Popular Bible Verses from Juan 15

Share

”Yʉra ña ʉseda nijomocãgʉ̃. Mʉjãpe yʉpʉre yoaridari nirã ña. Yʉmena ĩcarõrã nirucũmocãrãno, yʉpecã cʉ̃jãpʉre ĩcãrõ nirucũmocãñerõcã yʉpʉre yoaridaricã paje dicacʉtirora abiro ñawã. Buri mʉjã yʉre dicawati, yʉmena ĩcãrõ niherapʉa icãta dairo timasĩheriga.

Mʉjã yʉmenarã ĩcãrõ nirucũmocãña. Yʉpecã mʉjãmenarã ĩcãrõ nirucũmocãgʉacu. Mʉjã masĩ; ʉsedapʉre yoarida tida wadora dicacʉtimasĩheriga. Pacʉdamenapʉ yoatusaro doca dicacʉtimasĩga. Tiwãmerã mʉjãcã yʉmena ĩcãrõ nirucũhera, pacʉdapʉre yoatusaheridara abiro ñurẽrẽ dicacʉtimasĩheriga.

Mʉjã yʉmena ĩcãrõ nirucũmocãrã tairora yʉcã mʉjãrẽ bueriguere nipetirere queoro yʉrucũmocãrã nipetire mʉjãcã sãĩrẽcãrõrẽna yʉpacʉcã mʉjãrẽ nʉnirẽrẽ ñerõãcu.

Mʉjã yʉre ñeheriwʉ; yʉpe mʉjãrẽ ñewʉ̃, ñurõ paje dicacʉtirucũrĩdara abiro tairo nirucũãtere paje ñurẽrẽ tirucũrã waro ĩgʉ̃. Tora abiro mʉjãcã yʉre wedewõ, yʉcã borora abirora ñurẽrẽ tirecʉtira nirẽye wapamena yʉpacʉ nipetirere mʉjãcã yawãmemena sãĩrẽrẽ nʉnigʉagawi.

Marĩcã paca maĩcametʉanʉcãrẽ cʉorera ña marĩmenamacãrãye wapamena marĩye catirere wiyo cõwõãbosare.

Ĩcãye yʉpʉre yoaridaricã ʉse dicamaniñerõcã patacõãmocãgawi. Buri apeye yʉpʉre yoaridaricã ʉse dicacʉtiñerõcã tiere ñurõ patawe quenogawi paje dicacʉtinemoãro ĩgʉ̃.

”Yaye yʉcã mʉjãrẽ dotire atiera ña: Mʉjã, yʉcã mʉjãrẽ maĩrõrã abirora mʉjãcã mʉjãbasurupe came maĩrucũmocãña.

Mʉjã anorã abiro ñurõ paje dicacʉtiridarira abiro paje ñurẽrẽ tirucũrãrã nirõrã mʉjãcã yʉ buera nirẽrẽ basocare eñorõãcu. Tairora tiemenarã yʉpacʉcã ñucametʉanʉcãgʉ̃ nirẽrẽ basocare masĩñerõcã tiroacu.

Jesús ʉ̃sã cʉ̃ buerare abiro ĩ wedenemowĩ: —Yʉra ña ʉseda nijomocãgʉ̃. Yʉpacʉpe ñawĩ tidare ĩñanʉõgʉ̃.

Yʉmena ĩcãrõ nirucũheranorẽ pacʉdapʉre yoa tusaridarire dicamanirẽrẽ tiyorora abiro waroacu. Pacʉdare yoaridaricã dicamaniñerõcã tidarire patamʉtõ docacũcõãyomocãga. Siro tiecã ʉsaremena, seneõcũ, pecame sĩãtu soecõãyomocãga.

Yʉcã ʉsearora abiro mʉjãrẽ ʉsearo ĩgʉ̃ mʉjãrẽ atiere anorã abiro ĩ wede. Tairo tira mʉjã pairo ʉseacametʉanʉcãrẽ cʉoroacu.

Yʉcã mʉjãrẽ dotire cũriguere queoro yʉrucũrã, mʉjã yʉmena mʉjãrẽ maĩgʉ̃menarã ĩcãrõ nirucũmocãrõãcu yʉcã yʉpacʉcã dotirere queoro yʉquetatu yʉre maĩgʉ̃mena ĩcãrõ nirucũrõrã abiro.

Merẽ atiera ña yʉcã mʉjãrẽ dotire: Mʉjãbasurupe came maĩña.

Mʉjãcã atibʉreco macãrãrã abiro tirucũrã niñerõcã basoca atibʉreco macãrã mʉjãrẽ maĩbogawa cʉ̃jãyarare cʉ̃jãcã maĩrõrã abiro. Buri yʉpe mʉjãrẽ atibʉreco macãrã watoa nirãrẽ ñewʉ̃. Tairo tira atibʉreco macãrã basoca mʉjãrẽ ĩñatutiwa yʉcã ñeyoriara mʉjãcã atibʉreco macãrãrã abiro niheriñerõcã.