Popular Bible Verses from Juan 19

Share

Tairo tiñerõcã Jesús ʉse mucũrẽrẽ ũpũwĩ. Ũpũtuwagʉra abiro ĩwĩ: —Yʉ merẽ nipetirere tiyapatipetimocã ―ĩwĩ. Tairo ĩtuwagʉra cʉ̃ya dʉpowʉre munibiayoco, cʉ̃ya catirere cʉ̃ Pacʉre wiyomocã, cõwõãsuwi.

Atiesiro Jesús merẽ nipetire Manigʉ̃cã cʉ̃rẽ tidoticoriguere cʉ̃cã tiyapatinʉcõrẽrẽ masĩnigʉ̃ ĩñerõcã Manigʉ̃ye wederucũrẽrẽ ojariapũpʉ ojayoriarora abiro queoro wañerõcã tigʉ abiro ĩwĩ: —Yʉ sĩnirugaga ―ĩwĩ.

Tairo tigʉ Jesúpe cʉ̃ pacore ĩñerõcã yʉ cʉ̃ buegʉre cʉ̃cã bʉtoro maĩyogʉcã co cʉtiro niñerõcã ĩñagʉ̃ cʉ̃ pacore abiro ĩwĩ: —Nomiõ, tora mʉmacʉ̃rẽ cʉo ―ĩwĩ. Tairo ĩtuwacogʉra yʉ cʉ̃ buegʉpere ĩwĩ: —Tora mʉ pacore cʉo ―ĩwĩ. Cʉ̃cã yʉre tairo ĩãriasiro tocawatoamenarã yʉ core yawipʉ nepʉtʉa cʉowʉ.

Cʉ̃jãrẽ tairo tituwanʉcõ, Jesúcãrẽ tora abiro tiradara cʉ̃ cʉtiro eara cʉ̃rẽ cõwõãrigʉpʉre bʉajeawa. Tairo tira cʉ̃rẽ cʉ̃ya ñʉcãrĩrẽ papeheriwa. Buri bicapetacã paperono tigʉ ĩcʉ̃ cʉ̃jã watoa macʉ̃ surara cʉ̃ya saderigʉmena Jesúre cʉ̃ya warupãma docajoro sadewi. Cʉ̃cã saderemenarã di ĩñerõcã oco witiwʉ.

Atie anorã abiro wawʉ, Manigʉ̃ye wederucũrẽrẽ ojaripũpʉ ojayoriarora abirora queoro waro. Abiro ojayoriaro niwʉ̃: «Cʉ̃rẽ ĩcãcõãnopere papeherigawa» ĩ ojayoriaro niwʉ̃. Tairora tipũpʉrena aperore abiro ojayoriaro niwʉ̃: «Cʉ̃jãcã sadeyorigʉpʉre ĩñarõãgawa» ĩ ojayoriaro niwʉ̃.

Tomenarã Jesús curusare aparigʉ witia «basocʉ dʉpowʉ boaweariacoro» wãmecʉtiropʉ wawi. Tora hebreoyemena Gólgota wãmecʉtiwʉ.

Surara Jesúre bapetuwara potamena sepatariabetore tinirã cʉ̃ya dʉpowʉpʉre peoyura. Cʉ̃rẽ tairo peotuwara nirũpʉ̃cã sãñarĩsutironorẽ bʉtoro sõãrõrẽ cʉ̃rẽ sãyura.