1 KORINT 16
16
Akinrübo Rungpü Kingaün
1 #
Rom 15.25,26 Kheakü akinrü rungpü threzüthredo thsungkheak ju, inü Galatia borübo ki thakhi nangde rhimoang. 2Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo. 3Tüsho küyimki I arübanü, nüsanü tsülah dükhi mihtsürübo ki huhtan kihüm jihbah tüsho nüsa thsambahbo hanbah Jirusalem lim yüshihbah. 4I she ayüpü yihnüpü kamsho, arü I lung yübah.
Paul Lümkhi
5 #
Yunir 19.21
Inü Macedonia ho dunglim nüsa rhuakheahbah, tümüde I Macedonia hopü lümkhi lah, 6Khükia I nüsa lung anükhühkheak mungpü labah, yungsho tsüngkam she amungbah, junangde I kürü ching yübanü I hantsah ching nüsanü arungbah. 7Tümüde kheakü aholim inü nüsa mushorune; Atungpuhnü mülüsho, kim anükhüh nüsa lung mungpü mulonglam lah. 8#Yunir 19.8-10Tüshe I thünimni-thünio khiungde Efisia ching mungbah, 9tümütüsho ju ching I azhihrü hihde lalashe kukzam rhimopü thsüde I kilim ripit mülihde khimshuh-a lah.
10 #
1 Kor 4.17
Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh. 11Shenü she api mükhemükim düthsü. Api I kilim alode arüpü thsüde mungtsü chingnü alimro ching yüshang. Keoniorübo lungnü arüpü inü mükkin thsülah.
12Isa keoniorü Apollo ju, keoniorü püpürü bebah nüsa rhuakheahpü inü api ki khide tuthsukdo, tüshe kheakü arüpü apinü müküntsan; tütüshe kim tsüchoki api arübah.
Akheam Yubo
13Kurhangang, akin ching düküngde zhipang, mulong toang, reangzahang. 14Lüpdükhi amuzho ching rhimoang.
15 #
1 Kor 1.16
Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah; 16harü mihtsürü tüsho rukhüh rhimorü le kimthsürü aban ki akinashu lapü nüsa ki tuthsukchoh. 17Shephana le Fortunata tüsho Akaiaka arükhi I asühchoh tümütüsho nüsa mülakhi arünü lamlamjih. 18Tümütüsho arünü I tüsho nüsa me reangzahshih. Hadürü mihtsürü mükheahpü athülün lah.
19 #
Yunir 18.2
Asia borübonü salüm mühahchoh. Aquila le Priscilla tüsho arü yam ching mukhungkhi borübonü Khristan amuzho salüm mühahchoh. 20Keoniorü alalanü salüm mühahchoh. Amüsüh mün müthsüpkhinü khülangnü khülang ki salüm jihachihang.
21I, Paul ha salüm I khahnü thrütchoh. 22Khürü Atungpuh thsungkheak amuzho mülasho, api muthrumüneanshang. O Atungpuh, arang! 23Atungpuh Jisu amüthsüm nüsa lung laang. 24Jisu Khrista ching I muzho nüsa alala lung laang. Amen.
Currently Selected:
1 KORINT 16: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 16
16
Akinrübo Rungpü Kingaün
1 #
Rom 15.25,26 Kheakü akinrü rungpü threzüthredo thsungkheak ju, inü Galatia borübo ki thakhi nangde rhimoang. 2Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo. 3Tüsho küyimki I arübanü, nüsanü tsülah dükhi mihtsürübo ki huhtan kihüm jihbah tüsho nüsa thsambahbo hanbah Jirusalem lim yüshihbah. 4I she ayüpü yihnüpü kamsho, arü I lung yübah.
Paul Lümkhi
5 #
Yunir 19.21
Inü Macedonia ho dunglim nüsa rhuakheahbah, tümüde I Macedonia hopü lümkhi lah, 6Khükia I nüsa lung anükhühkheak mungpü labah, yungsho tsüngkam she amungbah, junangde I kürü ching yübanü I hantsah ching nüsanü arungbah. 7Tümüde kheakü aholim inü nüsa mushorune; Atungpuhnü mülüsho, kim anükhüh nüsa lung mungpü mulonglam lah. 8#Yunir 19.8-10Tüshe I thünimni-thünio khiungde Efisia ching mungbah, 9tümütüsho ju ching I azhihrü hihde lalashe kukzam rhimopü thsüde I kilim ripit mülihde khimshuh-a lah.
10 #
1 Kor 4.17
Küyimki Timothi arübanü, nüsa bolung api mütrede lashang, tümüde api ju I nangde Atungpuh rhimo thsüchoh. 11Shenü she api mükhemükim düthsü. Api I kilim alode arüpü thsüde mungtsü chingnü alimro ching yüshang. Keoniorübo lungnü arüpü inü mükkin thsülah.
12Isa keoniorü Apollo ju, keoniorü püpürü bebah nüsa rhuakheahpü inü api ki khide tuthsukdo, tüshe kheakü arüpü apinü müküntsan; tütüshe kim tsüchoki api arübah.
Akheam Yubo
13Kurhangang, akin ching düküngde zhipang, mulong toang, reangzahang. 14Lüpdükhi amuzho ching rhimoang.
15 #
1 Kor 1.16
Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah; 16harü mihtsürü tüsho rukhüh rhimorü le kimthsürü aban ki akinashu lapü nüsa ki tuthsukchoh. 17Shephana le Fortunata tüsho Akaiaka arükhi I asühchoh tümütüsho nüsa mülakhi arünü lamlamjih. 18Tümütüsho arünü I tüsho nüsa me reangzahshih. Hadürü mihtsürü mükheahpü athülün lah.
19 #
Yunir 18.2
Asia borübonü salüm mühahchoh. Aquila le Priscilla tüsho arü yam ching mukhungkhi borübonü Khristan amuzho salüm mühahchoh. 20Keoniorü alalanü salüm mühahchoh. Amüsüh mün müthsüpkhinü khülangnü khülang ki salüm jihachihang.
21I, Paul ha salüm I khahnü thrütchoh. 22Khürü Atungpuh thsungkheak amuzho mülasho, api muthrumüneanshang. O Atungpuh, arang! 23Atungpuh Jisu amüthsüm nüsa lung laang. 24Jisu Khrista ching I muzho nüsa alala lung laang. Amen.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.