Popular Bible Verses from यूहन्‍ना 11

Share

यीसु वां नै कयौ, “पुनरूत्थान अर जीवन म्हैं इज हूं, जिकौ कोई म्हारै माथै भरोसौ राखै है वो जे मर भी जावैला, तौभी जीवैला, अर जिकौ जीवता है, अर म्हारै माथै विसवास करै है, वे अनतकाल तांई नीं मरेला। कांई थूं इण बात माथै भरोसौ करै है?”

यीसु उणौनै कयौ, “पण म्हैं थनै कोनीं कियो हो के, जे थूं विसवास करैला, तो परमेसर री महिमा नै देखेला?”

यीसु रै आंख्यां मांय आंसू आया।

आ बात सुणनै यीसु कयौ, “इण बीमारी रौ मकसद मौत नीं है, पण परमेसर री महिमा सारू है, की इणरै दवारा परमेसर रै बेटा री महिमा व्‍है।”

पछै उणै जोर ऊं हेलौ पाड़ियौ, “हे लाजर बारै निकळ आव।” अर लाजर बारै आय ग्या। वो कफन ऊं लपेटयोड़ौ हो, अर उणरै माथा ऊपर एक अंगोछौ बांधियोड़ो हो। यीसु उणौनै कयौ, “इणरै कफन नै खोलो अर इणनै जावण दो।”

यीसु हाल तांई मन मांय घणा दुखी होयनै कबर माथै आया। वा एक गुफा ही, जिणरै माथै एक मोटो भाटो मेलियोड़ो हो।

यीसु ऐ सैंग बातां कही, अर इणरै पछै उणौ नै कैवण लागौ, की “म्हारौ बेली लाजर सूग्यौ है, पण म्हैं उणनै जगाणै जावूं हूं।”