Hoziya 2
2
1Amoso tre fo braana Israɛlebi, Ebɔrɛ be basa nɛ basa nɛ Enyɛnpe Ebɔrɛ bee sha.
Enyɛnpe Ebɔrɛ ka nase kɔnɔ fanɛ E beeŋ gberge Israɛlebi kusoe be asheŋ
2Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na. 3Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na.
Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ.
Achukoŋ malɛ e naŋ mɔ mo.
4M maaŋ wu mbe mbia kuwɔr
ŋkpal b ka la ayurbi so.
5Men nio daa maa ji kashenteŋ nna,
amoso nɛ e paŋ anishinyɔr a kaŋɛ le na:
“Meeŋ shile m bɛ ŋjipoana so, ŋkpal manɛ so,
ma kusɔ kama shi bumo kutɔ nna.
Ma ajibi nɛ ma nchu nɛ ma ewajɛ nɛ ɔlif be ŋku
nɛ ma asɔ nuuso kikɛ bee shi bumo kutɔ nna.
6Amoso meeŋ ta ewidibi n yuu n chambɔ mo n wɔtɔ
nseŋ pɔr egbal malɛ ŋ kuŋ mo nɛ
e maaŋ naŋ nya ekpa n lar.
7E beeŋ shile m bɛ mo jipoana so,
ama mo alɛ maaŋ naŋ nya bumo.
E beeŋ fin bumo, ama mo alɛ maaŋ wu bumo.
Saŋɛ na so nɛ e kaŋɛ le:
Meeŋ bɛta n yɔ ma kul dra kutɔ
ŋkpal manɛ so ndoŋ be kebaawɔtɔ bɔ
kakpa nɛ n wɔ naniere.
8E daa maa pin fanɛ
ma e sa mo ajibi nɛ asɔ nuuso nɛ ɔlif be ŋku
nɛ shuwa nɛ gbiti nɛ e kilgi n ta amo a shuŋ Baal be kegbir na.
9Amoso kasɔteŋi be jemanɛ baŋ naŋ fo,
m maaŋ naŋ sa mo ajibi nɛ asɔ nuuso nɛ asɔbuuso.
10Meeŋ shin nɛ mo jipoana e wu
asheŋ lubi nɛ e wora na kikɛ,
nɛ esa kama malɛ maaŋ tiŋ n sɔ mo ashi ma enɔ to.
11Meeŋ shin nɛ mbe kamooji na kikɛ e ba ekar,
mbe kafɛ kafɛ nɛ kufɔl kufɔl
nɛ kewushiachɛ kikɛ be kamooji na beeŋ ba ekar.
12Meeŋ mur mbe asɔrso nɛ baa tre greep
nɛ figi be ndibi be ndɔ
nɛ e yɛ mo jipoana ta n sa mo fanɛ mbe kakɔka na.
Meeŋ shin nɛ mbe asɔrso nɛ baa tre greep na be adɔbi
nɛ mbe figi be ndibi be adɔ na kikɛ e ki fanɛ kupuŋ;
nɛ kupuŋ to be asɔbɔya e jija amo.
13Meeŋ gberge mo kusoe ŋkpal e kaa ta nchɛ damta
n chɔɔ duwu m bunyaŋ Baal be kegbir so.
Ma alɛ beeŋ naŋ gberge mo kusoe
ŋkpal e ka teŋ ma so nseŋ ta mbe abitasɔ n wɔtɔ
n lar a sha benyɛn so.
Ma Enyɛnpe Ebɔrɛ e malga na.
Enyɛnpe Ebɔrɛ be kasha nɛ e kɔ n sa mbe basa be asheŋ
14Ma Enyɛnpe Ebɔrɛ gbagba
beeŋ naaŋ kule Israɛlebi fanɛ b bɛta
n tu ma m ba keshishɛrsawule so
nɛ m malga kashaso bumo kutɔ.
15Meeŋ naŋ bɛta menyi be asɔrso nɛ baa tre greep na
be adɔbi na n sa menyi
nseŋ shin nɛ ketaŋɛ nɛ baa tre ‘Akɔɔ’
nɛ kumo be kifito la tɔrɔ na e ki Tama be kaboŋ.
Ndoŋ nɛ menyee nu n sa ma fanɛ kananɛ men
daŋ nu n sa ma
saŋɛ nɛ men la mbifɔlbi nɛ n lara menyi
ashi Ijipt be kasawule so na.
16Yili kumo be kachɛ na a yɔ,
menyeeŋ baa tre ma men kul nna,
nɛ mannɛ men Nyɛnpe.
17Ma alɛ beeŋ lara kegbir nɛ baa tre Baal na
be ketre ashi men be nnɔ to
nɛ men maaŋ naŋ shu n tre kumo kikɛ.
18Loŋ be saŋɛ na, meeŋ shin nɛ men baa wɔ
kagbenewushi to nɛ kupuŋ to be asɔbɔya nɛ mbuibi
ŋko kena to be adoŋsɔ gba maaŋ tiŋ n tɔrɔ menyi.
19Meeŋ shin nɛ fo Israɛl e naŋ ki fanɛ ma eche
nɛ m baa ji kashenteŋ a sa fo.
Ma alɛ beeŋ baa sha fo saŋkama nsaa wu fo kuwɔr
nɛ fo baa la meya hale mbaanaayɔ.
20Meeŋ bɛ kɔnɔ nɛ n nase na so n ta fo ŋ ki meya,
saŋɛ na so, feeŋ pin fanɛ ma e la
Enyɛnpe Ebɔrɛ na kashenteŋto.
21Loŋ be saŋɛ na kaŋ fo, meeŋ nu menyi be kabɔrɛkule
nseŋ shin nɛ bɔrɛ e ba kasawule ere so.
22Nɛ aboyu nɛ asɔrso nɛ baa tre greep na
nɛ ɔlif kikɛ e wora ashi Jizreel be ketaŋɛ na to.
23Meeŋ chɛ ma basa to nɛ b chena
kasawule ere so n dii dama.
Meeŋ ŋini bekama nɛ b maa sha na ma kasha.
Nseŋ shin nɛ bekama nɛ b yɛ b maŋ la ma basa na
e ki ma basa, nɛ bumo alɛ e shuli so
a tre ma bumo be Ebɔrɛ.”
Currently Selected:
Hoziya 2: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Hoziya 2
2
1Amoso tre fo braana Israɛlebi, Ebɔrɛ be basa nɛ basa nɛ Enyɛnpe Ebɔrɛ bee sha.
Enyɛnpe Ebɔrɛ ka nase kɔnɔ fanɛ E beeŋ gberge Israɛlebi kusoe be asheŋ
2Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na. 3Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na.
Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ.
Achukoŋ malɛ e naŋ mɔ mo.
4M maaŋ wu mbe mbia kuwɔr
ŋkpal b ka la ayurbi so.
5Men nio daa maa ji kashenteŋ nna,
amoso nɛ e paŋ anishinyɔr a kaŋɛ le na:
“Meeŋ shile m bɛ ŋjipoana so, ŋkpal manɛ so,
ma kusɔ kama shi bumo kutɔ nna.
Ma ajibi nɛ ma nchu nɛ ma ewajɛ nɛ ɔlif be ŋku
nɛ ma asɔ nuuso kikɛ bee shi bumo kutɔ nna.
6Amoso meeŋ ta ewidibi n yuu n chambɔ mo n wɔtɔ
nseŋ pɔr egbal malɛ ŋ kuŋ mo nɛ
e maaŋ naŋ nya ekpa n lar.
7E beeŋ shile m bɛ mo jipoana so,
ama mo alɛ maaŋ naŋ nya bumo.
E beeŋ fin bumo, ama mo alɛ maaŋ wu bumo.
Saŋɛ na so nɛ e kaŋɛ le:
Meeŋ bɛta n yɔ ma kul dra kutɔ
ŋkpal manɛ so ndoŋ be kebaawɔtɔ bɔ
kakpa nɛ n wɔ naniere.
8E daa maa pin fanɛ
ma e sa mo ajibi nɛ asɔ nuuso nɛ ɔlif be ŋku
nɛ shuwa nɛ gbiti nɛ e kilgi n ta amo a shuŋ Baal be kegbir na.
9Amoso kasɔteŋi be jemanɛ baŋ naŋ fo,
m maaŋ naŋ sa mo ajibi nɛ asɔ nuuso nɛ asɔbuuso.
10Meeŋ shin nɛ mo jipoana e wu
asheŋ lubi nɛ e wora na kikɛ,
nɛ esa kama malɛ maaŋ tiŋ n sɔ mo ashi ma enɔ to.
11Meeŋ shin nɛ mbe kamooji na kikɛ e ba ekar,
mbe kafɛ kafɛ nɛ kufɔl kufɔl
nɛ kewushiachɛ kikɛ be kamooji na beeŋ ba ekar.
12Meeŋ mur mbe asɔrso nɛ baa tre greep
nɛ figi be ndibi be ndɔ
nɛ e yɛ mo jipoana ta n sa mo fanɛ mbe kakɔka na.
Meeŋ shin nɛ mbe asɔrso nɛ baa tre greep na be adɔbi
nɛ mbe figi be ndibi be adɔ na kikɛ e ki fanɛ kupuŋ;
nɛ kupuŋ to be asɔbɔya e jija amo.
13Meeŋ gberge mo kusoe ŋkpal e kaa ta nchɛ damta
n chɔɔ duwu m bunyaŋ Baal be kegbir so.
Ma alɛ beeŋ naŋ gberge mo kusoe
ŋkpal e ka teŋ ma so nseŋ ta mbe abitasɔ n wɔtɔ
n lar a sha benyɛn so.
Ma Enyɛnpe Ebɔrɛ e malga na.
Enyɛnpe Ebɔrɛ be kasha nɛ e kɔ n sa mbe basa be asheŋ
14Ma Enyɛnpe Ebɔrɛ gbagba
beeŋ naaŋ kule Israɛlebi fanɛ b bɛta
n tu ma m ba keshishɛrsawule so
nɛ m malga kashaso bumo kutɔ.
15Meeŋ naŋ bɛta menyi be asɔrso nɛ baa tre greep na
be adɔbi na n sa menyi
nseŋ shin nɛ ketaŋɛ nɛ baa tre ‘Akɔɔ’
nɛ kumo be kifito la tɔrɔ na e ki Tama be kaboŋ.
Ndoŋ nɛ menyee nu n sa ma fanɛ kananɛ men
daŋ nu n sa ma
saŋɛ nɛ men la mbifɔlbi nɛ n lara menyi
ashi Ijipt be kasawule so na.
16Yili kumo be kachɛ na a yɔ,
menyeeŋ baa tre ma men kul nna,
nɛ mannɛ men Nyɛnpe.
17Ma alɛ beeŋ lara kegbir nɛ baa tre Baal na
be ketre ashi men be nnɔ to
nɛ men maaŋ naŋ shu n tre kumo kikɛ.
18Loŋ be saŋɛ na, meeŋ shin nɛ men baa wɔ
kagbenewushi to nɛ kupuŋ to be asɔbɔya nɛ mbuibi
ŋko kena to be adoŋsɔ gba maaŋ tiŋ n tɔrɔ menyi.
19Meeŋ shin nɛ fo Israɛl e naŋ ki fanɛ ma eche
nɛ m baa ji kashenteŋ a sa fo.
Ma alɛ beeŋ baa sha fo saŋkama nsaa wu fo kuwɔr
nɛ fo baa la meya hale mbaanaayɔ.
20Meeŋ bɛ kɔnɔ nɛ n nase na so n ta fo ŋ ki meya,
saŋɛ na so, feeŋ pin fanɛ ma e la
Enyɛnpe Ebɔrɛ na kashenteŋto.
21Loŋ be saŋɛ na kaŋ fo, meeŋ nu menyi be kabɔrɛkule
nseŋ shin nɛ bɔrɛ e ba kasawule ere so.
22Nɛ aboyu nɛ asɔrso nɛ baa tre greep na
nɛ ɔlif kikɛ e wora ashi Jizreel be ketaŋɛ na to.
23Meeŋ chɛ ma basa to nɛ b chena
kasawule ere so n dii dama.
Meeŋ ŋini bekama nɛ b maa sha na ma kasha.
Nseŋ shin nɛ bekama nɛ b yɛ b maŋ la ma basa na
e ki ma basa, nɛ bumo alɛ e shuli so
a tre ma bumo be Ebɔrɛ.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation