Popular Bible Verses from Ichedendik 1

Share

Nya o, Ibinọkpaabyi oben bẹ́, “Tte mosi ayokinọng made mach'mina, mabir akerẹ mina. Tte màbaabha nten s'asi, ọmaana ọnọhn f'ẹrọng, ọmaana etirakpo, ọmaana mgbaten maphyir, ọttara ekpo mbyoza maphyir py'ẹd-ẹnaangẹ k'izek.” Minna kw'uwa Ibinọkpaabyi osi ayokinọng made mach'ikẹ, osi bẹ made mach'ikẹ Ibinọkpaabyi, osi ojinọng ọmaana kwanọng.

Ibinọkpaabyi osi bẹ ittabọhng, oben bẹ bẹ́, “Màmaan iva k'ọsaabh, màfu izek, mabir abaabha iyagbin. Màbaabha nten s'asi, ọmaana ọnọhn f'ẹrọng ọttara ọttọhk kpenamkpen f'ozeng m'izek.”

Wa k'ẹtọma, Ibinọkpaabyi ọbhaak ẹrọng ọttara izek.

Ny'ogbe nwo, ọttọhk kpenamkpen kode, iyagbin itte eje. Ibyi kpenamkpen ipyi ewu bẹ́ kkang. Egwugwuma ch'Ibinọkpaabyi ed-ezenga ẹkọbha asi.

Pira Ibinọkpaabyi oben bẹ́, “Tte ọyaanttaana oyin.” Ọyaanttaana oyin.

Ibinọkpaabyi oze bẹ́, ọttọhk kpenamkpen f'ikk'ọsa, kk'ojibha mawuriji. Ewu ndo epyi, esobha. Nya wọ ode ewu ch'ettong ichadanẹ m'iyagbin.

Ibinọkpaabyi oze bẹ́, ọyaanttaana nwo kk'ojibha. Tọma ny'ogbe nwo, Ibinọkpaabyi ọbhaangẹ ọyaanttaana z'orungibanga.

Nya o, Ibinọkpaabyi oben bẹ́, “Màyonga itọhng! Kaam kk'bọnga eborakpo maphyir py'ẹd-ẹwọm-ọwọm m'iyagbin nnanga; mbir nnang bọnga nchi maphyir s'iwọmọ aduk ibir iyena amọma z'ẹtaanga. Nnang bọnga mach'ọchattọhk fabọnga.

Oyerẹ ọyaanttaana nwo bẹ́, ẹya, obir oyerẹ orungibanga bẹ́, erungọ. Ewu ndo epyi, esobha. Nya wọ ode echedenwu m'iyagbin.

Ibinọkpaabyi obir oben bẹ́, “Tte ẹbhaangẹ eninga ch'im'esok asi k'ibyi ifa.”

Ṉ́nòde nten maphyir m'izek, ọmaana ọnọhn f'ẹrọng, ọttara ọttọhk kpenamkpen f'ozeng m'izek obir oruk akpen, nnang bẹ okwongitọhng kpenamkpen bẹ́, machi mach'ọchattọhk fabẹ.” Okwu ode minna.

Ibinọkpaabyi obir oben bẹ́, “Tte mkpon ininga z'ọrọngkpakpa s'im'ibhaangẹ ẹya z'erungọ. Tte mkpon njo ide ẹkọhka ch'nyọhm s'ididaamawu, ọmaana iwu, ọttara ocho.

Ibinọkpaabyi obir oben bẹ́, “Tte ekpo k'akira k'akira emen m'izek: azizaarẹ p'mm'awọm amọma, ọmaana nchi s'im'iwọm aduk, ọttara eborakpo py'im'ẹwọm amọma k'okira kwabẹ.” Okwu ode minna.

Minna kw'Ibinọkpaabyi ọbhaangẹ asi p'izek-izek z'asi p'ẹrọng. Okwu ode minna.

Izek imen azizaarẹ ọmaana ekpo k'akira k'akira ọttara nchi s'id-iwọm aduk ọttara amọma k'okira kwabẹ. Ibinọkpaabyi oze bẹ́, kk'ojibha.

Ibinọkpaabyi osi mkpon mfa siden: ndo ch'ẹbar-ọbar ẹbaabha ẹya, ch'ẹcham-ọchamẹ ẹbaabha erungọ. Obir osi ndidorọ.

Ibinọkpaabyi obir oben bẹ́, “Tte asi p'aning izek-izek kw'ọrọngkpakpa, makwu atobha k'ibyi majanẹ, mfha ogbin oyin.” Okwu ode minna. Ibinọkpaabyi oyerẹ ogbin nwo bẹ́, izek, obir oyerẹ asi mbo p'nkk'atobha bẹ́, araanga piden. Ibinọkpaabyi oze bẹ́, kk'ojibha.

Ibinọkpaabyi osi nten njo maphyir s'ikk'ọsa ittabọhng, oben bẹ bẹ́, “Màmaan k'ọsaabh, mànyaamẹ k'araanga piden maphyir. Tte ọnọhn obir ọsaabh ny'iyagbin.”

Ibinọkpaabyi obir oben bẹ́, “Tte nten k'akira k'akira s'ining akpen, iyin z'izek: etirakpo ọmaana nten s'ẹgba, ọttara nten s'itim ẹbhọr izenga.” Okwu ode minna.

Ibinọkpaabyi obir oben bẹ́, “Tte nten k'akira k'akira s'ining akpen, ifu ny'asi bẹ́ tap. Tte ọnọhn oninga f'im'okwur z'ẹrọng.”

Ibinọkpaabyi osi mgbaten k'okira kwabẹ, obir osi etirakpo k'okira kwabẹ, osi ọttọhk kpenamkpen f'ọd-ọnaangẹ k'izek k'okira kwabẹ. Ibinọkpaabyi oze bẹ́, kk'ojibha.