Popular Bible Verses from Juan 1

Share

Buri nipetira cʉ̃rẽ ñurõ boca ñe cʉ̃rẽ wedewõrãpere Manigʉ̃pũna nirã eañerõcã tiwí.

Merẽ nipetiresʉgueropʉra Wederucũrẽ wãmecʉtigʉ nisiarigʉ niwĩ. Cʉ̃ Wederucũrẽ wãmecʉtigʉra Manigʉ̃mena nisiarigʉ niwĩ; cʉ̃rã Manigʉ̃rã nirigʉ niwĩ.

Ãnirã nipetira basocare naĩtĩãrõpʉra abiro nirãrẽ cʉ̃ Pacʉye maquẽ ñurẽrẽ eñowĩ bowerepʉ niãro ĩgʉ̃. Atie bowerere naĩtĩãrẽ icãta bowepitiñerõcã timasĩheri. Tairo tiro atiera abirora ñañarẽcã cʉ̃rẽ apõtĩõmasĩheriga.

Wederucũrẽ wãmecʉtigʉra marĩrã abiro ũpʉ̃cʉtigʉ nigʉ̃ ea marĩ watoapʉ nigʉ̃ eawi. Ʉ̃sãmena cʉ̃cã anopʉ nirĩwatoara ʉ̃sã cʉ̃cã ñucametʉagʉ nirẽrẽ cʉ̃ Pacʉcã cʉ̃ macʉ̃ ĩcʉ̃ nigʉ̃rẽ nʉniriguere ĩñawʉ̃. Tairora cʉ̃cã marĩrẽ paca maĩriguere, cʉ̃cã diamacãwãmemena marĩrẽ cʉ̃ Pacʉye maquẽrẽ eñoriguere ʉ̃sã ĩñawʉ̃.

Cʉ̃ Wederucũrẽ wãmecʉtigʉmenarã Manigʉ̃ nipetirare, nipetirere tiñerõcã tirigʉ niwĩ. Ĩcãwãmenopera Wederucũrẽ wãmecʉtigʉcã tiheririgue mani; nipetire cʉ̃cã tirigue wadora ña. Cʉ̃ Wederucũrẽ wãmecʉtigʉmenarã catire petihere niriaro niwʉ̃. Tie catire petiherere cʉogʉra nipetira basocare bowerera abiro nigʉ̃ tirigʉ niwĩ.

Apebʉrecope Juan, Jesúcã cʉ̃ cʉtiropʉ watiñerõcã ĩñagʉ̃ nipetira basocare abiro ĩ wedewi: —¡Ĩñaña! Ãnirã ñawĩ Manigʉ̃cã ticorigʉ ovejara abiro nigʉ̃. Cʉ̃cã cõwõãrẽmena nipetira basocare atibʉreco macãrãrẽ cʉ̃jãcã ñañarẽ tirigue wapare acõbopetigʉagawi.

Ãnirã Wederucũrẽ wãmecʉtigʉra atibʉrecopʉre nisiarigʉ niwĩ. Buri cʉ̃cã anopʉ niñerõcã cʉ̃cã tiriabʉrecomacãrã nicaperacãrã cʉ̃rẽ ĩñamasĩheriwa. Cʉ̃ya ditapʉ waticapetacã cʉ̃ya dita macãrã nicaperacã cʉ̃rẽ boca ñeheriwa.

Merẽ cʉ̃rã nipetira basocare diamacã maquẽ bowerepʉ niñerõcã tiacʉra atiditapʉre eagʉ tirigʉ niwĩ.

Manigʉ̃ cʉ̃ye dotirere Moisére cʉ̃cã nʉniriguemena marĩrẽ masĩñerõcã tirigʉ niwĩ. Buri Jesucristomenapere Manigʉ̃ cʉ̃cã marĩrẽ maĩrẽrẽ, cʉ̃ye wederucũrẽ diamacã maquẽ nirẽrẽ masĩrã eañerõcã tiwí.