Popular Bible Verses from Markus 6

Share

Aya, a zlepetene a ŋgaya: «Hune ndaha, kazakwaw a mazlam ata darzlam, hune zazakɓa aza cekuɗe.» Mavəday hejəye vəram ma kandaha, vedəye əy kanda tata, kaw Yesu ey madarlaŋw anta ege əy kelem vah ŋ zam səkan, askwaw.

Aya, Yesu a zlepetene a ŋgaya: «Mba ma zlap ma mala Gazlavay ca, əy kalamza kaw a katay. Cemey, ata la maa a mbawha a təwse ey ŋ taba van anta ege leŋ hejəye ma a wata tata ege ca, əy kalamza ma anta səkwaw.»

Maa Yesu a tadakwha aza ŋ kwambawal ca, a gəre hejəye vəram, əy kéɓeceye. A təwse ca, hahar a jaw, ata tata, mavəday a sarzata ca, əy nja ana ŋtəməye maa mba njəwen tata ege askwaw. Aya, a sesərekzetene səkan ege vəram.

A təwse ca, Yesu kula ŋ la zaɓəla kaw vekey səkwaw, cemey, səy a ca ra anta ata hejəye ma kadawar ege cekuɗe ende ŋghe, a rehzata aza. Aya, a ŋga ŋkwaɓ ata hejəye ma a uzam anta ege, mavəday lalam ŋ tata, askwaw. A dəwze anta ca, Yesu a tawar ŋ uzam ma mbermber a təwse ege tewtew, a kasasərakzata hejəye.

A təwse ca, Yesu a ŋtata peŋ ma jaɓan ege leŋ ŋkəlef ma gbak ege wese, a sar la kəɗe mgba ata uzlaf, a lene wasay ŋ Gazlavay. Aya, a ŋgata peŋ ege wese aka, a veletene ŋ madarlaŋw anta ege, ndar əy ŋtezetene ŋ hejəye. A zeney, a ŋtezetene ŋkəlef ma gbak ege wese ŋ taba tata tewtew. Tata tewtew tata, əy həraɗ a səkan ma ata zam. Aya, malaɓ ege əy jam sekəɗe peŋ leŋ ŋkəlef ma menha, ujam ghef ghef wam aha gbak.