Popular Bible Verses from Levítico 26

Share

Qataq qami' ñenaictegueto, qaq nache Aỹem Qanatamnaxala'ai, qataq qami' nhuo' le'ecpi maiche qami' ỹalamaxatpi.

nache Aỹem ipacchiguilo ñaqa'en naua na'axa'te maye laloxoqui' na auot da qami' ñamaxalo, nache ana 'alhua qataq ana qo'oipaqpi maye hualec na no'onaxa huo'o da alaỹaxac

Qaq da qaualaqaigueta naua iqataxaco, qataq ỹataqta qauo'oche' naua ỹamaxasoxonaxaco

Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

Qaq Aỹem nache qami' sootanguilo qome, qataq saishet da qami' sa seuoonegueta.

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Qataq qollequiitac qome aca ala ca hua'auñi qa'añiguishe ca lỹa vi'i, nache ivitta'a da qanqacheeuec ca togoshec qaraỹamaqtaqui souaxat da qauaỹamaxache ca dalaxaic ala.

Qaq caua cinco da qoñiita, nache datauec naqa'en ca cien, qaq ca cien da qoñiita, nache datauec naqa'en ca diez mil. Nache ca qami' ipa'agueetacpi iqallem qome ca qaro'ogoxonaxache da qami' dataỹa'agueta.

nache sa qoue qome na ala ca nañiguishec, choche ivitta'a da qanqat aca ala aca uva, qaq aca ala aca uva, acamaye choche ivitta'a qome ca laloxoqui da qaltaq qoỹaañi ca nañiguishec, nache que'eca qoñiitaña qana'alhuai, qaica ca leetapigui lauel, cha'aye sa qoue qome ca qanallec ivitta'a da ỹataqta qami' comaraxaiqa.

Qataq qami' dataueguesopa ca qami' ipa'agueeta'ape, qataq iqallem ca qaro'ogoxonaxache da qami' dataỹa'agueta.

Qataq huo'o naq 'enec qanqa'eñi ca na'a'q mataxaqui, qataq ye ỹanataqa' maye huaña naxa da Aỹem qanauane'. Qaq 'era da ỹa'aqtac, Aỹem Nataxala'.