Popular Bible Verses from Matayo 21

Share

Na mwahawa na nhogola chochose chimpula kwa kufugama, mokwing'higwa.”

Yesu kawedikila, ‘“Nowalongeleni kweli, kama mwahawa na nhogola na bila kudumba, modaha sio kutenda ivo tu, mbali hata mhaulongela lugongo luno “Somoka ukasigwe muibahali,’ yotendeka ivo.

Mabumbila ga wanhu walongole na wa hachisogo yake wenula dizi walonga, “Yatogoligwe Mwana wa Daudi! Yeng'higwe ganogile na Mulungu yokwiza kwa Zina da Mndewa! Nhogolwa uchanha kwa Mulungu!”

Kawalongela, “Yandikigwa mgayamayandiko ga Mulungu, ‘Ng'anda yangu yokemigwa ng'anda ya kupula.’ Mbali mweye muitenda kua mhango ya wabavi.”

“Walongeleni wanhu wa kae ya Yelusalemu, iyo Siyoni, Lola mfaume wako kokwiza! Muhole na kapapigwa na mhunda, Mwana mhunda, mwanage mhunda.”

Baho Yesu kawalongela, “Ivo hamsomile mbuli ino mgamayandiko ga Mulungu? ‘Dibwe diwalemile wazenzi kama hadifaya Diwa dibwe kulu da kutumanila ng'hani. Dino ijo diyatendile Mndewa, Najo diwa da kuchikanganya!

Kwaivo nowalongeleni, ufaume wa Mulungu wosegezigwa hamwenu na kwing'higwa wanhu wa isi zimwenga waja wondawasang'hane gaja goyolonda Mulungu.”