Popular Bible Verses from Rúkasa 4

Share

Ireréŋgi yá Okí é ámó name esene éyé a ma ŋgijátá anáá ŋgo té ojana vawowórá Usi wa cómó. A ma tómá anáá ŋgo té ojana vimboo anáá: «Ví étá ncecí! Byewu ví wúnde wená mwáŋgarááŋ! Kó a ma toma anáá indi ŋgo ata ava vá ámó na iturye. Ukú ójó anáá ŋgo nó ojána anáá itíndíkáná yó húmé íjí no né enámó masi ma Okí!»

Kó Yésusu a me wundiyámó anáá: Wo ámó itiréná na kárate anáá: «Moto a geremenamó ukú tyé munú na aŋgísó rá Okí Irɔŋgɔ waá moká o me nɔnɔwena bɛ́ŋ ómwané.»

Kó Yésusu a me wundiyámó anáá: Wo ómó itirana na kárate wa Irɔŋgɔ anáá: «Moto a ta sɔ́tɔ bɛ́ŋ naa manyá.»

Na wéŋga ówó anáá Yésusu a mana oduwana na osombo ójó vá béráanámó anáá jurdene kó Ireréŋgi eye mwaŋ-mwaŋ é má me sisana. Ireréŋgi yá Irɔŋgɔ mwané e ma me turé na ekwété yá edɔŋgɔ

Yésusu a ma me wundiyé anáá: Wó ámó itiréná na kárate wa Irɔŋgɔ anáá: «Moto a ta geréméná omaa Okí Irɔŋgɔ waá.»

Ará Saátana a ma maná omaa Yésusu, a ma urúkyé wenda uréhi naá a enda gíré hée oŋgendɔ úndyé.

Kó Saátana a ma me turátá na máná urehí o me tihiyé na mwaná wa itíndíkáná ijwé rá cí ra ndono íŋgime. A Yé náá anáá: «Ŋge no hwámó ijwé na niimi nimé ené, esene éyé vá ma pwá mamba amáma kó niinámó ójó ndiŋgámó. Ŋge wa kúti múnú na monda rame o mbásóriye, akúmé aŋgímé ájá ŋgo né wo hwámó.» Kó Yésusu a me wundiyámó anáá: Wo ámó itiréná na kárate anáá: «Moto a geremenamó ukú tyé munú na aŋgísó rá Okí Irɔŋgɔ waá moká o me nɔnɔwena bɛ́ŋ ómwané.»

Kó saátana a ma me turátá sɔ́ɔ́ na Yerúsareme, o me neétye na máná ra yanje yá Irɔŋgɔ aye naá anáá: Ŋgé o ámó mwaná Irɔŋgɔ túrúwé na cí, esene éyé wó ámó itiréná na kárate wa Irɔŋgɔ anáá: «A né eréenámó va éŋgerese váa ŋguru anáá vá wo beerye. Kó honó vá né wo byámó na embɔɔ́ rawó mamba na meŋgí oŋgoró rɔɔ́ ó kúkána itááné.» Yésusu a ma me wundiyé anáá: Wó ámó itiréná na kárate wa Irɔŋgɔ anáá: «Moto a ta geréméná omaa Okí Irɔŋgɔ waá.»