Hoziya 10
10
1Israɛl be basa daa du nna fanɛ
asɔrso nɛ baa tre greep na be kefeelebi.
B baa dii dama baa pere kenishi nna
a pɔr ebɔrɛsure damta.
Bumo be adɔjibi baa wora nɛnɛ
baa pere kenishi nna a lɔŋɛ kakpa nɛ baa shuŋ agbir na nɛnɛ.
2Ŋgbene kpakpasowuraana beeŋ ji bumo be alubi be tɔnɔ.
Enyɛnpe Ebɔrɛ beeŋ bure bumo be ebɔrɛsure na
nseŋ jija bumo be agbirjembu nɛ b yuu na gba.
3Baaŋ kaŋɛ le: “Ŋkpal an ka maa ŋana Enyɛnpe Ebɔrɛ na so nɛ an maŋ kɔ ewura na. Ama nɛ fanɛ an kɔ ewura gba, manɛ bre nɛ e beeŋ tiŋ n wora n sa anyi?” 4Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.
5Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga. 6Baaŋ ta kegbir na n yɔ Asiriya be efuli so n ya sa ndoŋ be ewurgboŋ na fanɛ bumo be kakɛ. Saŋɛ na so anishinyɔr beeŋ pɛ Israɛl be basa, ŋkpal b ka bɛ agbir so so. 7Baaŋ ju Samɛria be ewura na n ya lɛ fanɛ kananɛ afu bee kpata ketuweklaŋ nɛ k foŋ nchu so a yɔ na. 8Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”
Enyɛnpe Ebɔrɛ ka ji Israɛlebi demu be asheŋ
9Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo. 10Meeŋ ya kɔ basa lubi ere kena nseŋ gberge bumo kusoe. Efuli pɔtɛana beeŋ wora kɔnɔkoŋwule ŋ kɔ bumo kena nseŋ gberge bumo kusoe ŋkpal bumo be alubi damta so.
11Saŋko, Israɛlebi daa kɔ kasonu nna fanɛ kena nɛ baa keta a bir ayu na, ama meeŋ ta kubɔ to be kebarga n deŋi mbe kubɔ lela na so n shin nɛ e shuŋ ashuŋ kpakpaso. Judaebi nɛ Israɛlebi kikɛ beeŋ keta ntekpa n dɔ. 12Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so. 13Ama men duu kulubi nseŋ nya kumo be kakɔka. Men ji menyi be kafule be tɔnɔ.
Ŋkpal men ka ta men be yirda n deŋi menyi gbagba be eleŋ nɛ benapo damta nɛ men kɔ na so, 14kena beeŋ ku nɛ menyi nɛ men be kumɔlga be kakpa lempo e mur. Kumo be kemur na beeŋ baa du nna fanɛ kachɛ nɛ ewura Shalma ta kena m ba mur Bɛtabel be kade, nseŋ ta bibinioana nɛ bumo be mbia ŋ ŋmɛa ajembu m mɔ na nna. 15Loŋ gbagba chap e naaŋ wora menyi, Bɛtɛl be basa, ŋkpal alubi damta nɛ men wora na so. Saŋɛ nɛ kena na beeŋ fara na nɛ Israɛl be ewura malɛ beeŋ wu.”
Currently Selected:
Hoziya 10: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Hoziya 10
10
1Israɛl be basa daa du nna fanɛ
asɔrso nɛ baa tre greep na be kefeelebi.
B baa dii dama baa pere kenishi nna
a pɔr ebɔrɛsure damta.
Bumo be adɔjibi baa wora nɛnɛ
baa pere kenishi nna a lɔŋɛ kakpa nɛ baa shuŋ agbir na nɛnɛ.
2Ŋgbene kpakpasowuraana beeŋ ji bumo be alubi be tɔnɔ.
Enyɛnpe Ebɔrɛ beeŋ bure bumo be ebɔrɛsure na
nseŋ jija bumo be agbirjembu nɛ b yuu na gba.
3Baaŋ kaŋɛ le: “Ŋkpal an ka maa ŋana Enyɛnpe Ebɔrɛ na so nɛ an maŋ kɔ ewura na. Ama nɛ fanɛ an kɔ ewura gba, manɛ bre nɛ e beeŋ tiŋ n wora n sa anyi?” 4Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.
5Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga. 6Baaŋ ta kegbir na n yɔ Asiriya be efuli so n ya sa ndoŋ be ewurgboŋ na fanɛ bumo be kakɛ. Saŋɛ na so anishinyɔr beeŋ pɛ Israɛl be basa, ŋkpal b ka bɛ agbir so so. 7Baaŋ ju Samɛria be ewura na n ya lɛ fanɛ kananɛ afu bee kpata ketuweklaŋ nɛ k foŋ nchu so a yɔ na. 8Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”
Enyɛnpe Ebɔrɛ ka ji Israɛlebi demu be asheŋ
9Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo. 10Meeŋ ya kɔ basa lubi ere kena nseŋ gberge bumo kusoe. Efuli pɔtɛana beeŋ wora kɔnɔkoŋwule ŋ kɔ bumo kena nseŋ gberge bumo kusoe ŋkpal bumo be alubi damta so.
11Saŋko, Israɛlebi daa kɔ kasonu nna fanɛ kena nɛ baa keta a bir ayu na, ama meeŋ ta kubɔ to be kebarga n deŋi mbe kubɔ lela na so n shin nɛ e shuŋ ashuŋ kpakpaso. Judaebi nɛ Israɛlebi kikɛ beeŋ keta ntekpa n dɔ. 12Le nɛ meeŋ kaŋɛ bumo: Men fin nsawule popɔr n dɔ n duu kashenteŋji be asɔduuso. Loŋ nɛ menyeeŋ teŋi nɛfa ŋkpal men ka bee shuŋ ma so. Jemanɛ nɛ k daga fanɛ men ta men be amu n sa men Nyɛnpe Ebɔrɛ na fo. Nɛ men wora loŋ, ma alɛ beeŋ chulgi ma nɛfa n wurge menyi so. 13Ama men duu kulubi nseŋ nya kumo be kakɔka. Men ji menyi be kafule be tɔnɔ.
Ŋkpal men ka ta men be yirda n deŋi menyi gbagba be eleŋ nɛ benapo damta nɛ men kɔ na so, 14kena beeŋ ku nɛ menyi nɛ men be kumɔlga be kakpa lempo e mur. Kumo be kemur na beeŋ baa du nna fanɛ kachɛ nɛ ewura Shalma ta kena m ba mur Bɛtabel be kade, nseŋ ta bibinioana nɛ bumo be mbia ŋ ŋmɛa ajembu m mɔ na nna. 15Loŋ gbagba chap e naaŋ wora menyi, Bɛtɛl be basa, ŋkpal alubi damta nɛ men wora na so. Saŋɛ nɛ kena na beeŋ fara na nɛ Israɛl be ewura malɛ beeŋ wu.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation