MATEO 28 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

Baꞌ xib dai na jam aꞌm jum aaꞌ na pim naiꞌ xi chu ja aꞌgiꞌñpuꞌ gu jaꞌtkam bɨɨx kap na jɨꞌx oiꞌñgaꞌn nam tɨ jɨɨꞌñdhai aañ jiñ bui miꞌ puiꞌ jimiaꞌ nañ jax jix aaꞌ, gio baꞌ na pim xi ja bopkonidhat bhaankam guñ Gɨꞌkoraꞌ, gio baꞌ aañ nañ jir Maraaꞌn, gio baꞌ gux Dhuuduꞌ kam jix Uañ Iiꞌmdaꞌ ɨp. Gio baꞌ na pim xi ja aaꞌñdhidhat ɨp nam tuꞌ kaꞌm xi nɨidhat gu puiꞌ na ñich jax jaꞌk jam aaꞌñ aapiꞌm na pim miꞌ puiꞌ jiimdaꞌ. Baꞌ aañ gammɨjɨ nabap tanoolh jam buip tuiꞌñgɨdaꞌ siat baꞌ am xim tɨɨmo dhi oiꞌñgaꞌn.

Baꞌ gu Jesuus amuub xi ɇɇk jup ja tɨtda: ―Guñ Gɨꞌkoraꞌ gɇꞌkam kɨꞌn jiñ dhai jix dhaam jaꞌk gio yaꞌ dhi oiꞌñgaꞌn bhaan.

Baꞌ na mɨt paiꞌ dhuuk mummɨ ba ai gu uꞌuub miꞌ na paiꞌ ka yaasapkat gu Jesuus, jup ja tɨtda gu nobiiꞌñ guch Gɨꞌkoraꞌ: ―Chaꞌpim totdon kaꞌñ jaaduñ. Aañ jix maat jia na pimɨt gu Jesuus bhaiꞌ ba gaagam guiꞌ na mɨt kuruus taꞌm sissapa. Xib cham tuꞌ yaꞌ kap tuꞌiiꞌ, nat guꞌ duadɨk giop bam puiꞌ na jax ba jam tɨtda bɨɨpɨꞌ dɨr. Ka gor mɨjɨ tɨi xi chɨ tɨɨꞌ na cham tu jaiꞌch miꞌ na mɨt paiꞌ ka tɨkaak.

Baꞌp ja tɨtda gu Jesuus: ―Chaꞌpim totdon kaꞌñ jaaduñ, nat guꞌ pu cham tuꞌ jax jum duu. Chaꞌpim jax jum aagɨt xi boopoyaꞌ na pim pu ja tɨɨꞌnpuꞌ gu jaiꞌñ jaaduñ guiꞌ nam puiꞌp jiñ kaichuꞌ nam mu jimiaꞌ Galilea nam baꞌ mummɨñ chɨgiaꞌ.

Baꞌ guiꞌ miꞌ dhɨr jotmodaꞌ xi boop jamɨt ɨp na mɨt ja aaꞌñdhaꞌ gu jaiꞌ ja gɇꞌgɇrkam tuk gu Israel kam jaꞌtkam. Baꞌ bɨɨx maap xim jumpadak maaꞌn ñiꞌook bap duu mɨt nam sap muiꞌ tuumiñ ja namkidhai ja sooꞌmchulhdhaꞌ gu sandaaruiꞌx nam cham tu aaꞌndaꞌ nat giop dua gu Jesuus. Baꞌ puiꞌ ba ja tɨtda am gatuuk, jup kaiꞌch am: ―Aapiꞌm moo jaꞌp ja tɨɨdaꞌ gu jaꞌtkam na mɨt dɨɨlh gu noonbiꞌñ gu Jesuus jam ɨɨx gu tukgaꞌn tukaaꞌ na pim paiꞌ dhuuk ka kookos. Guꞌ baꞌ noꞌt jax dhuukat ma maat gux kaiꞌ Pilaato gu dhiꞌ puiꞌ nach jax jam tɨtda, aach pu tɨɨdaꞌ na cham tuꞌ aapiꞌm jir jam kuiñcha na baꞌ cham jax jam doodaꞌ. Baꞌ gu sandaaruiꞌx puiꞌp tu duu mɨt nam jax ja tɨtda gu gɇꞌgɇrkam jum aaꞌndam, dai na mɨt xi gaamuk gu tuumiñ guiꞌ na mɨt ja maa. Baꞌ gammɨjɨ miꞌ puiꞌ pup tu daaꞌñchuꞌ am gu Israel kam jaꞌtkam, sia gu xib pui puiꞌ kaiꞌchdhaꞌ am nat sap cham tuꞌ giop dua guch Xoiꞌkam.