Matiu 8
8
Kananɛ Yesu chɛ botipo ko be asheŋ
(Maak 1:40-45; Luuk 5:12-16)
1Yesu ka shi kebee na so ŋ gbelge a ba nɛ jimaŋ damta ko bɛ mo so. 2Ndoŋ nna nɛ botipo ko ba mo kutɔ m ba gbir mbe anishito nseŋ kaŋɛ mo le: “Enyɛnpe, nɛ k par fo, feeŋ tiŋ n shin nɛ n nyalɛ so.” 3Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so. 4Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”
Yesu ka chɛ kenya ko be asheŋ
(Luuk 7:1-10; Jɔn 4:43-54)
5Yesu ka luri Kapɛɛniam be kade to nɛ Romebi be benapo be enimu ko ba mo kutɔ m ba kule mo le be kechɛto, 6e yɛ: “Enyɛnpe, ma kenya e dese mbe gedo so epe a lɔ ga a ji awurfoŋ ga a maaŋ tiŋ ŋ koso.” 7Nɛ Yesu kaŋɛ mo: “Meeŋ ba chɛ mo.” 8Ndoŋ nna nɛ Romebi be benapo be enimu na kaŋɛ mo le: “Enyɛnpe, m maŋ fo keshin nɛ fo ba ma pe, amoso, baŋ malga kamalga koŋwule fanɛ fo chɛ ma kenya na nɛ e nya eleŋ. 9Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.” 10Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ. 11Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji, 12nɛ Ebɔrɛ e ta basa nɛ b daŋ daga keluri kuwura na to na n lar n lɛ n wɔtɔ tentembiri to plɔ. Ndoŋ nɛ basa wɔtɔ a shu nsaa we anyi to na.” 13Ade kikɛ be kaman nɛ Yesu kaŋɛ Romebi be benapo be enimu na le: “Baa yɔ epe, kusɔ nɛ fo yirda ere beeŋ wora loŋ n sa fo.” Epul na malɛ to nɛ kenya na nya alenfia.
Kananɛ Yesu chɛ basa damta be asheŋ
(Maak 1:29-34; Luuk 4:38-41)
14Kachako Yesu ka yɔ Pita pe nɛ e wu Pita mo shache be eyur ka bel mo edɛ nɛ e dese a lɔ. 15Ndoŋ nna nɛ e beta kache na be enɔ nɛ kayurbeldɛ na lar mo to nɛ e koso n fara a keta mo kufɔ. 16Kaboŋ ka bee jija to nɛ basa bar bumo be basa nɛ mbuibi lubi tɔr so na be bedamta Yesu kutɔ nɛ e ta kamalga koŋwule n ju n ju mbuibi lubiana na bumo to nseŋ chɛ bekama nɛ b daa lɔ na kikɛ nyam. 17E daŋ wora loŋ nna nɛ kusɔ nɛ anebi Aizaaya daŋ kaŋɛ na e bɔla ekpa. E yɛ:
“E sɔ anyi be kayurnyaŋ
nseŋ lara anyi be alɔana n deŋi mbe kumu so.”
Basa nɛ baaŋ ba kaa bɛ Yesu so be asheŋ
(Luuk 9:57-62)
18Yesu ka wu jimaŋ damta ko ka kulti mo nɛ e shin nɛ mo nɛ mbe bebɛsopo yɔ kepagboŋ na be kaba ndoŋ. 19Ndoŋ nna nɛ mbraŋinipo ko ba mo kutɔ m ba kaŋɛ mo: “Eŋinipo, kaplɛkama nɛ fee yɔ, meeŋ bɛ fo so n yɔ.” 20Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.” 21Nɛ ebɛsopo ko malɛ kaŋɛ Yesu le: “Enyɛnpe, shin nɛ n ya puli n tuto pɔɛŋ nseŋ ba.” 22Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”
Kananɛ Yesu yɔɔ afugboŋ be asheŋ
(Maak 4:35-41; Luuk 8:22-25)
23Nɛ Yesu nɛ mbe bebɛsopo luri ekuloŋ to a dii kepagboŋ na. 24Epul to nɛ afugboŋ ko ber m ba kepagboŋ na so nɛ atili kaa nchu na so a sha keluri ekuloŋ na to, ama saŋɛ na so nɛ Yesu bee di. 25Ndoŋ nna nɛ bebɛsopo na ya tiŋi Yesu ŋ kaŋɛ mo: “Enyɛnpe, mɔlga anyi, anyee shin nɛ an mur nna na.” 26Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum. 27Kesheŋ na daŋ chinchiŋ bumo ga nɛ b fara a bishi abar: “Nuso malɛ be nyiŋgbasa nde, hale afuana nɛ atiliana gba bee nu mbe kɔnɔ.”
Kananɛ Yesu chɛ mbuibilubiwuraana ko be asheŋ
(Maak 5:1-20; Luuk 8:26-39)
28Nɛ Yesu ba kepagboŋ na be kaba ndoŋ, Gadaraebi be kasawule so. Ndoŋ nna nɛ benyɛn anyɔ ko lar abeelaŋ nɛ baa puli bubuni na akpa m ba shɛr mo to. Mbuibi lubiana e daa wɔ bumo to a shin nɛ b daŋ lubi ga nɛ basa daa maŋ naa shuli a bɔla ekpa na so. 29B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”
30Jemanɛ na so nɛ epreku damta ko daŋ taga to ndoŋ a ji 31nɛ mbuibi lubiana na kule Yesu ŋ kaŋɛ: “Nɛ fee sha keju anyi basa ere to, fo shin nɛ an ya luri epreku ere to.” 32Nɛ Yesu kaŋɛ bumo: “Men baa yɔ.” Ndoŋ nna nɛ b lar n ya luri epreku na to nɛ epreku na kikɛ shile m bɔla kebee na be kaseto n ya luri kepagboŋ na to m mur. 33Eprekukpapoana na ka wu loŋ nɛ b shile n yɔ kade to n ya bɔ kumo be kubɔya n sa basa na nseŋ naŋ kaŋɛ bumo kusɔ nɛ k wora basa anyɔ nɛ mbuibi lubiana na daa wɔ bumo to na. 34Ndoŋ nna nɛ kade na to ebi kikɛ lar n yɔ Yesu kutɔ. B ka ya wu mo nɛ b kule mo fanɛ e lar bumo be kasawule so.
Currently Selected:
Matiu 8: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 8
8
Kananɛ Yesu chɛ botipo ko be asheŋ
(Maak 1:40-45; Luuk 5:12-16)
1Yesu ka shi kebee na so ŋ gbelge a ba nɛ jimaŋ damta ko bɛ mo so. 2Ndoŋ nna nɛ botipo ko ba mo kutɔ m ba gbir mbe anishito nseŋ kaŋɛ mo le: “Enyɛnpe, nɛ k par fo, feeŋ tiŋ n shin nɛ n nyalɛ so.” 3Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so. 4Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”
Yesu ka chɛ kenya ko be asheŋ
(Luuk 7:1-10; Jɔn 4:43-54)
5Yesu ka luri Kapɛɛniam be kade to nɛ Romebi be benapo be enimu ko ba mo kutɔ m ba kule mo le be kechɛto, 6e yɛ: “Enyɛnpe, ma kenya e dese mbe gedo so epe a lɔ ga a ji awurfoŋ ga a maaŋ tiŋ ŋ koso.” 7Nɛ Yesu kaŋɛ mo: “Meeŋ ba chɛ mo.” 8Ndoŋ nna nɛ Romebi be benapo be enimu na kaŋɛ mo le: “Enyɛnpe, m maŋ fo keshin nɛ fo ba ma pe, amoso, baŋ malga kamalga koŋwule fanɛ fo chɛ ma kenya na nɛ e nya eleŋ. 9Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.” 10Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ. 11Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji, 12nɛ Ebɔrɛ e ta basa nɛ b daŋ daga keluri kuwura na to na n lar n lɛ n wɔtɔ tentembiri to plɔ. Ndoŋ nɛ basa wɔtɔ a shu nsaa we anyi to na.” 13Ade kikɛ be kaman nɛ Yesu kaŋɛ Romebi be benapo be enimu na le: “Baa yɔ epe, kusɔ nɛ fo yirda ere beeŋ wora loŋ n sa fo.” Epul na malɛ to nɛ kenya na nya alenfia.
Kananɛ Yesu chɛ basa damta be asheŋ
(Maak 1:29-34; Luuk 4:38-41)
14Kachako Yesu ka yɔ Pita pe nɛ e wu Pita mo shache be eyur ka bel mo edɛ nɛ e dese a lɔ. 15Ndoŋ nna nɛ e beta kache na be enɔ nɛ kayurbeldɛ na lar mo to nɛ e koso n fara a keta mo kufɔ. 16Kaboŋ ka bee jija to nɛ basa bar bumo be basa nɛ mbuibi lubi tɔr so na be bedamta Yesu kutɔ nɛ e ta kamalga koŋwule n ju n ju mbuibi lubiana na bumo to nseŋ chɛ bekama nɛ b daa lɔ na kikɛ nyam. 17E daŋ wora loŋ nna nɛ kusɔ nɛ anebi Aizaaya daŋ kaŋɛ na e bɔla ekpa. E yɛ:
“E sɔ anyi be kayurnyaŋ
nseŋ lara anyi be alɔana n deŋi mbe kumu so.”
Basa nɛ baaŋ ba kaa bɛ Yesu so be asheŋ
(Luuk 9:57-62)
18Yesu ka wu jimaŋ damta ko ka kulti mo nɛ e shin nɛ mo nɛ mbe bebɛsopo yɔ kepagboŋ na be kaba ndoŋ. 19Ndoŋ nna nɛ mbraŋinipo ko ba mo kutɔ m ba kaŋɛ mo: “Eŋinipo, kaplɛkama nɛ fee yɔ, meeŋ bɛ fo so n yɔ.” 20Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.” 21Nɛ ebɛsopo ko malɛ kaŋɛ Yesu le: “Enyɛnpe, shin nɛ n ya puli n tuto pɔɛŋ nseŋ ba.” 22Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”
Kananɛ Yesu yɔɔ afugboŋ be asheŋ
(Maak 4:35-41; Luuk 8:22-25)
23Nɛ Yesu nɛ mbe bebɛsopo luri ekuloŋ to a dii kepagboŋ na. 24Epul to nɛ afugboŋ ko ber m ba kepagboŋ na so nɛ atili kaa nchu na so a sha keluri ekuloŋ na to, ama saŋɛ na so nɛ Yesu bee di. 25Ndoŋ nna nɛ bebɛsopo na ya tiŋi Yesu ŋ kaŋɛ mo: “Enyɛnpe, mɔlga anyi, anyee shin nɛ an mur nna na.” 26Nɛ e bishi bumo: “Manɛ nna nɛ kufu pɛ menyi loŋ? Men be yirda du fimbi pasaa!” Kamalga ere be kaman nɛ e koso m ponte afuana na nɛ kepa na so nɛ kakpa kikɛ wora shruum. 27Kesheŋ na daŋ chinchiŋ bumo ga nɛ b fara a bishi abar: “Nuso malɛ be nyiŋgbasa nde, hale afuana nɛ atiliana gba bee nu mbe kɔnɔ.”
Kananɛ Yesu chɛ mbuibilubiwuraana ko be asheŋ
(Maak 5:1-20; Luuk 8:26-39)
28Nɛ Yesu ba kepagboŋ na be kaba ndoŋ, Gadaraebi be kasawule so. Ndoŋ nna nɛ benyɛn anyɔ ko lar abeelaŋ nɛ baa puli bubuni na akpa m ba shɛr mo to. Mbuibi lubiana e daa wɔ bumo to a shin nɛ b daŋ lubi ga nɛ basa daa maŋ naa shuli a bɔla ekpa na so. 29B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”
30Jemanɛ na so nɛ epreku damta ko daŋ taga to ndoŋ a ji 31nɛ mbuibi lubiana na kule Yesu ŋ kaŋɛ: “Nɛ fee sha keju anyi basa ere to, fo shin nɛ an ya luri epreku ere to.” 32Nɛ Yesu kaŋɛ bumo: “Men baa yɔ.” Ndoŋ nna nɛ b lar n ya luri epreku na to nɛ epreku na kikɛ shile m bɔla kebee na be kaseto n ya luri kepagboŋ na to m mur. 33Eprekukpapoana na ka wu loŋ nɛ b shile n yɔ kade to n ya bɔ kumo be kubɔya n sa basa na nseŋ naŋ kaŋɛ bumo kusɔ nɛ k wora basa anyɔ nɛ mbuibi lubiana na daa wɔ bumo to na. 34Ndoŋ nna nɛ kade na to ebi kikɛ lar n yɔ Yesu kutɔ. B ka ya wu mo nɛ b kule mo fanɛ e lar bumo be kasawule so.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation