Matiu 21
21
Yesu ka luri Jerusalɛm bunyanso be asheŋ
(Maak 11:1-11; Luuk 19:28-38; Jɔn 12:12-19)
1A ka ba ka gbrɛbi nɛ Yesu nɛ mbe bebɛsopo e luri Jerusalɛm be kade to nɛ b fo Bɛtfagi be kade to nɛ k wɔ ɔlifs be kebee so ase na. Ndoŋ nna nɛ e ta le be kubɔya ere n shuŋi bebɛsopo na be benyɔ ŋ kaŋɛ bumo: 2“Men yɔ kadebi nɛ k ya kaa wɔ men be anishito ere to. Men baŋ ya kaa luri kumo to, menyeeŋ wu b ka chɛ kurma m muni ndoŋ nɛ kumo pibi yil m mata kumo. Men saŋɛ amo m bar ma. 3Nɛ esa kama nɛ e kaŋ kaŋɛ menyi kusɔ kama, men kaŋɛ amodoŋwura fanɛ Enyɛnpe e naa sha amo nɛ e naŋ ya bɛta amo m ba naniere.”
4Kesheŋ ere daŋ wora nna nɛ kusɔ nɛ anebi Zakareya daŋ kaŋɛ na e bɔla ekpa. E yɛ:
5“Kaŋɛ Zayɔn be kade to ebi:
‘Keni men be Ewura ka du boeŋ n dii kurma a ba menyi kutɔ.
Kusɔbɔya pibi, kakurmabi nɛ e dii.’ ”
6Ndoŋ nna nɛ bebɛsopo na ya wora kusɔ nɛ Yesu kaŋɛ fanɛ b ya wora na. 7B ka bar kurma na nɛ kumo pibi na nɛ b ta bumo be asɔbuuso ko n deŋi amo so nɛ Yesu dii n chena ebi na so. 8Nɛ jimaŋ damta ko malɛ parga bumo be asɔbuuso ko to n nase ekpa to nɛ beko malɛ fɛta abii be ayabi n ta amo n nase ekpa na to. 9Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ:
“Hosana e baa wɔ Ewura Deevid mo Nanabi so.
Nɛfa la esa nɛ e shi Enyɛnpe be ketre to a ba na peya nna.
Hosana e baa la Enyɛnpetale peya.”
10Yesu ka luri Jerusalɛm be kade na to nɛ kade na kikɛ baga to nɛ basa bishi abar: “Wanɛ nna?” 11Nɛ jimaŋ na kaŋɛ bumo le: “Nazarɛt nɛ k wɔ Galili be kasawule so be anebi nɛ baa tre Yesu na nna.”
Yesu ka ju yawujipoana ashi bɔrɛlambu na to be asheŋ
(Maak 11:15-19; Luuk 19:45-48; Jɔn 2:13-22)
12Nɛ Yesu ya luri Ebɔrɛ be lambu na to n fara a ju bekama nɛ b daa tɔ nɛ bumo nɛ b daa fa asɔ bɔrɛlambu na to be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu 13nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”
14Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ. 15Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo, 16nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”
17Kede be kaman nɛ e yige bumo nseŋ lar kadegboŋ na to n yɔ Bɛtani n ya di ŋ klade.
Yesu ka so figidibi kɔnɔ be asheŋ
(Maak 11:12-14, 20-24)
18Kumo be kamɔnchɛ chipurso Yesu ka bɛta a yɔ kade na to nɛ akoŋ pɛ mo. 19Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl. 20Bebɛsopo na ka wu loŋ nɛ k chinchiŋ bumo ga nɛ b bishi Yesu: “Nuso nɛ figi be kedibi ere wora n wu epul ere to loŋ?” 21Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora. 22Nɛ men baŋ yirda, menyeeŋ nya kusɔ kama nɛ men kule ashi kabɔrɛkule to.”
B ka bishi Yesu kakpa nɛ mbe eleŋ shi be asheŋ
(Maak 11:27-33; Luuk 20:1-8)
23Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?” 24Nɛ Yesu kaŋɛ bumo: “Ma alɛ gba beeŋ bishi menyi kesheŋ bishiso ko nɛ men baŋ sa ma kumo be kifito, kumo ere ma alɛ gba beeŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi. 25Jɔn be kabɔrɛbɛr be asheŋ na daŋ shi nnɛ na, ebɔrɛso nɛ a shi ŋko enyiŋgbasa kutɔ?” Ndoŋ nna nɛ b bishi abar kusɔ nɛ baaŋ kaŋɛ. B yɛ: “Nɛ an baŋ kaŋɛ fanɛ ebɔrɛso nɛ a shi, e beeŋ bishi anyi: ‘Nɛ manɛ e ba nɛ menyi maŋ yirda mo?’ 26Nɛ anyi alɛ naŋ kaŋɛ fanɛ a shi enyiŋgbasa kutɔ nna, an maaŋ tiŋ m pin kusɔ nɛ basa ere beeŋ wora anyi, ŋkpal manɛ so, bumo kikɛ yirda fanɛ Jɔn daa la anebi nna.” 27Amoso le nɛ b daŋ kaŋɛ Yesu: “Anyi maŋ nyi.” Ndoŋ nna nɛ Yesu malɛ kaŋɛ bumo: “To, ma alɛ gba maaŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi.”
Kanyɛn ko be mbinyɛnsobi anyɔ be asheŋ
28Nɛ Yesu naŋ kaŋɛ: “Nuso nɛ menyee fɛ keŋasa ere to? Kanyɛn ko e daa wɔtɔ a kɔ mbinyɛnsobi anyɔ, kachako e yɔ enimuso na kutɔ n ya kaŋɛ mo: ‘M pibi yɔ ma ndibi be kudɔ to kabre n ya dɔ ma.’ 29Nɛ kebia na kaŋɛ mo: ‘M maaŋ yɔ.’ Kumo be kaman nɛ e naŋ chɛrga mbe nfɛra nseŋ yɔ. 30Etuto na ka lar ebi nimuso na kutɔ nɛ e yɔ ekekarso na malɛ kutɔ n ya kaŋɛ mo alɛ gba kesheŋ koŋwule na. Nɛ e kaŋɛ: ‘Toto, meeŋ yɔ.’ Ama kumo be kaman e maŋ yɔ.” Nɛ Yesu bishi bumo: 31“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na. 32Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”
Paawuraana be asheŋ
(Maak 12:1-12; Luuk 20:9-19)
33Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so. 34Asɔrso na be kechuge be jemanɛ ka ya fo nɛ e shuŋi mbe anya ko paawuraana na kutɔ fanɛ b ya sɔ mbe asɔrso na m bar mo. 35Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ. 36Ndoŋ nna nɛ kudɔ na wura naŋ shuŋi anya damta nɛ b chɔ sososo peya na paawuraana na kutɔ nɛ b naŋ ya wora bumo alɛ gba kananɛ b daŋ wora bejuŋkparpoana na. 37Bede kikɛ be kaman nɛ e shuŋi mo pibi paawuraana na kutɔ, ŋkpal manɛ so, le nɛ e daŋ kaŋɛ mbe kumu: ‘M pibinyɛn ere bre, baaŋ bunyaŋ mo.’ 38Ama paawuraana na ka ya wu kebia na nɛ b kaŋɛ abar le: ‘Men keni, kudɔ ere wura be kapetɛjipo nde, men ba nɛ an mɔ mo nseŋ ta asɔ na nɛ a ki anyeya.’ 39Ndoŋ nna nɛ b gberge mo n lar kudɔ na to n ya mɔ mo.” 40Nɛ Yesu bishi basa na le: “To, kudɔ na wura kaŋ ba, manɛ nɛ e beeŋ wora paawuraana na?” 41Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.” 42Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ:
‘Kejembu mo nɛ bepɔrpo kini na
e ba ki ebu na be kebonfu be gbaltɔlase lela na.
Enyɛnpe e daŋ wora le be kesheŋ.
Kumo alɛ be kananɛ k kɔ mamachi anyi to’ a?
43Amoso, ma e kaŋɛ menyi na fanɛ baaŋ sɔ Ebɔrɛ be kuwura na menyi kutɔ n sa basa nɛ baaŋ sɔr kumo be asɔrso. 44[Esa kama nɛ e tɔr loŋ be kejembu so, e beeŋ buri to le burburbi nɛ ekama malɛ nɛ k tɔr mo so, e beeŋ bɛa to cheche.]” 45Bɔrɛmatapowuraana na nɛ Efarisiana na ka nu Yesu be aŋasa na nɛ b pin fanɛ bumo be asheŋ nɛ e daa malga na 46nɛ b wora ania a fin kananɛ baaŋ wora m pɛ mo, ama bumo alɛ daa ŋana jimaŋ na nna, ŋkpal manɛ so, basa na kikɛ daŋ yirda fanɛ e la anebi nna.
Currently Selected:
Matiu 21: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 21
21
Yesu ka luri Jerusalɛm bunyanso be asheŋ
(Maak 11:1-11; Luuk 19:28-38; Jɔn 12:12-19)
1A ka ba ka gbrɛbi nɛ Yesu nɛ mbe bebɛsopo e luri Jerusalɛm be kade to nɛ b fo Bɛtfagi be kade to nɛ k wɔ ɔlifs be kebee so ase na. Ndoŋ nna nɛ e ta le be kubɔya ere n shuŋi bebɛsopo na be benyɔ ŋ kaŋɛ bumo: 2“Men yɔ kadebi nɛ k ya kaa wɔ men be anishito ere to. Men baŋ ya kaa luri kumo to, menyeeŋ wu b ka chɛ kurma m muni ndoŋ nɛ kumo pibi yil m mata kumo. Men saŋɛ amo m bar ma. 3Nɛ esa kama nɛ e kaŋ kaŋɛ menyi kusɔ kama, men kaŋɛ amodoŋwura fanɛ Enyɛnpe e naa sha amo nɛ e naŋ ya bɛta amo m ba naniere.”
4Kesheŋ ere daŋ wora nna nɛ kusɔ nɛ anebi Zakareya daŋ kaŋɛ na e bɔla ekpa. E yɛ:
5“Kaŋɛ Zayɔn be kade to ebi:
‘Keni men be Ewura ka du boeŋ n dii kurma a ba menyi kutɔ.
Kusɔbɔya pibi, kakurmabi nɛ e dii.’ ”
6Ndoŋ nna nɛ bebɛsopo na ya wora kusɔ nɛ Yesu kaŋɛ fanɛ b ya wora na. 7B ka bar kurma na nɛ kumo pibi na nɛ b ta bumo be asɔbuuso ko n deŋi amo so nɛ Yesu dii n chena ebi na so. 8Nɛ jimaŋ damta ko malɛ parga bumo be asɔbuuso ko to n nase ekpa to nɛ beko malɛ fɛta abii be ayabi n ta amo n nase ekpa na to. 9Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ:
“Hosana e baa wɔ Ewura Deevid mo Nanabi so.
Nɛfa la esa nɛ e shi Enyɛnpe be ketre to a ba na peya nna.
Hosana e baa la Enyɛnpetale peya.”
10Yesu ka luri Jerusalɛm be kade na to nɛ kade na kikɛ baga to nɛ basa bishi abar: “Wanɛ nna?” 11Nɛ jimaŋ na kaŋɛ bumo le: “Nazarɛt nɛ k wɔ Galili be kasawule so be anebi nɛ baa tre Yesu na nna.”
Yesu ka ju yawujipoana ashi bɔrɛlambu na to be asheŋ
(Maak 11:15-19; Luuk 19:45-48; Jɔn 2:13-22)
12Nɛ Yesu ya luri Ebɔrɛ be lambu na to n fara a ju bekama nɛ b daa tɔ nɛ bumo nɛ b daa fa asɔ bɔrɛlambu na to be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu 13nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”
14Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ. 15Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo, 16nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”
17Kede be kaman nɛ e yige bumo nseŋ lar kadegboŋ na to n yɔ Bɛtani n ya di ŋ klade.
Yesu ka so figidibi kɔnɔ be asheŋ
(Maak 11:12-14, 20-24)
18Kumo be kamɔnchɛ chipurso Yesu ka bɛta a yɔ kade na to nɛ akoŋ pɛ mo. 19Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl. 20Bebɛsopo na ka wu loŋ nɛ k chinchiŋ bumo ga nɛ b bishi Yesu: “Nuso nɛ figi be kedibi ere wora n wu epul ere to loŋ?” 21Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora. 22Nɛ men baŋ yirda, menyeeŋ nya kusɔ kama nɛ men kule ashi kabɔrɛkule to.”
B ka bishi Yesu kakpa nɛ mbe eleŋ shi be asheŋ
(Maak 11:27-33; Luuk 20:1-8)
23Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?” 24Nɛ Yesu kaŋɛ bumo: “Ma alɛ gba beeŋ bishi menyi kesheŋ bishiso ko nɛ men baŋ sa ma kumo be kifito, kumo ere ma alɛ gba beeŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi. 25Jɔn be kabɔrɛbɛr be asheŋ na daŋ shi nnɛ na, ebɔrɛso nɛ a shi ŋko enyiŋgbasa kutɔ?” Ndoŋ nna nɛ b bishi abar kusɔ nɛ baaŋ kaŋɛ. B yɛ: “Nɛ an baŋ kaŋɛ fanɛ ebɔrɛso nɛ a shi, e beeŋ bishi anyi: ‘Nɛ manɛ e ba nɛ menyi maŋ yirda mo?’ 26Nɛ anyi alɛ naŋ kaŋɛ fanɛ a shi enyiŋgbasa kutɔ nna, an maaŋ tiŋ m pin kusɔ nɛ basa ere beeŋ wora anyi, ŋkpal manɛ so, bumo kikɛ yirda fanɛ Jɔn daa la anebi nna.” 27Amoso le nɛ b daŋ kaŋɛ Yesu: “Anyi maŋ nyi.” Ndoŋ nna nɛ Yesu malɛ kaŋɛ bumo: “To, ma alɛ gba maaŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi.”
Kanyɛn ko be mbinyɛnsobi anyɔ be asheŋ
28Nɛ Yesu naŋ kaŋɛ: “Nuso nɛ menyee fɛ keŋasa ere to? Kanyɛn ko e daa wɔtɔ a kɔ mbinyɛnsobi anyɔ, kachako e yɔ enimuso na kutɔ n ya kaŋɛ mo: ‘M pibi yɔ ma ndibi be kudɔ to kabre n ya dɔ ma.’ 29Nɛ kebia na kaŋɛ mo: ‘M maaŋ yɔ.’ Kumo be kaman nɛ e naŋ chɛrga mbe nfɛra nseŋ yɔ. 30Etuto na ka lar ebi nimuso na kutɔ nɛ e yɔ ekekarso na malɛ kutɔ n ya kaŋɛ mo alɛ gba kesheŋ koŋwule na. Nɛ e kaŋɛ: ‘Toto, meeŋ yɔ.’ Ama kumo be kaman e maŋ yɔ.” Nɛ Yesu bishi bumo: 31“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na. 32Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”
Paawuraana be asheŋ
(Maak 12:1-12; Luuk 20:9-19)
33Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so. 34Asɔrso na be kechuge be jemanɛ ka ya fo nɛ e shuŋi mbe anya ko paawuraana na kutɔ fanɛ b ya sɔ mbe asɔrso na m bar mo. 35Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ. 36Ndoŋ nna nɛ kudɔ na wura naŋ shuŋi anya damta nɛ b chɔ sososo peya na paawuraana na kutɔ nɛ b naŋ ya wora bumo alɛ gba kananɛ b daŋ wora bejuŋkparpoana na. 37Bede kikɛ be kaman nɛ e shuŋi mo pibi paawuraana na kutɔ, ŋkpal manɛ so, le nɛ e daŋ kaŋɛ mbe kumu: ‘M pibinyɛn ere bre, baaŋ bunyaŋ mo.’ 38Ama paawuraana na ka ya wu kebia na nɛ b kaŋɛ abar le: ‘Men keni, kudɔ ere wura be kapetɛjipo nde, men ba nɛ an mɔ mo nseŋ ta asɔ na nɛ a ki anyeya.’ 39Ndoŋ nna nɛ b gberge mo n lar kudɔ na to n ya mɔ mo.” 40Nɛ Yesu bishi basa na le: “To, kudɔ na wura kaŋ ba, manɛ nɛ e beeŋ wora paawuraana na?” 41Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.” 42Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ:
‘Kejembu mo nɛ bepɔrpo kini na
e ba ki ebu na be kebonfu be gbaltɔlase lela na.
Enyɛnpe e daŋ wora le be kesheŋ.
Kumo alɛ be kananɛ k kɔ mamachi anyi to’ a?
43Amoso, ma e kaŋɛ menyi na fanɛ baaŋ sɔ Ebɔrɛ be kuwura na menyi kutɔ n sa basa nɛ baaŋ sɔr kumo be asɔrso. 44[Esa kama nɛ e tɔr loŋ be kejembu so, e beeŋ buri to le burburbi nɛ ekama malɛ nɛ k tɔr mo so, e beeŋ bɛa to cheche.]” 45Bɔrɛmatapowuraana na nɛ Efarisiana na ka nu Yesu be aŋasa na nɛ b pin fanɛ bumo be asheŋ nɛ e daa malga na 46nɛ b wora ania a fin kananɛ baaŋ wora m pɛ mo, ama bumo alɛ daa ŋana jimaŋ na nna, ŋkpal manɛ so, basa na kikɛ daŋ yirda fanɛ e la anebi nna.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation