Popular Bible Verses from Malako 13

Share

Bantu bamvimba baalubela mu dyambu di nkumbu ani. Kansi wonso waatatamana natee ku nsukunu, waavuuka.

Kebeeno kweno! Kayeeno meso mu dyambu ti luzebi ko nkye ntangu kilokola kyaakwiza.

Bu baalunata mu kwe luyekola, lutekandi kikwamisa ko mu misamu mi lwaazonza. Kansi teeno mpova zi baluhaana mu kilokola bekyokyo kwandi, mu dyambu ti ka ku yeno ko zaafuma, kansi ku Mpeve Yilongo.

Yulu na butoto byaahyoka, kansi Mambu mani maahyoka ko.

Mu dyambu ditadidi kilumbu na kilokola, ka muntu ko zebi, ka zimbazi zi mazulu ko, ka Mwana ko, kansi Tata kaka zebi.

Lwaayuwa bu bazonzila zimvita na manyungu-nyungu ma zimvita, luyenandi bunkuta ko. Misamu mimvimba bemyomyo mifweti hilama, kansi yaaba, mpe nsukunu yi nza ko.

Ni hahoho, kayeeno meso mu dyambu ti luzebi kilokola kyaakwiza mfumu yi nzo ko: mu mpimpa, hoti mu kati-kati di mpimpa, hoti mu ntangu yikwe kubanga zinsusu, hoti mu mene. Bu kaakwiza, kizandi kalubwana balambalala. Misamu bemimi mi nina luteela, kuyeno bamvimba nina teela myo: Kayeeno meso!»

Bantu ba nsi yimosi baanwanisa bantu ba nsi yihiika, bantu bantinu yimosi baanwanisa bantu bantinu yihiika. Mu bizunga bibingi butoto bwaazakama na malema maaba. Misamu bemyomyo myaaba bonso ntonono yi misongo mi mukento weka lukufi mu buta.

Kansi Musamu Wumbote wufweti teka samunu ku bantu ba nsi zimvimba.

Mu dyambu ti babingi baakwiza mu nkumbu ani, na baaluteela ti: “Meno nii Klisto!” Na bantu babingi baahukumuna.

Kebeeno kweno, mu dyambu ti bantu baalunata mu zinzo zi lufundusu, na baaluzuba bikoti mu zinzo zi lusambulu zi Bayudayo. Baalufundisa ha ntadisi yi zintinu na ha ntadisi yi minyaadi mu dyambu dyani, mpe kyaaba kimbangi ki lwaanteela ha ntadisi awu.

Mu dyambu ti zi klisto zi luvunu na mimbikudi mi luvunu myaatelama, baahidika bidimbu na bimangu bingitukulu muhukumuna mpe, tala ti bulendi ba, yobobo Nzambi bakasoola.

Kansi mu bilumbu bebyobyo kwandi, ku manima ma mpasi zibubu, ntangu yaabwesa lezima ko, ngonda yaabwesa kyenzola ko, na zimbwetete ku yulu zaasotoka na bima bii na lulendo mu mazulu byaaningana.