Matiu 28
28
Yesu be ketiŋi luwu to be asheŋ
(Maak 16:1-8; Luuk 24:1-12; Jɔn 20:1-10)
1Kewushiachɛ na ka ji ŋ klade be bɔkwe na be kachɛ juŋkparso be chipurdidi nɛ Mɛɛri Magdalin nɛ Mɛɛri nyɔsopo na yɔ nɛ b ya keni nchaŋ na. 2Epul na to nɛ kasawule gbuŋgbuŋ to nɛ Enyɛnpe be malaika ko shi ebɔrɛso m ba gbelti kejembu na n lɛ nseŋ chena kumo so. 3Mo kikɛ so daŋ baa nyɛkpɛ nna fanɛ bɔrɛ ka bee nyɛkpɛ na nɛ mbe asɔbuuso malɛ fuli to parrbi fanɛ ateebi. 4Kufu daŋ pɛ bekumpo na ga hale nɛ b chicha n tɔr ŋ kreŋ fanɛ bubuni na. 5Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na. 6Ama e maŋ wɔ nfe, e tiŋi luwu to fanɛ kananɛ e kaŋɛ menyi na. Men ba keni kakpa nɛ e daŋ dese. 7Kumo be kaman nɛ men nya manaŋ n ya kaŋɛ mbe bebɛsopo le: ‘E tiŋi luwu to n juŋkpar menyi n choŋ Galili. Menyeeŋ ya wu mo ndoŋ.’ To, ŋ kaŋɛ menyi nna na.” 8Ndoŋ nna nɛ beche na nya manaŋ n shi nchaŋ na akpa kufu nɛ kagbenefuliso n shile n yɔ nɛ b ya kaŋɛ bebɛsopo na. 9K maŋ chɛr ko nɛ Yesu tu bumo ekpa na to nseŋ kaŋɛ bumo le: “Mee chɔrɔ menyi.” Ndoŋ nna nɛ b firgi n taga mo to ŋ gbir m pɛ mbe aya m bunyaŋ mo. 10Nɛ e kaŋɛ bumo le: “Men sa maa lɔ kufu. Men ya kaŋɛ ŋ kurgepoana na fanɛ b yɔ Galili, baaŋ ya wu ma ndoŋ.”
Kusɔ nɛ bekumpo na daŋ kaŋɛ be asheŋ
11Beche na daŋ kraa wɔ ekpa to a yɔ nna nɛ bekumpo na be beko yɔ kade na to n ya kute asheŋ nɛ a daŋ wora na kikɛ nyam n sa bɔrɛmatapowuraana na. 12Ndoŋ nna nɛ bɔrɛmatapowuraana na nɛ benimuana na shɛr ŋ kre bumo be nia. B daŋ sa esoji na amansherbi damta ko nna nseŋ kaŋɛ bumo le: 13“Men kaŋɛ basa fanɛ men dese kanyɛso nna a di nɛ mbe bebɛsopo ba yuri mbe eyur n shile. 14Nɛ men kaŋɛ loŋ hale nɛ gomena ya nu kumo gba, men sa maa fɔŋ menyi be amu so, ŋkpal manɛ so, an nyi kusɔ nɛ anyeeŋ kaŋɛ mo nɛ e sa maŋ tɔrɔ menyi.” 15Ndoŋ nna nɛ esoji na sɔ amansherbi na nseŋ wora kusɔ nɛ basa na kaŋɛ bumo na. Amoso, loŋ be baru sɔ Juwebi na kikɛ to hale m ba fo mbre.
Yesu be lalaloge be kubɔya be asheŋ
(Maak 16:14-18; Luuk 24:36-49; Jɔn 20:19-23; Ashuŋ Shunso 1:6-8)
16Bebɛsopo kudukako na ka nu Yesu be asheŋ nɛ b yɔ Galili be kebee nɛ Yesu daŋ kaŋɛ bumo fanɛ b yɔ na so. 17B ka ya wu mo nɛ b bunyaŋ mo, ama beko malɛ daa maŋ sa yirda fanɛ mo nna. 18Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ. 19Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so. 20Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”
Currently Selected:
Matiu 28: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 28
28
Yesu be ketiŋi luwu to be asheŋ
(Maak 16:1-8; Luuk 24:1-12; Jɔn 20:1-10)
1Kewushiachɛ na ka ji ŋ klade be bɔkwe na be kachɛ juŋkparso be chipurdidi nɛ Mɛɛri Magdalin nɛ Mɛɛri nyɔsopo na yɔ nɛ b ya keni nchaŋ na. 2Epul na to nɛ kasawule gbuŋgbuŋ to nɛ Enyɛnpe be malaika ko shi ebɔrɛso m ba gbelti kejembu na n lɛ nseŋ chena kumo so. 3Mo kikɛ so daŋ baa nyɛkpɛ nna fanɛ bɔrɛ ka bee nyɛkpɛ na nɛ mbe asɔbuuso malɛ fuli to parrbi fanɛ ateebi. 4Kufu daŋ pɛ bekumpo na ga hale nɛ b chicha n tɔr ŋ kreŋ fanɛ bubuni na. 5Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na. 6Ama e maŋ wɔ nfe, e tiŋi luwu to fanɛ kananɛ e kaŋɛ menyi na. Men ba keni kakpa nɛ e daŋ dese. 7Kumo be kaman nɛ men nya manaŋ n ya kaŋɛ mbe bebɛsopo le: ‘E tiŋi luwu to n juŋkpar menyi n choŋ Galili. Menyeeŋ ya wu mo ndoŋ.’ To, ŋ kaŋɛ menyi nna na.” 8Ndoŋ nna nɛ beche na nya manaŋ n shi nchaŋ na akpa kufu nɛ kagbenefuliso n shile n yɔ nɛ b ya kaŋɛ bebɛsopo na. 9K maŋ chɛr ko nɛ Yesu tu bumo ekpa na to nseŋ kaŋɛ bumo le: “Mee chɔrɔ menyi.” Ndoŋ nna nɛ b firgi n taga mo to ŋ gbir m pɛ mbe aya m bunyaŋ mo. 10Nɛ e kaŋɛ bumo le: “Men sa maa lɔ kufu. Men ya kaŋɛ ŋ kurgepoana na fanɛ b yɔ Galili, baaŋ ya wu ma ndoŋ.”
Kusɔ nɛ bekumpo na daŋ kaŋɛ be asheŋ
11Beche na daŋ kraa wɔ ekpa to a yɔ nna nɛ bekumpo na be beko yɔ kade na to n ya kute asheŋ nɛ a daŋ wora na kikɛ nyam n sa bɔrɛmatapowuraana na. 12Ndoŋ nna nɛ bɔrɛmatapowuraana na nɛ benimuana na shɛr ŋ kre bumo be nia. B daŋ sa esoji na amansherbi damta ko nna nseŋ kaŋɛ bumo le: 13“Men kaŋɛ basa fanɛ men dese kanyɛso nna a di nɛ mbe bebɛsopo ba yuri mbe eyur n shile. 14Nɛ men kaŋɛ loŋ hale nɛ gomena ya nu kumo gba, men sa maa fɔŋ menyi be amu so, ŋkpal manɛ so, an nyi kusɔ nɛ anyeeŋ kaŋɛ mo nɛ e sa maŋ tɔrɔ menyi.” 15Ndoŋ nna nɛ esoji na sɔ amansherbi na nseŋ wora kusɔ nɛ basa na kaŋɛ bumo na. Amoso, loŋ be baru sɔ Juwebi na kikɛ to hale m ba fo mbre.
Yesu be lalaloge be kubɔya be asheŋ
(Maak 16:14-18; Luuk 24:36-49; Jɔn 20:19-23; Ashuŋ Shunso 1:6-8)
16Bebɛsopo kudukako na ka nu Yesu be asheŋ nɛ b yɔ Galili be kebee nɛ Yesu daŋ kaŋɛ bumo fanɛ b yɔ na so. 17B ka ya wu mo nɛ b bunyaŋ mo, ama beko malɛ daa maŋ sa yirda fanɛ mo nna. 18Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ. 19Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so. 20Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation