Popular Bible Verses from Luka 12

Share

Nywena mwikale nimweteekaniize olwakubba oMwana wa Muntu aliizira omu saawa gyemutakumusuubiriiramu.”

Nywe muswage obukama bwamwe, nʼebindi byemwendya alibibongeraku.

Nʼairate nʼabakoba, “Nkubalabula mwekendekeke obutabba na mwolonko, obwomi bwa muntu tibubbaawo ku lwa bwingi bwa itungo lyamwe.”

Obuguuda egyebukali nʼomutima gwamu nigyo gubba.

Naani oku nywe, omwoyo gwamwe nigwaraara, asobola okwongera oku bwomi bwamwe gonze esaawa egimwei?

OYesu nikwo okukoba abeegesebwa baamwe nti, “Nʼolwʼekyo nkubakoba emyoyo gyanywe gitalyaraara nimukwebuulya olwa bwomi bwanywe, kiki kyemwalya era olwa mibiri gyanywe kiki kyemwazwala.

Baitute nywe nʼeisoke eriri oku mitwe gyanywe alimaite omuwendo. Nʼolwʼekyo mutatiina, muli ba muwendo okusinga entaaye ezingi.

“Nʼolwʼekyo nywe ekisibo ekidooli mutatiina olwakubba oitewaanywe asiimire okubaweerya obukama.

Mubone enamuŋoona: Tizisiga era tizikesa, tizirina ibiikiro gonze ekideero baitu oKanca aziriisya. Nywete ka muli ba muwendo gwingi okukira ebinyonyi!

Emitima gyanywe timugitanga ku byakulya oba byakunywa, gitaaraara olwʼekyo.

OKanca niyaabba nimwo azwalikisya atyo ekisiko ekya mu ndumiro, ekibbaawo ekiro kyaleero, enceege ni kinagibwa omu muuro, nywete abanyakwikiriza okudooli talibazwalikisya okukirawo?

Olwakubba buli ekiswekerwe kyaliswekulwa nʼekibbisiibwe kyalimanyibwa.