Popular Bible Verses from Ichedendik 6

Share

Ifor ipyibh Ọvaar Ibinọkpaabyi, obir ọmmẹ-ẹ z'ettem bẹ́, kk'oyokinọng ọsa osok m'iyagbin.

Ọvaar Ibinọkpaabyi oze ose kw'itama s'oyokinọng ikk'ilora m'iyagbin, ọmaana bẹ́, achibhẹ p'ettem chẹ made itama k'ogbe kpenamkpen.

Okenaka, wa Noa ofu Ọvaar Ibinọkpaabyi k'ichen.

Ma wọ ode odik kw'ọmaan Noa. Wa Noa ode ọnọng kw'otor-otor, epinẹ koyen mach'anọng p'arukọ ny'ogbe kwẹ, obir ọgbaka ifor ọmaana Ibinọkpaabyi.

Ofona nya o, Ọvaar Ibinọkpaabyi oben bẹ́, “Kaam m'ndimẹ ayokinọng maphyir p'ikk'nsa m'iyagbin. M'ndimẹ ayokinọng ọmaana nten, ọmaana ekpo maphyir py'ezeng m'izek, ọttara ọnọhn f'iwokọ, okurọ bẹ́, ọmma-m z'ettem bẹ́, wa kaam kk'bẹ nsa.”

K'ogbe kw'uwa ayokinọng nkk'atọma osisaabh m'iyagbin, panọngva mabir ammaana. Iva p'Ibinọkpaabyi maze bẹ́, panọngva p'ayokinọng ajibh-ojibh. Ofona nya o, matéka okpenamkpen kw'ọdaakẹ bẹ maba. Nya o, Ọvaar Ibinọkpaabyi oben bẹ́, “Egwugwuma chaam ọdọk oyokinọng mèkpo eninga ẹmaana ttattampe; okurọ bẹ́, oyokinọng ode ọkpakpa. Kẹ akpen mòruk ọkpaan icho arọbh achadanẹ.” Ny'ogbe nwo, wa aNephilim aning m'iyagbin. Nya ch'ogbe nwo kk'obir ọkpana, iva p'Ibinọkpaabyi mad-ayima panọngva p'ayokinọng ábẹ̀, mabhon iva. Bẹ bọ iwa made akem-akpa p'ẹtama, mabir ade ajinọng p'ayinẹ eche.

Noa osi ọttọhk kpenamkpen mbengana k'ose kw'Ibinọkpaabyi ọtọhn-ẹ.

Minna kw'Ibinọkpaabyi oben Noa bẹ́, “M'ndimẹ ayokinọng maphyir, kirẹ, iyagbin nide ẹkọhr-ẹkọhr okurọ itama s'ayokinọng. K'odik ọkkọkka, kaam m'ndimẹ bẹ ọttara iyagbin.

Nya o, tima agbaaka p'agaang-ọgaangẹ, kọma ọkpaar kwiden kw'ikọ k'ifor, asi odongọ z'ẹtaanga kwẹ, afoka ana p'apyi bẹ́ kkang mabang-ọbanga, z'ẹtaanga ọmaana k'iyaan.

Ibinọkpaabyi oze bẹ́, iyagbin kk'ikibha okurọ bẹ́, ayokinọng maphyir p'aning m'iyagbin nkk'akibha.

Ekpo maphyir py'eruk akpen, k'ejinọng ọttara k'ẹpanọng, byẹ py'matima ẹfa-ẹfa adim ny'ọkpaar nwo, mfha eruk akpen ẹmaan-ọ.