Popular Bible Verses from Marcos 2

Share

Jesús tiere tʉogʉ cʉ̃jãrẽ abiro ĩyugʉ: —Diare cʉohera sʉoribasocʉre boheriwa. Diare cʉorape sʉoribasocʉre bowa. Tiwãmerã yʉ atiditapʉre ‘ʉ̃sã ñurã ña’ ĩ wãcũrãrẽ ‘mʉjã wãcũpasʉti wasoaya’ ĩgʉ̃ watigʉmerã tiwʉ. ‘Ʉ̃sã ñañarã ña’ ĩ wãcũrãpere ‘mʉjãcã ñañarẽ tirecʉtirere wãcũpasʉti wasoaya’ ĩgʉ̃ watigʉ tiwʉ ―ĩyugʉ Jesús.

Jesús cʉ̃jãcã cʉ̃rẽ wedewõrẽ cʉorere ĩñagʉ̃ ũpʉ̃ bʉrigʉre abiro ĩyugʉ: —Yʉmacʉ̃, mʉcã ñañarẽ tiriguere acõboyoarigue pʉtʉa ―ĩyugʉ Jesús.

Jesús ĩnemoyugʉ tamʉ: —Yerisãrĩbʉreco basocayabʉreco niãtibʉreco tiyoyu. Tiyerisãrĩbʉrecope basocare dotiaro ĩrõmerã tiyoyu.

Basoca pajʉ nirẽye wapa cʉ̃jã Jesús cʉtiropʉ eawamasĩheriyura. Tairo tira wisotocapepʉ mʉãwa ĩcãcope coawenirã ticopepʉmena ũpʉ̃ bʉrigʉre cʉ̃cã pesaromena cʉ̃ cʉtiropʉ dujiocoyura.

Tairo niñerõcãpʉare yʉ Nipetira Sõwʉ̃cã dotimasĩrẽmena atidita macãrãrẽ cʉ̃jãcã ñañarẽ tiriguere acõbomasĩrẽrẽ mʉjãrẽ eñogʉ̃da ―ĩyugʉ Jesús. Tairo ĩgʉ̃rã ũpʉ̃ bʉrigʉre abiro ĩyugʉ: —¡Wʉmʉnʉcãña! Mʉcã pesarore neãpa mʉyawipʉ pʉtʉaya ―ĩyugʉ.

¿Ãni ũpʉ̃ bʉrigʉre dairo ĩrẽpe wisioheriri? ¿Mʉcã ñañarẽ tiriguere acõboyosia ĩrẽpe o wʉmʉnʉcã mʉcã pesarore neãpa waya ĩrẽpe wisioheriri?

Cʉ̃cã tairo ĩrẽmenarã ũpʉ̃ bʉrigʉ wʉmʉnʉcãsuyugʉ. Wʉmʉnʉcã pesarore neãpa basoca nipetira ĩñacoropʉ tore witiasuyugʉ. Tiere ĩñarã nipetira ĩñamaniãsu ĩñerõcã Manigʉ̃rẽ ʉseapeora abiro ĩyura: “Manigʉ̃ tutuacametʉasuwi. Icãta ĩcãrĩno ʉ̃sã abiro tirere ĩñahera nigatiwʉ” ĩyura.