Popular Bible Verses from 1 कुरिन्थियो 12

Share

सबां री भलाई रै लियै हरैक नै पवितर आतमा रौ वरदान दियौ जावै है।

इण तरैह थै सगळा मिळनै मसीह रौ सरीर हो, अर अलग अलग उणरा अंग हो।

इण वास्तै जे एक अंग दुख पावै है, तो सगळा अंग उणरै साथै दुख पावै है। अर जे एक अंग री बड़ाई होवै है, तो उणरै साथै सगळा अंग आंणंद मनावै है।

क्यूंकै एक नै पवितर आतमा रै द्‍वारा बुद्धि री बातां दी जावै है, अर दूजै नै उणीज आतमा रै अनुसार ग्यांन री बातां। किणी नै उण पवितर आतमा ऊं विसवास, अर किणी नै उणीज आतमा ऊं सावळ करणै रौ वरदान दियौ जावै है। वळै किणी नै सामरथ रा कांम करनै री ताकत, अर किणी नै भविसयवांणी रौ। अर किणी नै आतमा परखणै रौ, अर किणी नै अन्य भासाओं रौ, अर किणी नै भासाओं रौ अरथ बताणै रौ।

पण ऐ सगळा कांम वोहीज एक पवितर आतमा करावै है, अर जिणनै जिकौ चावै है वो बांट दैवै है।

ताकी सरीर में फूट नीं पड़ै, पण हरैक अंग एक दूजै रौ ध्यांन राखै।

वरदान तो कई तरैह रा है, पण है उण एक ही पवितर आतमा रा है। अर सेवा भी कई तरैह री है, पण परभु एक ही है। कांम करणै रा तरीका भी बोहत है, पण सगळौ में कांम करणैवाळौ परमेसर एक ही है।

अर परमेसर नै कलीसिया में अलग अलग मिनख राख्या है। पैलौ प्रेरित, दूजौ भविसयदाता, तीजौ उपदेसक, पछै सामरथ रा कांम करनैवाळा, वळै चंगा करनैवाळा, अर भलाई करनैवाळा, अर अगुवाई करनैवाळा, अर अन्य भासा बोलनैवाळा।

इण वास्तै की सरीर में एक ही अंग कोनीं, पण घणा है।

पण सरीर रा वो अंग जिकौ दूजै अंगो ऊं कमजोर है, पण घणा जरुरी है।

जे सगळौ सरीर आंख ही होती तो सुणणौ कठै होवतो? जे सगळौ सरीर कांन ही होवतो, तो सूंघणौ कठै होवतो? पण साचांणी परमेसर अंगो नै आपरी इछा रै अनुसार एक-एक करनै सरीर में राख्या है। जे वे सगळा एक ही अंग होवतो, तो सरीर नीं होवतो।