Popular Bible Verses from Jɔŋ 4

Share

Nyii nɔ bɛ Lyʉʉhəkə, bɔŋ-kə́-leʼ bɛ haʼ nə ghʉəʼ-kəLyʉʉhəNyii-kə ndə bəkɔ bʉə-bi lə̀ʼtə ɔŋ ndə wo ndə ɔ kɛŋ bɛ yɔŋ shʉəŋ.”

Bɔŋ ndʉʉ tʉʼ gwè, i bɔŋ-nɔʼ-leʼ buŋ kʉ̀ʼnə, ndə ghʉəʼ-kəLyʉʉhəNyii-kə, ŋkɛŋ bʉə-Nyii bu lə̀ʼtə Nyii ndə wo ndə ɔ kɛŋ bɛ yɔŋ shʉəŋ, bʉʼka mbʉ Tie nɔ tʉʼ kʉ́ʉ ntɛ bʉə-maa-bɔ̄ŋ ndə mələ̀ʼtə ɔŋ.

Bɔŋ wotəmiyɔŋ ndə ɔ nú muu ndə mɔ bu kɔ́, jyʉʉ muu bieleʼ nə yɔ́ʼ ɔ fɛ. Mbʉ muu ndə mɔ bu kɔ́ tʉ ɔŋ, i bu bə̀ŋ lʉ̂ʉ-muu mu mbʉə-ɔ ndə ĩ kɔ́ muu ndə i gwè nə məchímbi təmə liʼ-i ghɔ fɛ.”

Jiso bə̀ŋhə tʉ ɔŋ mbɔ, “A kʉ̌ʉ kínə kɔ-Nyii-kə ghɔŋbə wo ndə ɔ tʉʼ ghɔ̀ŋ tʉ a mbɔ, ‘Kɔ́ muu tʉ mɔ, m̈ɔ nú,’ təmə a nɔ bíʼtə tʉ ɔŋ, ɔ kɔ́ muu tʉ a ndə ĩ kɔ́ məchímbi.”

Jiso ghɔ̀ŋ tʉ bɔŋ mbɔ, “Fɔyubə-ɔŋ nɔ bɛ məfɔ̀ʼ ŋkʉʉnə-tʉʉ-wo ndə ɔ tə́ŋ mɔ bɔŋleʼ ndə məlìʼ fɔʼɔ-ɛ.

Mbʉ woke-ghɔ̄ ghɔ̀ŋ tʉ ɔŋ mbɔ, “Tie-ɔ, a kie fɔkə ndə mədùu muu nə yɔŋ fɛ, mbʉ byʉʉ bɔŋ dɔ̀ŋnə. A bu kie muu-ghɔ̄-mə fa ndə ĩ kɔ́ məchímbi le?

Mbʉ woke-ghɔ̄ ghɔ̀ŋ tʉ ɔŋ mbɔ, “Mɔ nɔ kínə mbɔ mbʉ Wo ndə Nyii Kùŋ Tə́ŋ tʉʼ gwè, Wo ndə bə tíi ɔ nə Klai. Ndʉʉ ndə ɔ bu gwè nɔ, ɔ bu shyíi baʼa nə nubə inchəŋ.” Ndʉʉmɛ, Jiso ghɔ̀ŋ tʉ ɔŋ mbɔ, “Mɔ nɔ bɛ mbəŋ-ɛŋ ndə ɔ tʉʼ kwə́ʼ tʉ a nɔ.”

“B̈ii gwè nyíɛ wobɛʼ ndə ɔ shyíi mɔ nə nubə inchəŋ ndə mɔ nɔʼ nə chìi. Bəkɔ ɔ bɛ mbʉ Wo ndə Nyii Kùŋ Tə́ŋ mɛ?”