Popular Bible Verses from ရှင်လုကာ 12

Share

အင်မ်ခန်းနောလ် အချိန်မရွေး အဆင်သင့်မယ်ဘွတ်စူး။ ဟိဘော်ဟိုင်ရိုးနောက်ဟိုဝေါလ်စေး ခေါင်စိုးနောက်ခေါမ် နာင်မီး မျှော်လင့်ယခေါမ် အချိန်ငေါလ်အ ကြွလူးဘွာလ်ဝိုက်ခန်းနောလ်ထောလ်” တိရို အ‌မိန့်။

အင်မ်ခန်းနောလ် ဖုလော်ရှင်သာသနာတော်တွက် ဦးစားပက်ထေ့နား စိုင်းဘွတ်စူး။ အင်မ်ဟိုဝေါလ်ယောင် နာင်မီး လီခေါမ်လှီ့ ဖုလော်ရှင်နား အဖြည့်ဆည်းပက်တိုက်” တိရို အမိန့်။

အင်မ်ပါလ်နောလ် ကိုယ်တော်ယေရှုနား ခေါင်ထုအောလ် “အီဘောင်တွက်ကာလ်ခါ လောဘလန်ကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီး ဘဝတန်ဖိုးနောက်ခေါမ် နာင်မီး ပိုင်ခေါမ် ဥစ္စာလှီ့အောလ် မူတည်ခေါမ်ဆီးယော်” တိရို အ‌မိန့်။

ဟိဘော်ဟိုင်ရိုး နောက်ဟိုဝေါလ်စေး နာင်မီး လုန်လှီ့ခါ နာင်မီး ဥစ္စာဘဏ္ဍာတိုက် မယ်နောက်ကာလ်ယောင် အခိုက်ထေ့ခန်းနောလ်ထောလ်” တိရို အမိန့်။

ဆဆော်ကော့စူး။ ဆဆော်ခေါမ်နား နာင်မီးဆောက်င် နာရီဟှတ်ဘောင်ကုံးခါ ပိုဝေနား ဆောင်းဟနောလ်စိုင်းခွတ်ယော်။

အင်မ်ပါလ်နောလ် ကိုယ်တော်ယေရှုနား အတပည့်လှီ့အောလ် “အင်မ်ခန်းနောလ် နာင်မီးရိုး ဟောင်ဟိုင်ကေလီခေါမ်စေး နာင်မီး ဆောက်င်ဟင်ဟိုင်တွက် ဟအီ အေလောဒ့်အိုက်၊ ဟိဘောင် ဝီဝေလောဒ့်အိုက်နောက်ခေါမ်ခါ ဆဆော်ကော့စူး။

ဖုလော်ရှင်နား နာင်မီး လကီဝေါလ် လူးဆမ်း အီဟို့မယ်နောက်ခေါမ်ကုံးခါ အစုတ်င်။ အင်မ်ခန်းနောလ် ကိကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီးနောက်ခေါမ် ဟောစာစောလှီ့ထက်ကာလ် နာမ်ဖူလန်” တိရို အမိန့်။

အထာကွန်ဟှတ် ကိုယ်တော်နား အတပည့်လှီ့အောလ် “သိုးအုပ်စုလှီ့အား၊ နာင်မီး ပေါလ်ဖုလော်ရှင်နား နာင်မီးရို အပုန်းဟို့ သာသနာတော် အပက်လောဒ့်ခေါမ်အလီခန်းနောလ် ကိကော့စူး။

ဟိုးလှီ့ ဓေါ့်ဝေါလ်။ အင်မ်လှီ့နား အီခါလိမ်ဘော်ဟ၊ အီခါယိုင်းယော်ဟ။ အင်မ်လှီ့နား ထိင်းဌေ့လှီ့ တောဒ့်နောက်ဟိုင်ခါ၊ ဖိစ့်လှီ့ခါ တောဝေယော်ဟ။ အင်မ်ဘော်နားခါ ဖုလော်ရှင်နား အင်မ်လှီ့အောလ် အေဟိုင်လှီ့အပက်။ နာင်မီးနောက်ခေါမ် အင်မ်ဟိုးလှီ့ထက်ကာလ် ပိုဝေနား တန်ဖိုးနာမ်လန်။

အင်မ်ခန်းနောလ် နာင်မီးနား ဟအီကာမ်အေလောဒ့်အိုက်၊ ဟအီကာမ်အူးလောဒ့်နောက်ခေါမ် ဆဆော်ကော့စူး။ အင်မ်လှီ့တွက် ဆဆော်ကော့စူး။

အို ယုမ်ကြည်ချက် နည်းတိလှီ့အား၊ ဖုလော်ရှင်နား တုနှိုပ်ပါထေ့နား အထာနှိုပ်ဟှတ်တောလ် မေးဒုလ့်ကာလ် ဆီခေါမ်ခံလောဒ့်ဟိုင် တောရ်ဒုလ့်ကာလ်ကိ ပါဘာကုံးခါ ပွန်ယေဟနောလ် အဖန်ဆင်းပက် နောက်ဟိုဝေါလ်စေး နာင်မီးတွက်နောက်ဟိုစေး ဖုလော်ရှင်နား ပိုဝေနား ဖန်ဆင်းပက်တိုက်ဆီးယော်ဝြာ။

ဆူရ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ ထုအယ်တိလှီ့ကိမ်ကိမ် အဆုံးငေါလ်စေး အပေါ်လူးယောင်။