Popular Bible Verses from Luk 17

Share

Ndʉʉghɔfii, ɔ gìe tʉ ɔŋ mbɔ, “Lɔ̀ hə sê gɛ̀ nə aŋ, məmɔʼfyii-a tʉ Nyii nɔʼ chʉ́ʼ a.”

Kaʼ ɔ chìi bʉ̂ʼʉ tʉ a vɛʼ təkwiitia mu chîmbikə imɔʼ, bʉ̀nə gwè vɛʼ təkwiitia ghɔ̀ŋ tʉ a mbɔ, ‘Mɔ nɔʼ shìe liɛŋ-ɔŋ ndəŋ mbʉ bʉ̂ʼʉ,’ ä sʉ̀fyii-a ndəŋ ɔŋ.”

Wo-imɔʼ mu bɔŋ kʉ̂ʉ nyíɛ mbɔ ɔ nɔʼ kie nchʉʼ, bʉ̀nə gɛ̀ kə́ tòʼ lə̀ʼtə Nyii nə gyʉʉ dədə. Ɔ gɛ̀ kwíʼtə bəshʉ Jiso nə shʉ-i sê, kə́ kɔ́ ndɔ ɛ. Ɔ nɔ nə bɛ wo-Samalia.

B̈ii láa le! “Kaʼ liŋ-aŋ chìi bʉ̂ʼʉ, ä sɔ́ʼ ɔ, kaʼ ɔ shìe liɛŋ-ɛŋ ndəŋ nu-ghɔ̄-kə, ä sʉ̀fyii-a.

Jiso bə̀ŋhə mbɔ, “Bii kə bɛ wuŋ, ndə bii kie nchʉʼ fe? Bəbɛʼbʉə bɔmɔʼ ba?

Ɔ bə̀ŋhə mbɔ, “Kaʼ məmɔʼfyiihə-ii ndəŋ Nyii tə́ʼ tə bɛ nə ŋgwie-kîa, bəkɔ bii gìe tʉ ŋkwê kətyʉ-ɔ̄ mbɔ, ‘Sòʼnə sê gɛ̀ bè ŋwɔŋ-aŋ mu muukwɛʼtəŋmə,’ i bɔŋ yʉ́ chu-a.

Wotəmiyɔŋ ndə ɔ tʉʼ kɔ̀ɔtə ndə məkwáa ŋkwiitʉ-e bu bɛ́, bɔŋ wo ndə ɔ kɔ́ ŋkwiitʉ-e, bu kie ŋkwiitʉ-e.

Jiso ghɔ̀ŋ tʉ vâafɔʼɔ-bi mbɔ, “Ndə nubə ndə i mùutə wo mbɔ ɔ chìi bʉ̂ʼʉ nɔ kie ndə məgwè, bɔŋ ŋgʉəʼ bu bɛ kətʉ wo ndə nubə-ɔ̄ŋ bu gwè hə kəghɔ-ɔ. I nɔ bʉ̀ʉ mbɔ b̈ə chyúu lɔkɔʼ tê mii-ɔ, mɛ̀ʼ ɔŋ mu muukwɛʼtəŋmə, ndə kaʼ kʉ̀ʼnə mbɔ ɔ̈ shyùu mbyu vaa mu vâa-bɔ̄ŋ ɔ chìi bʉ̂ʼʉ.

“Haʼ ndə i nə bɛ ndəŋ vɛʼ Nua, i bu nə bɛ haʼ nɔ, ndəŋ vɛʼ ndə Vaa-Woməsʉʉ bu yi bʉ̀nə gwè. Bʉə nɔ nə kə́ yú, kə́ nú, kə́ gɛ̀ lɔŋ, bɔŋ bə kə́ leʼ kɔ́ lɔŋ tə gɛ̀ dàa ndəŋ chîkə ndə Nua kə ŋíi chɔ mu kəbuukwɛʼtəŋ. Fɔŋ muu gwè yítə bɔŋ bənchəŋ.