Popular Bible Verses from Genesis 15

Share

Ibulamu amhuwilaga Zumbe, kwaivo Zumbe naye kamzumila kunda ywedi.

Yeze yomboke ayo Ulosi wa Zumbe yamwizilaga Ibulamu mwe zisozi akamgamba, Ibulamu, “Usekogoha, nohwamile no wiihi wose naho geleko dyako nedikulise.”

Zumbe amlavaga Ibulamu kuse niyo amgamba, “Kaula kwe mbingu ikindedi uneva wadaha kuziwaza zint'hondo. Ivo nivo nounde na welekwa enga zoho.”

Niho akamwiva Zumbe Mnungu akalonga naye naho, “Mtumwa uyu Eliezeli hakudaha kunda mkipe ywako, mkipe ywako naande mwanao mwenye.”

Zumbe niyo amgamba, “Welekwa wako nawande watakwiza mwe isi hi yawe, nawande watumwa uko no kudumangizwa kwa miyaka magana mane.

Mna Ibulamu niyo ahitula, “We Zumbe Mnungu ywa yose nounink'he wedi wani ukuunga unde nt'hunyo kwangu name hina mwana yeyose? Mkipe ywangu ni Eliezeli du mnt'hu ywa Damasika.

Mwe dizuwa idyo Zumbe aikaga Ndagano na Ibulamu akamgamba, “Welekwa wako neniwenk'he isi ino yose kulawa kwe mihaka ya Misili kuita kwo mto mkulu wa Efulati

Mwe cheleko cha kane niho welekwa wako nawauye aha, kwaviya heniwaguluse Waamoli mpaka watende wavu vileke niwatowe.”