1 KORINT 6
6
Akinrü bolung Atsangachihkhi
1Küyimki nüsa khürü keoniorü azhihde atsangachih labanü, apinü khikzhakpü amüsührü kilim yungde amükinrü kilim yücho shi? 2Amüsührübonü alomi thiyukhapbah de nüsanü mümükheah de? Tüsho nüsanü alomi thiyukhappü lasho, nüsanü mübanmukhiungbo dünkheak mükhapkhukba de? 3Isanü yunirübo yukhapbah de nüsanü mümükheah de? Ha rhangdung dünkheak a küdükhüh laba! 4Nüsa hadürü neamneamruru lasho, tümü thsükhi nüsanü jurü borünü wüntre mülakhi miki zojihcho? 5Inü ha nüsa achihbe thachoh. Keoniorü bolung zanzhakpü thsüde nüsa bolung lümlung lakhi mihtsürü müla de? 6Tüshe keoniorünü keoniorü azhihde mahkhappung ching amükinrü miki yüchoh!
7Dükde amütsankhi ju nüsa bolung atsangachih lakhinü amukuk kamabahdo. Tümü thsükhi amülimpü müthsü le? Tümü thsükhi mülapyukkhipü müthsü le? 8Ju müthri nüsa küdah thsüde mülapyukang tüsho amülim thsang, tüsho ha nü keoniorübo ki rhimoang.
9Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram, 10ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu. 11Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.
Pangbo ju Thrünpuh Müretah thsungkheak
12 #
1 Kor 10.23
“Alala I thsungkheaknü amülükhi lah,” tüshe alala a alü thsübe yung. “Alala I thsungkheaknü amülükhi lah,” tüshe tümünü she I azhorü mükamshih. 13“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak. 14Thrünpuhnü Atungpuh asürüshih tüsho api wunü isa she asürüshihbah. 15Nüsa pangbo ju Khrista pang ching shihchambo ah de nüsanü mümükheah de? Inü Khrista pang shihcham khülang lubah müzammüramrü pang lung shihcham kamshihba shi? Küyimkishe yung! 16Shepünü müzammüramrü lung arihchonü alibe lung pang khülang kamchoh de nüsanü mümükheah de? Tümüde ha thrüta lah, “Mahne ju shihphü khülang kambah.” 17Tüshe shepünü Atungpuh lung arihchonü api lung me khülang kamchoh. 18Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh. 19#1 Kor 3.16; 2 Kor 6.16Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung; 20nüsa ju amo jihbah athulokheah. Jumonü nüsa pang ching Thrünpuh müretahshang.
Currently Selected:
1 KORINT 6: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 6
6
Akinrü bolung Atsangachihkhi
1Küyimki nüsa khürü keoniorü azhihde atsangachih labanü, apinü khikzhakpü amüsührü kilim yungde amükinrü kilim yücho shi? 2Amüsührübonü alomi thiyukhapbah de nüsanü mümükheah de? Tüsho nüsanü alomi thiyukhappü lasho, nüsanü mübanmukhiungbo dünkheak mükhapkhukba de? 3Isanü yunirübo yukhapbah de nüsanü mümükheah de? Ha rhangdung dünkheak a küdükhüh laba! 4Nüsa hadürü neamneamruru lasho, tümü thsükhi nüsanü jurü borünü wüntre mülakhi miki zojihcho? 5Inü ha nüsa achihbe thachoh. Keoniorü bolung zanzhakpü thsüde nüsa bolung lümlung lakhi mihtsürü müla de? 6Tüshe keoniorünü keoniorü azhihde mahkhappung ching amükinrü miki yüchoh!
7Dükde amütsankhi ju nüsa bolung atsangachih lakhinü amukuk kamabahdo. Tümü thsükhi amülimpü müthsü le? Tümü thsükhi mülapyukkhipü müthsü le? 8Ju müthri nüsa küdah thsüde mülapyukang tüsho amülim thsang, tüsho ha nü keoniorübo ki rhimoang.
9Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram, 10ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu. 11Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.
Pangbo ju Thrünpuh Müretah thsungkheak
12 #
1 Kor 10.23
“Alala I thsungkheaknü amülükhi lah,” tüshe alala a alü thsübe yung. “Alala I thsungkheaknü amülükhi lah,” tüshe tümünü she I azhorü mükamshih. 13“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak. 14Thrünpuhnü Atungpuh asürüshih tüsho api wunü isa she asürüshihbah. 15Nüsa pangbo ju Khrista pang ching shihchambo ah de nüsanü mümükheah de? Inü Khrista pang shihcham khülang lubah müzammüramrü pang lung shihcham kamshihba shi? Küyimkishe yung! 16Shepünü müzammüramrü lung arihchonü alibe lung pang khülang kamchoh de nüsanü mümükheah de? Tümüde ha thrüta lah, “Mahne ju shihphü khülang kambah.” 17Tüshe shepünü Atungpuh lung arihchonü api lung me khülang kamchoh. 18Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh. 19#1 Kor 3.16; 2 Kor 6.16Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung; 20nüsa ju amo jihbah athulokheah. Jumonü nüsa pang ching Thrünpuh müretahshang.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.