”
B ka mɔ mbolpɔkpapo nɛ mbolpɔ pesaŋ to be asheŋ
7Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa. 8Kasawule na so be basa na be ntuŋ asa to be ntuŋ anyɔ beeŋ wu m mur nɛ katuŋ koŋwule nawule e ka. 9Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation