1 KORINT 4
4
Khrista Amüsüh-thsangyurübo
1Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah. 2Kheaküshe atoathüprübo ju thiyuro lapü yihnüpü lah. 3Tüshe I ju nüsa yungsho mihtsürü mahkhap yande I yukhappü ju inü khide ninide lümlah. Inü I küdah thsüdü she thiyumükhapchoh. 4I lümkhi müsühde lah, tüshe junü I atsütsü amülim mülakhi mümütsanchoh, I yukhapbuh ju Atungpuh lah. 5Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.
6Keoniorübo, nüsa alü thsungkheak inü harü Apollo ki tüsho inü rhimodo, junangde nüsanü ha thakhi amütsan ike kheaknü anikhitbah, “Tümü thrüta lanü ju hode düyü.” Junangde nüsanü püpürü azhihde khülang dünkheaknü mükükheang. 7Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?
8Nüsa künkhi alala laabahdo! Nüsa alarü kamabahdo! Isa mübede nüsa kiulongthsürübo kamdo! Tüsho nüsa kiulongthsürü thsükhülaa, isanü nüsa lung yakzan shuhrungbah! 9Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo. 10Khrista dünkheaknü isa makharü, tüshe nüsa a Khrista ching lümlung larü. Isa yiuhyiuhlah, tüshe nüsa müranglah. Nüsa wüntre ching lah, tüshe isa bahyuka lah. 11Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan, 12#Yunir 18.3isa khahnü rhimochoh. Küyimki athruajibanü, isanü müngühjihchoh; küyimki thsümüchibanü, isanü arümchoh; 13küyimki mükhemükimbanü, isanü muzhode alochoh; kheakü isa alomi sünit, alomiküp müneanmuru nangde kamdo.
14Inü ha nüsa achih ngüshihpü yung, tüshe inü muzhokhi tsührübo nangde nüsa ki thsangdanpü thrütchoh. 15Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo. 16#1 Kor 11.1; Fil 3.17I kheahkhirü kamang de inü nüsa ki tuthsukchoh. 17Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah, 18I nüsa kilim marüpü müdam nüsa khürü a kükheangde kamdo. 19Tüshe Atungpuhnü alümkhi thsüsho, I nüsa kilim nahde arübah, tüsho harü akükheang mihtsürübonü athakhi yungde arü wu inü ayimkhitbah. 20Tümüde Thrünpuh kiulongthsü ju thiyu thabe yung tüshe wu ah. 21Nüsanü küpü mulongla? Tso khülang, yungsho muzhode athünak me chingnü I nüsa kilim arüba shi?
Currently Selected:
1 KORINT 4: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 4
4
Khrista Amüsüh-thsangyurübo
1Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah. 2Kheaküshe atoathüprübo ju thiyuro lapü yihnüpü lah. 3Tüshe I ju nüsa yungsho mihtsürü mahkhap yande I yukhappü ju inü khide ninide lümlah. Inü I küdah thsüdü she thiyumükhapchoh. 4I lümkhi müsühde lah, tüshe junü I atsütsü amülim mülakhi mümütsanchoh, I yukhapbuh ju Atungpuh lah. 5Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.
6Keoniorübo, nüsa alü thsungkheak inü harü Apollo ki tüsho inü rhimodo, junangde nüsanü ha thakhi amütsan ike kheaknü anikhitbah, “Tümü thrüta lanü ju hode düyü.” Junangde nüsanü püpürü azhihde khülang dünkheaknü mükükheang. 7Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?
8Nüsa künkhi alala laabahdo! Nüsa alarü kamabahdo! Isa mübede nüsa kiulongthsürübo kamdo! Tüsho nüsa kiulongthsürü thsükhülaa, isanü nüsa lung yakzan shuhrungbah! 9Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo. 10Khrista dünkheaknü isa makharü, tüshe nüsa a Khrista ching lümlung larü. Isa yiuhyiuhlah, tüshe nüsa müranglah. Nüsa wüntre ching lah, tüshe isa bahyuka lah. 11Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan, 12#Yunir 18.3isa khahnü rhimochoh. Küyimki athruajibanü, isanü müngühjihchoh; küyimki thsümüchibanü, isanü arümchoh; 13küyimki mükhemükimbanü, isanü muzhode alochoh; kheakü isa alomi sünit, alomiküp müneanmuru nangde kamdo.
14Inü ha nüsa achih ngüshihpü yung, tüshe inü muzhokhi tsührübo nangde nüsa ki thsangdanpü thrütchoh. 15Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo. 16#1 Kor 11.1; Fil 3.17I kheahkhirü kamang de inü nüsa ki tuthsukchoh. 17Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah, 18I nüsa kilim marüpü müdam nüsa khürü a kükheangde kamdo. 19Tüshe Atungpuhnü alümkhi thsüsho, I nüsa kilim nahde arübah, tüsho harü akükheang mihtsürübonü athakhi yungde arü wu inü ayimkhitbah. 20Tümüde Thrünpuh kiulongthsü ju thiyu thabe yung tüshe wu ah. 21Nüsanü küpü mulongla? Tso khülang, yungsho muzhode athünak me chingnü I nüsa kilim arüba shi?
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.