Heegai 2
2
Bɔrɛlambu popɔr na be kela be asheŋ
1-2Loŋ be kafɛ nyɔsopo na be kufɔl shunusopo be kachɛ adunyɔ nɛ kako na nɛ Enyɛnpe Ebɔrɛ na naŋ bɔla anebi Heegai so ŋ kaŋɛ Zerubabel nɛ e la Juda be efuli so be gomena nɛ Joshuwa nɛ e la bɔrɛmatapo nimuso na nɛ basa na kikɛ le: 3“Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko? 4Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ. 5Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.
6K maaŋ chɛr, meeŋ naŋ gbuŋgbuŋ ebɔrɛso nɛ kasawule so nɛ teku nɛ kasawule wɔlso kikɛ. 7Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to. 8Durnya to be shuwa nɛ gbiti kikɛ la meya nna. 9Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.
Dra na nɛ echefoso be asheŋ
10Ewurgboŋ Dariɔs ka ji kuwura ashi Pɛshiya be efuli so be kafɛ nyɔsopo to be kufɔl kpanusopo to be nchɛ adunyɔ nɛ ana na nɛ Enyɛnpetale Ebɔrɛ na naŋ kaŋɛ anebi Heegai le: 11“Bishi bɔrɛmatapoana na atuwebi nɛ b kɔ a laŋɛ asheŋ bishiso nɛ mee sha kebishi ere be kaplɛa so: 12Nɛ fanɛ esa pɛ mbe piŋi tenteŋ be kɔnɔso m bɔɔ eblaŋ nɛ k du cheembi ŋkpal b ka ta kumo n lara sarga n sa Ebɔrɛ so, nɛ piŋi tenteŋ na beta bodobodo ŋko ajibi daŋɛso ŋko yabra ŋko ajibi pɔtɛ ko, loŋ beeŋ tiŋ n shin nɛ amo alɛ gba e ki cheembi a?”
Ndoŋ nna nɛ bɔrɛmatapoana na kaŋɛ: “Ayai, loŋ maaŋ tiŋ n wora.”
13Ndoŋ nna nɛ Heegai bishi bumo, “Nɛ fanɛ esa wora eyurpi ŋkpal e ka beta ebuni so nseŋ beta ajibi, loŋ be ajibi na gba wora eyurpi a?”
Nɛ bɔrɛmatapoana na kaŋɛ, “Mm, a wora eyurpi.”
14Ndoŋ nna nɛ Heegai kaŋɛ: “Enyɛnpe Ebɔrɛ na yɛ, aloŋ koŋwule na nɛ k du a laŋɛ basa ere nɛ efuli na kikɛ be kaplɛa so ŋ kutɔ. Kusɔ kama nɛ baa wora nɛ asɔ kama nɛ baa ta a lara esarga na kikɛ maŋ walɛ so.”
Enyɛnpe Ebɔrɛ ka nase nɛfa be kɔnɔ be asheŋ
15Ade be kaman nɛ Enyɛnpe Ebɔrɛ na naŋ kaŋɛ: “Menyi maŋ wu kusɔ nɛ k wora menyi na a? Pɔɛŋ nɛ men fara bɔrɛlambu na be kelɔŋɛ m pɔr 16ekama nɛ e daa yɔ aboyu nɛ e buri n nase ase daa tama kenya aboyu fanɛ ebɔtɛ anyɔ nna, ama e daa nya bɔtɛ koŋwule nna. Esa beeŋ yɔ yabra to a tama kenya ekɔlba kalfa be bɔlɔ bɔlɔ, ama e bee nya ekɔlba adena nna. 17Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to. 18Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to. 19Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”
Enyɛnpe na ka nase kɔnɔ n sa Zerubabel be asheŋ
20Kamɔnchɛ na gbagba nɛ Enyɛnpe Ebɔrɛ na naŋ sa Heegai kubɔya nyɔsopo fanɛ, 21e kaŋɛ Zerubabel nɛ e la Juda be efuli so be gomena na le: “Mee sha kegbuŋgbuŋ ebɔrɛso nɛ kasawule so kikɛ nna. 22Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar. 23Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.
Currently Selected:
Heegai 2: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Heegai 2
2
Bɔrɛlambu popɔr na be kela be asheŋ
1-2Loŋ be kafɛ nyɔsopo na be kufɔl shunusopo be kachɛ adunyɔ nɛ kako na nɛ Enyɛnpe Ebɔrɛ na naŋ bɔla anebi Heegai so ŋ kaŋɛ Zerubabel nɛ e la Juda be efuli so be gomena nɛ Joshuwa nɛ e la bɔrɛmatapo nimuso na nɛ basa na kikɛ le: 3“Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko? 4Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ. 5Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.
6K maaŋ chɛr, meeŋ naŋ gbuŋgbuŋ ebɔrɛso nɛ kasawule so nɛ teku nɛ kasawule wɔlso kikɛ. 7Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to. 8Durnya to be shuwa nɛ gbiti kikɛ la meya nna. 9Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.
Dra na nɛ echefoso be asheŋ
10Ewurgboŋ Dariɔs ka ji kuwura ashi Pɛshiya be efuli so be kafɛ nyɔsopo to be kufɔl kpanusopo to be nchɛ adunyɔ nɛ ana na nɛ Enyɛnpetale Ebɔrɛ na naŋ kaŋɛ anebi Heegai le: 11“Bishi bɔrɛmatapoana na atuwebi nɛ b kɔ a laŋɛ asheŋ bishiso nɛ mee sha kebishi ere be kaplɛa so: 12Nɛ fanɛ esa pɛ mbe piŋi tenteŋ be kɔnɔso m bɔɔ eblaŋ nɛ k du cheembi ŋkpal b ka ta kumo n lara sarga n sa Ebɔrɛ so, nɛ piŋi tenteŋ na beta bodobodo ŋko ajibi daŋɛso ŋko yabra ŋko ajibi pɔtɛ ko, loŋ beeŋ tiŋ n shin nɛ amo alɛ gba e ki cheembi a?”
Ndoŋ nna nɛ bɔrɛmatapoana na kaŋɛ: “Ayai, loŋ maaŋ tiŋ n wora.”
13Ndoŋ nna nɛ Heegai bishi bumo, “Nɛ fanɛ esa wora eyurpi ŋkpal e ka beta ebuni so nseŋ beta ajibi, loŋ be ajibi na gba wora eyurpi a?”
Nɛ bɔrɛmatapoana na kaŋɛ, “Mm, a wora eyurpi.”
14Ndoŋ nna nɛ Heegai kaŋɛ: “Enyɛnpe Ebɔrɛ na yɛ, aloŋ koŋwule na nɛ k du a laŋɛ basa ere nɛ efuli na kikɛ be kaplɛa so ŋ kutɔ. Kusɔ kama nɛ baa wora nɛ asɔ kama nɛ baa ta a lara esarga na kikɛ maŋ walɛ so.”
Enyɛnpe Ebɔrɛ ka nase nɛfa be kɔnɔ be asheŋ
15Ade be kaman nɛ Enyɛnpe Ebɔrɛ na naŋ kaŋɛ: “Menyi maŋ wu kusɔ nɛ k wora menyi na a? Pɔɛŋ nɛ men fara bɔrɛlambu na be kelɔŋɛ m pɔr 16ekama nɛ e daa yɔ aboyu nɛ e buri n nase ase daa tama kenya aboyu fanɛ ebɔtɛ anyɔ nna, ama e daa nya bɔtɛ koŋwule nna. Esa beeŋ yɔ yabra to a tama kenya ekɔlba kalfa be bɔlɔ bɔlɔ, ama e bee nya ekɔlba adena nna. 17Ma e daa shin nɛ bunyaŋ bee tɔr menyi be adɔjibi so nɛ e bee puu nsaa jija na, ama men kraŋ kini ketuba n lar menyi be alubi to. 18Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to. 19Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”
Enyɛnpe na ka nase kɔnɔ n sa Zerubabel be asheŋ
20Kamɔnchɛ na gbagba nɛ Enyɛnpe Ebɔrɛ na naŋ sa Heegai kubɔya nyɔsopo fanɛ, 21e kaŋɛ Zerubabel nɛ e la Juda be efuli so be gomena na le: “Mee sha kegbuŋgbuŋ ebɔrɛso nɛ kasawule so kikɛ nna. 22Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar. 23Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation