Popular Bible Verses from Jɔŋ 16

Share

Mɔ nɔ gìe nubə-ɔ̄ŋ tʉ bii, mbɔ bii chʉʼ kie fyiighʉ́ənə tíŋ hə bɔ̌ŋ mə bɛ yʉʼʉ mɔʼɔ. Bə bu chɔ́ŋhə bii kəwʉʉnəmbi. B̈ii bɔŋ kie fyii, bʉʼka mbɔ mɔ nɔʼ ghɔ́ʼ wʉʉnəmbikə.”

Ndʉʉ ndə mbʉ kəLyʉʉhə shʉəŋ bu gwè nɔ, ɔ chìhə bii ndə məkínə mbʉ shʉəŋ inchəŋ ndə i gwè hə kəghɔ-Nyii, bʉʼka mbɔ ɔ tʉʼ kwə́ʼ nə yi-yə ghʉəʼkə fɛ, bɔŋ nukə təmiyɔŋ ndə ɔ̈ yʉ́, nɔ yɔŋ ndə ɔ bu kwə́ʼ, ɔ bu shyíi bii nə nubə ndə i bíe bəshʉ i buŋ yi gwè.

Tə gwè dàa nduɔ, bii chʉʼ bíʼtə fɔkə nə yie-ɔ fɛ. B̈ii bíʼtə, bii bu kie, tʉʉtə-i chʉʼ bʉ̀ʉ gɛ̀ kùu.

Bɔŋ ndə nɔ, mɔ kɛŋ shyíi bii nə shʉəŋ mbɔ məgɛ-ɔ nɔ bɛ ndə bʉʉ-yii, bʉʼka kaʼ mɔ gòʼ təmə gɛ̀ fɛ, mbʉ Wo Ghʉ́əhə Fyii gwè tʉ bii fɛ. Kaʼ mɔ bɔŋ bʉ̀nə gɛ̀, mɔ tə́ŋ ɔŋ tʉ bii. Ndʉʉ ndə ɔ bu gwè nɔ, ɔ chìi wʉʉnəmbikə kínə mbɔ bɔ̂ŋ nɔ tʉʼ chìi bʉ̂ʼʉ, leʼ chìi bɔ̂ŋ kínə nukə ndə i bɛ ndyʉndyʉ leʼnə məchʉ̀ə ŋkwɛ ndə Nyii bu chʉ̀ə tʉ wʉʉnəmbikə

Nɔ bɛ haʼ nɔ, bii nɔ tʉʼ vínə nduɔ, mɔ bu yi bʉ̀nə nyíɛ bii nɔ, tʉʉtə-ii bʉ̀ʉ, təmə wo mə leʼ fí tʉʉjyu-yii kəghɔ-bii fɛ. Kʉ̂ʉ yi bɛ yɔ̂ŋ-ghɔ̄ nɔ, təmə bii leʼ bíʼtə fɔkə bíʼtə tʉ mɔ fɛ. M̈ɔ kɛŋ shyíi bii nə shʉəŋ, fɔkə təmiyɔŋ ndə bii bíʼtə tʉ mbʉ Tie nə yie-ɔ, ɔ bu kɔ́ tʉ bii.

M̈ɔ kɛŋ shyíi bii nə shʉəŋ, bii bu gwía bɔŋleʼ lí bɔŋ wʉʉnəmbikə kə́ kie tʉʉjyu. Bii bu vínə bɔŋ məvínə-yii bu bə̀ŋ tʉʉjyu.