Habakuk 3
3
Habakuk be kabɔrɛkule be asheŋ
1Kabɔrɛkule nɛ anebi Habakuk kule nde.
2O Enyɛnpe Ebɔrɛ, n nu kusɔ nɛ fo wora,
nɛ k mɔ ma kɔnɔ nsaa keta ma kufu.
Naniere naŋ wora asheŋgboŋ nɛ fo daŋ wora
n sa an nanaana na,
anyi alɛ gba be jemanɛ ere to.
Hale nɛ fo nya agbo gba,
fo baa nyiŋi fo kuwɔrwu na.
3Fo e la Ebɔrɛ cheembi nɛ fo shi kadegboŋ
nɛ baa tre Tɛman ashi Edɔm be keshishɛrsawule so
nɛ kebee nɛ baa tre Paran na so a ba na.
Fo kela nɛ kemaŋkura parga to m buu esoso kikɛ so nna,
nɛ fo kapandi malɛ sɔ kasawule so be kaplɛkama.
4Fo kemaŋkura bee nyɛkpɛ nna fanɛ epeŋi,
nɛ kumo be kefulto bee shi fo enɔana to,
kakpa nɛ fo eleŋgboŋ ŋana a wɔ na.
5Fo e naa shuŋi kulɔ nɛ e bee juŋkpar,
nsaa ponte luwu so nɛ k bee bɛ kumo so na.
6Fo baŋ shir n yili, kasawule bee gbuŋgbuŋ nna,
fo alɛ baŋ gbɛ ŋ keni malɛ efuliana na bee chicha nna.
Dradra be abeegboŋ nɛ abeebi kikɛ bure to n tɔr.
Ama fo ere wɔtɔ nna mbaanaayɔ!
7N wu kufu ka pɛ Kushan be yiri to ebi,
nɛ Midia be yiri to be basa malɛ bee chicha.
8O Enyɛnpe Ebɔrɛ, elɔrana e daŋ shin nɛ fo nya agbo a?
Teku e daŋ shin nɛ fo kagbene kaa alegaiso a?
Abɔrɛwɔlpa nɛ a bee bar bɔrɛfugboŋ na so nɛ fo chena
fanɛ gbaŋɛturko na m bar kekɔmpɔɔso m ba sa fo basa.
9Fo daŋ bela fo keta ase nna
nseŋ wora shiriya nɛ fo to fo atanyembi.
Fo ta elɔr nɛ mbombi
m baŋɛ kasawule to.
10Abeegboŋana na ka wu fo nɛ a gbuŋgbuŋ to;
nɛ bɔrɛchu shi awɔlpa so n wurge to.
Ndoŋ nna nɛ echɛtabo baga to,
nɛ amo to be nchu bɔlɔ n dii kepla.
11Jemanɛ nɛ fo atanyembi nɛ akpaana
bee kpa edɛ a firgi a choŋ na,
nɛ epeŋi nɛ kufɔl malɛ daa yil diim awɔlto.
12Fo daŋ nya agbo nna a nite a kulti kasawule so,
nseŋ daŋ kaa kagbene alegaiso a chichi efuliana na so.
13Fo lar m ba nna nɛ fo ba mɔlga fo basa,
nɛ fo ewura laraso.
Fo ŋmɛa amukpakpasowuraana be ejuŋkparpo n lɛ,
nseŋ mur basa nɛ b bɛ mo so na cheche.
14Mbe benapo daŋ yarase fanɛ bɔrɛfugboŋ nna m ba,
a tama fanɛ baaŋ pesaŋ anyi to nseŋ mur anyi
nɛ bumo be ŋgbene e fuli bumo.
Bumo ere kutɔ an la basa jiga
nɛ baa shile a ŋana bumo so nna.
Ama bumo gbagba be akɔsɔ nɛ fo ta
m bure bumo be amu to.
15Fo gbagba be egbaŋɛ nɛ fo ta
n fɔnɔ teku be nchuana to nɛ e kaa kupɔpɔ.
16Ŋ ka nu ade kikɛ be asheŋ nɛ kufu pɛ ma;
hale nɛ ma kɔnɔ bee chicha.
Ma eyur daŋ yuri ma nna nɛ awo dii ma
nɛ n fara a fiti a fiti jijiga.
Ama meeŋ ji kanyiti n jo
kachɛ nɛ Ebɔrɛ beeŋ gberge efuli
nɛ k bee kɔ anyi kena na kusoe.
17Hale nɛ figi be ndibi maŋ sɔr gba,
nɛ afeelebi nɛ baa tre greeps na maŋ kɔ asɔrso;
hale nɛ ɔlif be ndibi maŋ sɔr shɛŋ,
nɛ adɔsawule maŋ wora ajibi gba;
hale nɛ kubolpɔ koŋwule gba maŋ naa wɔtɔ,
nɛ kena koŋwule maŋ naa wɔ kenalu to gba,
18ŋ kraa beeŋ shin nɛ ma kagbene e fuli ma,
ŋkpal Enyɛnpe Ebɔrɛ na ka la ma emɔlgapo so.
19Enyɛnpetale Ebɔrɛ na e naa sa ma eleŋ,
nsaa shin nɛ mee mur aya fanɛ shantaŋ,
a tiŋ a nite abee to.
Currently Selected:
Habakuk 3: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Habakuk 3
3
Habakuk be kabɔrɛkule be asheŋ
1Kabɔrɛkule nɛ anebi Habakuk kule nde.
2O Enyɛnpe Ebɔrɛ, n nu kusɔ nɛ fo wora,
nɛ k mɔ ma kɔnɔ nsaa keta ma kufu.
Naniere naŋ wora asheŋgboŋ nɛ fo daŋ wora
n sa an nanaana na,
anyi alɛ gba be jemanɛ ere to.
Hale nɛ fo nya agbo gba,
fo baa nyiŋi fo kuwɔrwu na.
3Fo e la Ebɔrɛ cheembi nɛ fo shi kadegboŋ
nɛ baa tre Tɛman ashi Edɔm be keshishɛrsawule so
nɛ kebee nɛ baa tre Paran na so a ba na.
Fo kela nɛ kemaŋkura parga to m buu esoso kikɛ so nna,
nɛ fo kapandi malɛ sɔ kasawule so be kaplɛkama.
4Fo kemaŋkura bee nyɛkpɛ nna fanɛ epeŋi,
nɛ kumo be kefulto bee shi fo enɔana to,
kakpa nɛ fo eleŋgboŋ ŋana a wɔ na.
5Fo e naa shuŋi kulɔ nɛ e bee juŋkpar,
nsaa ponte luwu so nɛ k bee bɛ kumo so na.
6Fo baŋ shir n yili, kasawule bee gbuŋgbuŋ nna,
fo alɛ baŋ gbɛ ŋ keni malɛ efuliana na bee chicha nna.
Dradra be abeegboŋ nɛ abeebi kikɛ bure to n tɔr.
Ama fo ere wɔtɔ nna mbaanaayɔ!
7N wu kufu ka pɛ Kushan be yiri to ebi,
nɛ Midia be yiri to be basa malɛ bee chicha.
8O Enyɛnpe Ebɔrɛ, elɔrana e daŋ shin nɛ fo nya agbo a?
Teku e daŋ shin nɛ fo kagbene kaa alegaiso a?
Abɔrɛwɔlpa nɛ a bee bar bɔrɛfugboŋ na so nɛ fo chena
fanɛ gbaŋɛturko na m bar kekɔmpɔɔso m ba sa fo basa.
9Fo daŋ bela fo keta ase nna
nseŋ wora shiriya nɛ fo to fo atanyembi.
Fo ta elɔr nɛ mbombi
m baŋɛ kasawule to.
10Abeegboŋana na ka wu fo nɛ a gbuŋgbuŋ to;
nɛ bɔrɛchu shi awɔlpa so n wurge to.
Ndoŋ nna nɛ echɛtabo baga to,
nɛ amo to be nchu bɔlɔ n dii kepla.
11Jemanɛ nɛ fo atanyembi nɛ akpaana
bee kpa edɛ a firgi a choŋ na,
nɛ epeŋi nɛ kufɔl malɛ daa yil diim awɔlto.
12Fo daŋ nya agbo nna a nite a kulti kasawule so,
nseŋ daŋ kaa kagbene alegaiso a chichi efuliana na so.
13Fo lar m ba nna nɛ fo ba mɔlga fo basa,
nɛ fo ewura laraso.
Fo ŋmɛa amukpakpasowuraana be ejuŋkparpo n lɛ,
nseŋ mur basa nɛ b bɛ mo so na cheche.
14Mbe benapo daŋ yarase fanɛ bɔrɛfugboŋ nna m ba,
a tama fanɛ baaŋ pesaŋ anyi to nseŋ mur anyi
nɛ bumo be ŋgbene e fuli bumo.
Bumo ere kutɔ an la basa jiga
nɛ baa shile a ŋana bumo so nna.
Ama bumo gbagba be akɔsɔ nɛ fo ta
m bure bumo be amu to.
15Fo gbagba be egbaŋɛ nɛ fo ta
n fɔnɔ teku be nchuana to nɛ e kaa kupɔpɔ.
16Ŋ ka nu ade kikɛ be asheŋ nɛ kufu pɛ ma;
hale nɛ ma kɔnɔ bee chicha.
Ma eyur daŋ yuri ma nna nɛ awo dii ma
nɛ n fara a fiti a fiti jijiga.
Ama meeŋ ji kanyiti n jo
kachɛ nɛ Ebɔrɛ beeŋ gberge efuli
nɛ k bee kɔ anyi kena na kusoe.
17Hale nɛ figi be ndibi maŋ sɔr gba,
nɛ afeelebi nɛ baa tre greeps na maŋ kɔ asɔrso;
hale nɛ ɔlif be ndibi maŋ sɔr shɛŋ,
nɛ adɔsawule maŋ wora ajibi gba;
hale nɛ kubolpɔ koŋwule gba maŋ naa wɔtɔ,
nɛ kena koŋwule maŋ naa wɔ kenalu to gba,
18ŋ kraa beeŋ shin nɛ ma kagbene e fuli ma,
ŋkpal Enyɛnpe Ebɔrɛ na ka la ma emɔlgapo so.
19Enyɛnpetale Ebɔrɛ na e naa sa ma eleŋ,
nsaa shin nɛ mee mur aya fanɛ shantaŋ,
a tiŋ a nite abee to.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation