Popular Bible Verses from Luka 14

Share

“Munhu yoyose yonda kua Mwaluko wangu kolondeka yanigese nie badili ya kuwagesa tati yake hebu mami yake hebu mwehe wake na wanage, hebu na wakulu wake na lumbu zake, enaa, hata ugima wake mwenyego, kama hatendile ivo hadaha kua mwaluko wangu.

Munhu yoyose kama hatogola kudununzika na kufa kwa kuniwinza hadaha kua Mwaluko wangu.

Manake chila munhu yoitenda mkulu, kotendigwa mdodo, na iyo yaitendile mdodo kutendigwa iyo mkulu.”

Basi ivija kama munhu yoyose kumwenu kama haleka vose yali navo,” Mchikomelezo Yesu kalonga, “Habule munhu yodaha kua Mwaluko wangu.

Manake yalihi kumwenu yahalonda kuzenga ng'anda ng'hulu, na seke yakale hasi na kulola goya udahi wake wa sente yeli nazo kumanya kama kodaha kukomeleza kuzenga? Manake yahazenga ng'anda ya tofali yahapotigwa kukomeleza hausimikilo, baho wanhu wose wamonile viyasongile kuzenga wokwiza kumzeha, kwa kulonga, munhu ino kasonga kuzenga, mbali hanakomeleza.

Mbali chila vuutanda ndia ya lusona, wakeme ivija na vikumbi muyega, weli na nhale na vipofu, nagweye komweda kwa vuuwakemile waja vikumbi muyega, kwavija wabule ludabwa wa kukubwelezela, ivo kobwelezeligwa na Mulungu chipindi chonda wazilibuke wanhu watogoligwe.

“Munyu icho chinhu chinogile, mbali ihazabuka, mbali kogela choni ikolele kaidi mbaka inoge? Haifaya hata muulongo hebu muimboji, mbali yokwasigwa hanze. Ivo yeli na magutwi yavimanye chinilonga.”