Popular Bible Verses from Luka 6

Share

Vo po, náa zɔʼ verɛ, ɛn Go̧o̧ge de po voraa vin; De goora za̧a̧za̧a̧ too baa de lee zo̧o̧ hɛge nɔm, de duʼut vora o vo ziiɓa aʼre, de sȩʼȩ, de kə zəkka tin. Go̧o̧ge de goozin vora pori an vere hɛn voy goozinna náa zɔʼ ve nɛy vin».

Ha̧a̧ za̧a̧ de vuksii hɛn za̧a̧, kan de o si̧i̧ba nɛy; Ha̧a̧ ɓɛɛ de vuksii hɛn ɓɛɛ an, kan o si̧i̧ ba nɛy. Ɛn hii yɛɛ, yak an de moò hɛn si̧i̧ an buu nɛy».

Hɛn za̧a̧ kɔra nɔ, vo hi̧i̧ za̧a̧k von vey, vo kɔt vo hɛn za̧a̧. Vo po náa ve ɓɔl, vo laa bo vey kən voraa sɛ. Voy hakka genaari aʼa, voy bi̧i̧ Go̧o̧ge de bɛlba sâm an vey, o hi̧i̧ náa lɛn pat vɛ, vere náa ɓɛɛ verɛ sɛw.

Vo kɔ si̧i̧ za̧a̧rɛ, too Baa von o ɛ de si̧i̧ za̧a̧ nɔm».

«Vo yȩʼ náa zɔʼ ve sɛ, ɛn Go̧o̧ge de yȩʼȩn vora yɛ vin sɛw; Vo son náa zɔʼ ve yak sɛ, ɛn Go̧o̧ge de sonin vora yak yɛ vin sɛw; Vo hooza náa zɔʼ ve gbo̧o̧k von verɛ, ɛn Go̧o̧ge de hoozi vora gbo̧o̧k von verɛ sɛw.

«Ɛn mii feeza voy, náa voy kiizira nɔ voy: Vo hi̧i̧ za̧a̧k von verɛ, vo kɔza náa vey ɓɛɛ vora nɔ vɛ hɛn za̧ǎ̧, Vo su náa vey moò lel vora nɔ verɛ, náa vey ɗeʼen vora nɔ vɛ, vo faat vo yakkɛ.

Vo kɔza náa zɔʼ ve hɛn za̧a̧, do liizinga too vo hi̧i̧ do ve kɔt vo nɔm vin.

Ha̧a̧ oò dɛnnum vɔmme, mɔ filsa zɔʼ nɔ tin; Ha̧a̧ oò iŋ lugun mɔni, mɔ ɛʼɛ do iŋ sâm dɔ fɔn mɔn tin. Ha̧a̧ oò haam hɛnna, mɔ poʼorɛ, ɛn ha̧a̧ oò iŋŋum hɛnna mɔ ɓa kənni ɓɛ sɛ.

«Tap za̧a̧ leen leet ɓɛɛ yɛ, ɛn tap ɓɛɛ dɔm, leen leet za̧a̧ yɛ.

Oò tap za̧ǎ̧, oò tap ɓɛɛ̌ sɛw tɛʼ, de gaana vere leet an vɛy: Kaa ve han bit sa̧a̧t tappa yɛ, kaa ve han haage gbakse tappa yɛ vin.