Jona 4
4
Jona be kanya agbo nɛ Ebɔrɛ be kuwɔrwu be asheŋ
1Ama kumo be loŋ daŋ tɔrɔ Jona ga nɛ e kpal loŋ so n nya agbo. 2Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so. 3Enyɛnpe Ebɔrɛ, shin nɛ n wu. Ŋ ka wu bɔ, ŋ ka kraa wɔ ŋkpa to.”
4Nɛ Enyɛnpe Ebɔrɛ kaŋɛ: “Nuso be ekpa nɛ fo kɔ nɛ fo nya agbo?”
5Kumo be kaman nɛ Jona lar n ya chena kade na be ekarso ashi epeŋilarkpa be kaba so. E daŋ yuu kubuubi ko nna n chena kumo be kiyoyul to a jo nsaa keni kusɔ nɛ k beeŋ wora kade na to ebi. 6Nɛ Enyɛnpe Ebɔrɛ shin nɛ kefeelebi ko kɔr ndoŋ m purge a wora kiyoyul m buu Jona so, saŋɛ na so, epeŋi maa naa ŋmɛa mo ga. Kefeelebi na be kiyoyul na daŋ shin nna nɛ Jona be kagbene fuli mo ga. 7Ama kumo be ŋklade kachipurdidi nɛ Ebɔrɛ shin nɛ kushushombi gboŋgboŋi ko ba ji kefeelebi na nɛ k bolo to. 8Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”
9Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”
10Nɛ Enyɛnpe Ebɔrɛ kaŋɛ le: “Kefeelebi nɛ fo maŋ duu ŋko ŋ keni so nɛ k daŋ be asheŋ e tir fo na. Kachɛ koŋwule nɛ kumo gbagba ta ŋ kɔr n daŋ m purge nseŋ naŋ wu kachɛ koŋwule to gba. 11Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”
Currently Selected:
Jona 4: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Jona 4
4
Jona be kanya agbo nɛ Ebɔrɛ be kuwɔrwu be asheŋ
1Ama kumo be loŋ daŋ tɔrɔ Jona ga nɛ e kpal loŋ so n nya agbo. 2Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so. 3Enyɛnpe Ebɔrɛ, shin nɛ n wu. Ŋ ka wu bɔ, ŋ ka kraa wɔ ŋkpa to.”
4Nɛ Enyɛnpe Ebɔrɛ kaŋɛ: “Nuso be ekpa nɛ fo kɔ nɛ fo nya agbo?”
5Kumo be kaman nɛ Jona lar n ya chena kade na be ekarso ashi epeŋilarkpa be kaba so. E daŋ yuu kubuubi ko nna n chena kumo be kiyoyul to a jo nsaa keni kusɔ nɛ k beeŋ wora kade na to ebi. 6Nɛ Enyɛnpe Ebɔrɛ shin nɛ kefeelebi ko kɔr ndoŋ m purge a wora kiyoyul m buu Jona so, saŋɛ na so, epeŋi maa naa ŋmɛa mo ga. Kefeelebi na be kiyoyul na daŋ shin nna nɛ Jona be kagbene fuli mo ga. 7Ama kumo be ŋklade kachipurdidi nɛ Ebɔrɛ shin nɛ kushushombi gboŋgboŋi ko ba ji kefeelebi na nɛ k bolo to. 8Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”
9Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”
10Nɛ Enyɛnpe Ebɔrɛ kaŋɛ le: “Kefeelebi nɛ fo maŋ duu ŋko ŋ keni so nɛ k daŋ be asheŋ e tir fo na. Kachɛ koŋwule nɛ kumo gbagba ta ŋ kɔr n daŋ m purge nseŋ naŋ wu kachɛ koŋwule to gba. 11Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation