Popular Bible Verses from 2 कुरिन्थियो 4

Share

अर म्हौ तो देख्योड़ी चीजों नै कोनीं, पण अणदेखी चीजों नै देख्यां करौ हो, क्यूंकै देख्योड़ी चीजों थोड़े ही दिनां री है, पण अणदेखी चीजों हमेसां बणी रैवै है।

इण वास्तै म्हौ हीमत कोनीं छोड़ौ। जे म्हौरौ बाहरी मानवता नास भी होतो जा रियौ है, तो भी म्हौरौ भीतरी मानवता हर दिन नयो होतो जा रियौ है। क्यूंकै म्हौरौ पलभर रौ छोटौ कलेस म्हौरै वास्तै घणौ ही खास अर अनत महिमा दिलावै है, जिणरी बराबरी किणी ऊं नीं की जा सकै।

म्हौ च्यांरूमेर ऊं कलेस तो भोगो हो, बल्कि कुचलया कोनीं जाओ। घबराओ हो, पण निरास कोनीं होवो। सताया तो जाओ हो, पण त्यागा कोनीं जाओ। पटकिया तो जाओ हो, पण नास कोनीं होवो।

पण म्हौ जिकौ माटी रै बरतनो रै जैड़ा हो उणमे ओ आत्मिक धन इण वास्तै राख्यौ है, की ओ साफ हो जावै की आ असीम सामरथ म्हौरी तरफ ऊं कोनीं, बल्कि परमेसर री तरफ ऊं है।

अर उण अविसवासियो रै लियै, जिणरी बुद्धि नै इण संसार रै देवता यानि सैतान नै आंधी कर दी है, ताकी मसीह जिकौ परमेसर रौ प्रतिरूप है, उणरै तेजोमय सुभ संदेस रौ उजाळौ उण माथै नीं चमकै।

इण वास्तै की परमेसर ही है, जिणै कयौ, “अंधारै में ऊं जोत चमकै,” अर वोहीज म्हौरै काळजै में जोत चमकाई, ताकी म्हौ नै यीसु मसीह में परमेसर री महिमा रै ग्यांन री जोत मिळ सकै।