2 KORINT 6
6
1Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh. 2Tümüde apinü thachoh,
“Aleangkhipü kim ching inü nüsa ki anido,
tüsho akhümkhit nimung ching nüsa rungdo.”
Kheahang, kheakü aleangkhipü kim ah; kheahang, kheakü akhümkhitpü nimung ah. 3Isa tankihkhi ching amülim tümü müngüpü thsüde isanü she limro she jingmükhebe muzhochoh, 4tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo, 5#Yunir 16.23ashikkhibo, aramrü thsükhi, arhungangümbo, khisahkhi, mükmutrukhi, akhümkhi; 6atsangkhitkhi, mükheahmudu, arorikhi, amuzho, Amüsüh Me, atsütsü amuzho, 7thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade; 8wüntre tüsho wüntre mülakhi ching, isa mükhemükim tüsho shijih. Isa akeangyu tharü khejih, tüshe thiyuro lah; 9mümükheahde la, tüshe tsüde mükheahabah; shede la, tüsho kheahang isa arhang lah; thsümüchia la, tüshe mülaksah; 10mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.
11Korintrübo, nüsa kilim isanü khuhlangde thado; isa mulong mülihde khimshuhlah. 12Nüsa ki mümuzhokhi ju isanü yung; isa ki mümuzhokhi ju nüsa ah. 13Ju müthri, nüsa mulongbo she mülihde kamshang de tsührübo ki nangde inü thachoh.
Amükinrü lung Darihako
14Amükinrü lung arihde rukhüh dürhimo. Tümütüsho thiyuro-lungki le amülim arih-rhimo tümü la? Yungsho ayinnü amiting lung arihkhi tümü la? 15Khrista tüsho amünean dükeak arihachihkhi tümü la? Yungsho akinrünü amükinrü lung rukhüh tümü la? 16#1 Kor 3.16; 6.19Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha,
“I arü kheak labah tüsho arü bolung tsahbah,
I arü Thrünpuh thsübah tüsho arü I mihtsürü thsübah.
17Jumonü arü kheaknü akhiukang,
tüsho arü kheaknü chamkhiang, Atungpuhnü thachoh,
tüsho amümüsüh tümü düqiu;
tüsho inü nüsa leangkhibah,
18I nüsa abuh thsübah,
tüsho nüsa I tsührübo le tsührübebo thsübah,
Wuto Atungpuhnü thachoh.”
Currently Selected:
2 KORINT 6: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.